nuol.edu.la



ງານສະເຫຼີມ-ສະຫຼອງວັນສ້າງຕັ້ງສະຖາບັນຂົງຈືໂລກ ຄົບຮອບ 13 ປີ

ງານສະເຫຼີມ-ສະຫຼອງວັນສ້າງຕັ້ງສະຖາບັນຂົງຈືໂລກ ຄົບຮອບ 13 ປີ ໄດ້ຈັດຂຶ້ນໃນຕອນເຊົ້າວັນທີ 30 ກັນຍາ 2017 ນີ້ ທີ່ມະຫາວິທະຍາໄລແຫ່ງຊາດລາວ ທີ່ຈັດໂດຍສະຖາບັນຂົງຈື ໂດຍເປັນກຽດເຂົ້າຮ່ວມຂອງທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດລາວ, ທ່ານ ນາງ ແສງແກ້ວ ທູດວັດທະນະທຳຈີນ ປະຈຳ ສປປ ລາວ, ມີທ່ານ ນາງ ຍອນວິໄລ ໄຊຍະເລີດ ຜູ້ອໍານວຍການສະຖາບັນຂົງຈື( ຝ່າຍລາວ), ທ່ານ ນາງ ຫຼີຊຽວ ຜູ້ອໍານວຍການສະຖາບັນຂົງຈື( ຝ່າຍຈີນ), ແຂກທີ່ເຊີນ, ບັນດາຄູອາຈານ ແລະ ນັກສຶກສາສະຖາບັນຂົງຈື, ມີຄູ-ອາຈານ ແລະ ນ້ອງນັກຮຽນຈາກໂຮງຮຽນອ້ອມຂ້າງເຂົ້າຮ່ວມ 700 ກວ່າຄົນ.

   ໃນໂອກາດນີ້, ທ່ານ ນາງ ຍອນວິໄລ ໄຊຍະເລີດ ຜູ້ອໍານວຍການສະຖາບັນຂົງຈື( ຝ່າຍລາວ) ກໍໄດ້ກ່າວວ່າ: ສະຖາບັນຂົງຈືແຫ່ງທໍາອິດຂອງໂລກໄດ້ສ້າງຕັ້ງຂຶ້ນໃນປີ 2004. ມາຮອດປັດຈຸບັນໄດ້ຮ່ວມກັບ 140 ກວ່າປະເທດສ້າງຕັ້ງສະຖາບັນຂົງຈືໄດ້ 500 ກວ່າແຫ່ງ, ສ້າງຫ້ອງຮຽນຂົງຈືໄດ້ 1.100 ແຫ່ງ ມີນັກສຶກສາທັງໝົດ 2.100.000 ຄົນ. ສໍາລັບສະຖາບັນຂົງຈື ມະຫາວິທະຍາໄລແຫ່ງຊາດລາວໄດ້ສ້າງຕັ້ງຂຶ້ນໃນປີ 2010 ຄຽງຄູ່ກັບການຈັດຕັ້ງກິດຈະກໍາແລກປ່ຽນວັດທະນະທໍາທີ່ຫຼາກຫຼາຍຮູບແບບ, ໃນ 7 ປີ່ຜ່ານມາໄດ້ຈັດເຝິກອົບຮົມພາສາຈີນ ມີນັກສຶກສາເຂົ້າຮຽນຫຼາຍກວ່າ 16.000 ຄົນ. ໄດ້ປະກອບສ່ວນຊ່ວຍເຫຼືອເປີດຫ້ອງຮຽນພາສາຈີນໃຫ້ໂຮງຮຽນມັດທະຍົມ 6 ແຫ່ງ, ຈັດຕັ້ງເຝິກ

ອົບຮົມພາສາຈີນໃຫ້ຄູມັດທະຍົມ, ມີນັກສອບເສັງຫຼາຍກວ່າ 3.700 ຄົນເຂົ້າຮ່ວມການສອບເສັງທຽບລະດັບພາສາຈີນ ທີ່ສະຖາບັນຂົງຈື, ຊ່ວຍຂໍທຶນການສຶກສາໃຫ້ນັກສຶກສາໄປຮຽນຕໍ່ຢູ່ ສປ ຈີນ ຈຳນວນ 70 ຄົນ. ນອກນັ້ນ, ຍັງຈັດຕັ້ງນັກຮຽນໄປທັດສະນະສຶກສາຢູ່ ສປ ຈີນ 200 ຄົນ.

   ພາຍໃນງານຍັງໄດ້ຈັດສະແດງສິລະປະຈາກຄູ-ອາຈານຈີນ ແລະ ນັກສຶກສາລາວທີ່ມາຈາກສະຖາບັນຂົງຈື, ມະຫາວິທະຍາໄລ ຊູໂຈ່, ໂຮງຮຽນ ມສ. ລຽວໂຕ, ມສ. ສາທິດ, ມສ. ວຽງຈັນ. ວາງສະແດງຮູບພາບຜົນງານຂອງສະຖາບັນຂົງຈືຕະຫຼອດໄລຍະ 7 ປີ, ວາງສະແດງສິລະປະການແຕ້ມຕົວໜັງສືຈີນ, ແຕ້ມໜ້າກາກ, ແຕ້ມຮູບ ແລະ ອື່ນໆ ເພື່ອໃຫ້ຜູ້ເຂົ້າຮ່ວມງານໄດ້ສໍາພັດກັບວັດທະນະທໍາຈີນຢ່າງໃກ້ຊິດ.

 

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ງານສະເຫຼີມ-ສະຫຼອງວັນສ້າງຕັ້ງສະຖາບັນຂົງຈືໂລກ ຄົບຮອບ 13 ປີ

ການຮັບສະໝັກ

ທຶນການສຶກສາ