nuol.edu.la



ນັກສຶກສາ ມຊ ສ້າງຂະບວນການອອກແຮງງງານລວມ

1511839334 tmp IMG 9343

            ເພື່ອເປັນການສ້າງຂະບວນການຂໍ່ານັບ-ຮັບຕ້ອນ ວັນຊາດ ທີ 2 ທັນວາ, ທີ່ຈະໝູນວຽນມາ ຄົບຮອບ 42 ປີໆນີ້, ໃນຕອນເຊົ້າວັນເສົາ ວັນທີ 25 ພະຈິກ 2017 ຜ່ານມາ, ນັກສຶກສາຄະນະວິຊາຕ່າງໆ ແລະນັກສຶກສາທີ່ນອນໃນຫໍພັກວິທະຍາເຂດດົງໂດກ ມະຫາວິທະຍາໄລແຫ່ງຊາດ ໄດ້ຈັດກິດຈະກໍາ, ສ້າງຂະບວນການອອກແຮງງານລວມຂຶ້ນທີ່ ຫໍພັກນັກສຶກສາ ໂດຍມີພະນັກງານທີ່ກ່ຽວຂ້ອງ ແລະນັກສຶກສາທີ່ນອນໃນຫໍພັກວິທະຍາເຂດດົງໂດກເຂົ້າຮ່ວມຢ່າງເປັນຂະບວນຟົດຟື້ນ.

           ການສ້າງຂະບວນການອອກແຮງງານລວມ ຂອງນັກສຶກສາ ມະຫາວິທະຍາໄລແຫ່ງຊາດ(ວິທະຍາເຂດດົງໂດກ)ຄັ້ງນີ້ ແມ່ນເພື່ອເປັນການສ້າງຂະບວນການຕ້ອນຮັບວັນຊາດ ທີ 2 ທັນວາຄົບຮອບ 42 ປີ (1975-2017) ແລະເພື່ອສ້າງໃຫ້ນັກສຶກໄດ້ປະຕິບັດໄປຕາມ 5 ຫຼັກມູນຂອງການສຶກສາ ຄື ແຮງງານສຶກສາ ແລະທັງເປັນການສ້າງໃຫ້ພະນັກງານ, ຄູ-ອາຈານ ແລະນັກສຶກສາ ໄດ້ມີໂອກາດ ໄດ້ສ້າງຂະບວນການຮ່ວມກັນ ທີ່ເຕັມໄປດ້ວຍຄວາມສາມັກຄີ-ຮັກແພງເຊິ່ງກັນ ແລະກັນ, ຊ່ວຍກັນອະນາໄມຂອບເຂດອ້ອມຮອບ ມະຫາໄລແຫ່ງຊາດໃຫ້ສະອາດງາມຕາ. ການອອກແຮງງານເຮັດອະນາໄມ ຄັ້ງນີ້ ແມ່ນໄດ້ຕັດຫຍ້າ, ອະນາໄມຮ່ອງລະບາຍນໍ້າ, ເກັບຂີ້ເຫຍື້ອຕາມບໍລິເວນເດີ່ນຫຍ້າ, ບໍລິເວນອ້ອມຮອບຫໍພັກນັກສຶກສາ, ປັດກວດ-ທໍາຄວາມສະອາດອາຄານຫໍພັກນັກສຶກສາ, ອາຄານຮຽນ ແລະຕຶກອາຄານຫ້ອງການ ທົ່ວມະຫາວິທະຍາເຂດດົງໂດກ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ນັກສຶກສາ ມຊ ສ້າງຂະບວນການອອກແຮງງງານລວມ

ການຮັບສະໝັກ

ທຶນການສຶກສາ