nuol.edu.la



ມຊ ຈັດກອງປະຊຸມປຶກສາຫາລືວຽກງານຂ່າວສານ

1504258742 tmp IMG 9920

ໃນຕອນເຊົ້າ ວັນທີ 1 ກັນຍາ 2017, ຄະນະຮັບຜິດຊອບວຽກງານຂ່າວສານຂອງ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມປຶກສາຫາລືວຽກງານຂ່າວສານຂຶ້ນ ທີ່ຫ້ອງປະຊຸມ 213 ຕຶກສຳນັກງານອະທິການບໍດີ, ໂດຍການເປັນປະທານຂອງທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ປະທານທີ່ປຶກສາວຽກງານຂ່າວສານ, ທ່ານ ຮສ. ປອ. ພຸດ ສີມມາລາວົງ ຮອງອະທິການບໍດີ ມະຫາວິທະຍາໄລແຫ່ງຊາດ, ຮອງປະທານທີ່ປຶກສາວຽກງານຂ່າວສານ, ທ່ານ ຮສ. ປອ. ເພັດສະໝອນ ຄູນສະຫວັດ ອະດີດຮອງອະທິການບໍດີ ມະຫາວິທະຍາໄລແຫ່ງຊາດ, ຄະນະທີ່ປຶກສາວຽກງານຂ່າວສານ, ມີບັນດາທ່ານຄະນະບໍດີ , ຮອງຄະນະບໍດີ, ຫົວໜ້າ-ຮອງຫົວໜ້າຫ້ອງການ, ແຂກທີ່ຖືກເຊີນ ແລະພະນັກງານ-ຄູອາຈານ ທີ່ກ່ຽວຂ້ອງ ເຂົ້າຮ່ວມ.

ໃນໂອກາດນີ້, ທ່ານ ສຈ. ປອ. ສົມສີ ຍໍພັນໄຊ ກ່າວເປີດພິທີ ແລະກໍມີຄວາມເຫັນ ໃຫ້ທິດຊີ້ນຳວຽກງານຂ່າວສານວ່າ: ສຳລັບວຽກງານຂ່າວສານຂອງມະຫາວິທະຍາໄລແມ່ນເປັນກະບອກສຽງທີ່ສຳຄັນຂອງ ມະຫາວິທະຍາໄລແຫ່ງຊາດ, ເປັນເວທີນຳສະເໜີຜົນງານອັນພົ້ນເດັ່ນການເຄື່ອນໄຫວ ຂອງມະຫາວິທະຍາໄລແຫ່ງຊາດ; ເພື່ອໃຫ້ມີການພັດທະນາ ແລະປັບປຸງວຽກງານດັ່ງກ່າວດີແລ້ວແຕ່ໃຫ້ດີຂຶ້ນຕື່ມ ຈຶ່ງຂໍສະເໜີ ແລະຮຽກຮ້ອງມາຍັງບັນດາພາກສ່ວນທີ່ກ່ຽວຂ້ອງຈົ່ງເອົາໃຈໃສ່ຕໍ່ກັບໜ້າທີ່ຕົນເອງຮັບຜິດຊອບ ແລະຖືກມອບໝາຍ ເປັນຕົ້ນແມ່ນ: ການຈັດພີມວາລະສານ, ປະຕິທິນ, ແຜ່ນພັບ, ກາກອວຍພອນ, ອອກລາຍການໂທລະພາບ ແລະໜັງສືພິມຕ່າງໆ

ປັດຈຸບັນ ສື່ຂອງມະຫາວິທະຍາໄລແຫ່ງຊາດປະກອບມີ: ເວັບໄຊ www.nuol.edu.la; ລາຍການອອກອາກາດ ວິທະຍຸກະຈາຍສຽງ ແມ່ນອອກອາກາດ ທຸກໆວັນ ອາທິດ ເລີ່ມແຕ່ເວລາ 13:30-14:00 ທາງຄື້ນວິທະຍຸ FM 103.7 MHz, ໃນຕອນທ້າຍຂອງພິທີ ທ່ານກໍໄດ້ໃຫ້ຄໍາອວຍພອນແກ່ທຸກພາກສ່ວນ ແລະຖ່າຍພາບຮ່ວມກັນ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ມຊ ຈັດກອງປະຊຸມປຶກສາຫາລືວຽກງານຂ່າວສານ

ການຮັບສະໝັກ

ທຶນການສຶກສາ