nuol.edu.la



ພິທີ ມອບ-ຮັບ ທຶນການສຶກສາ ລາວ-ອົດສະຕຣາລີ (LANS) ປະຈໍາສົົກສຶກສາ 2017-2018

1511169971 tmp IMG 1743

ໃນຕອນບ່າຍ ວັນທີ 17 ພະຈິກ 2017 ນີ້, ມະຫາວິທະຍາໄລແຫ່ງຊາດໄດ້ຈັດພິທີມອບ-ຮັບ ທຶນການສຶກສາ ລາວ-ອົດສະຕຣາລີ(LANS) ປະຈໍາສົົກສຶກສາ 2017-2018 ທີ່ສະໂມສອນໃຫຍ່ ມະຫາວິທະຍາໄລແຫ່ງຊາດ, ໂດຍການເປັນປະທານ ຂອງ ທ່ານ ຈອນ ວິນລ່ຽມສ໌ ເອກອັກຄະລາຊະທູດ ອົດສະຕຣາລີ ປະຈໍາ ສປປ ລາວ, ທ່ານ ຮສ. ປອ. ຮຸ່ງເພັດ ຈັນທະວົງ ຮອງອະທິການບໍດີ ມະຫາວິທະຍາໄລແຫ່ງຊາດ, ມີບັນດາຜູ້ຈັດການໂຄງການ ແລະຜູ້ຮັບຜິດຊອບທຶນ LANS, ມີບັນດາຄະນະບໍດີ, ຫົວໜ້າຫ້ອງການ, ພະນັກງານ-ຄູອາຈານ ແລະນັກສຶກສາທີ່ໄດ້ຮັບທຶນຈໍານວນ 219 ສະຫາຍ.

ໃນການພິທີນີ້ ທ່ານ ຮສ. ປອ. ຮຸ່ງເພັດ ຈັນທະວົງ ໄດ້ຂຶ້ນກ່າວໃນການ ມອບ-ຮັບ ທຶນການສຶກສາຄັ້ງນີ້ວ່າ: ຂ້າພະເຈົ້າມີຄວາມພາກພູມໃຈ, ດີໃຈຫຼາຍ ແລະສະແດງຂອບໃຈມາຍັງທາງຄະນະລັດຖະບານອົດສະຕຣາລີ, ຄະນະເອກອັກຄະລາຊະທູດປະຈໍາ ສປປ ລາວ. ທີ່ໃຫ້ການຊ່ວຍທຶນການສຶກສາໃຫ້ແກ່ ນັກສຶກສາມະຫາວິທະໄລແຫ່ງຊາດຄັ້ງນີ້. ທຶນລາວ-ອົດສະຕຣາລີ(LANS) ແມ່ນໂຄງການໜຶ່ງທີ່ໃຫ້ຄວາມສໍາຄັນແກ່ການສຶກສາໃນມະຫາວິທະຍາໄລແຫ່ງຊາດ, ລັດຖະບານອົດສະຕຣາລີໄດ້ໃຫ້ທຶນການສຶກສານີ້ ເລີ່ມແຕ່ ສົກຮຽນ 2011-2012 ເປັນຕົ້ນມາ. ມາຮອດປັດຈຸບັນ ມີນັກສຶກສາທີ່ໄດ້ຮັບທຶນດັ່ງກ່າວສໍາເລັດການສຶກສາໄປແລ້ວ 3 ຊຸດ ຈໍານວນ 200 ກວ່າຄົນ ແລະນັກສຶກສາໄດ້ຮັບທຶນທີ່ກໍາລັງສຶກສາຢູ່ມີຈໍານວນ 219 ຄົນ, ຍິງ 111 ຄົນ, ສໍາລັບສົກຮຽນນີ້ແມ່ນມີນັກສຶກສາໄດ້ຮັບທຶນການສຶກສາດັ່ງກ່າວ 50 ຄົນ, ມີນັກສຶກສາພິການ 7 ຄົນ.

ໃນໂອກາດດຽວກັນນີ້, ທ່ານ ຈອນ ວິນລ່ຽມສ໌ ຕາງໜ້າລັດຖະບານອົດສະຕຣາລີ ໄດ້ກ່າວສະແດງຄວາມຍິນດີ ແລະພູກພູມໃຈທີ່ໄດ້ໃຫ້ການຊ່ວຍເຫຼືອ ທຶນການສຶກສາໃຫ້ແກ່ນັກສຶກສາ ມະຫາວິທະຍາໄລແຫ່ງຊາດ ເພື່ອໃຫ້ນັກສຶກສາທີ່ດ້ອຍໂອກາດ, ມາຈາກບ່ອນຫ່າງໄກຊອກຫຼີກໄດ້ມີໂອກາດໄດ້ເຂົ້າສຶກສາຮໍ່າຮຽນ ແລະຫວັງວ່າຈໍານວນນັກສຶກສາດັ່ງກ່າວຈະມີຄວາມຕັ້ງໃຈໃນການພັດທະນາຕົນເອງໃຫ້ກາຍເປັນບຸກຄະລາກອນທີ່ດີຂອງປະເທດຊາດໃນອະນາຄົດ. ໃນພິທີດັ່ງກ່າວ ແມ່ນເປັນກຽດມອບໂດຍ ທ່ານ ຈອນ ວິນລ່ຽມສ໌ ແລະກ່າວຮັບໂດຍ ຮສ. ປອ. ຮຸ່ງເພັດ ຈັນທະວົງ .

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ພິທີ ມອບ-ຮັບ ທຶນການສຶກສາ ລາວ-ອົດສະຕຣາລີ (LANS) ປະຈໍາສົົກສຶກສາ 2017-2018

ການຮັບສະໝັກ

ທຶນການສຶກສາ