nuol.edu.la



ຄະນະນໍາ ມຊ ເຂົ້າຮ່ວມພິທີຫວນຄືນວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ

IMG-20171206-WA0043

          ໃນວັນທີ 25 ພະຈິກ 2017 ຜ່ານມານີ້, ຄະນະນໍາ ມະຫາວິທະຍາໄລແຫ່ງຊາດ ນໍາໂດຍ ທ່ານ ຮສ.ປອ ອຸດົມ ພອນຄໍາເພັງ ຮອງອະທິການບໍດີ ມະຫາວິທະຍາໄລແຫ່ງຊາດ ພ້ອມດ້ວຍຄະນະ ໄດ້ເຂົ້າຮ່ວມ ພິທີຫວນຄືນວັນສາກົນຢຸດຕິ ການໃຊ້ຄວາມຮຸນແຮງຕໍ່ແມ່ຍິງ ແລະເດັກນ້ອຍຍິງ, ພາຍໃຕ້ຫົວຂໍ້ “ບໍ່ປະໃຜໄວ້ເບື້ອງຫຼັງ ຢຸດຕິຕໍ່ການໃຊ້ຄວາມຮຸນແຮງຕໍ່ແມ່ຍິງ ແລະເດັກຍິງ” ທີ່ກໍາມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ ແລະເດັກນ້ອຍ (ຄຊກມດ) ຮ່ວມກັບສູນກາງສະຫະພັນແມ່ຍິງລາວ ຈັດຂຶ້ນທີ່ສູນ ICTC ນະຄອນຫຼວງວຽງຈັນ; ໂດຍການເປັນປະທານຂອງ ທ່ານ ນາງ ອິນລາວັນ ແກ້ວບຸນພັນ ປະທານສູນກາງສະຫະພັນແມ່ຍິງລາວ ຮອງປະທານ ຄຊກມດ, ມີບັນດາທ່ານລັດຖະມົນຕີ, ຮອງລັດຖະມົນຕີ, ຕາງໜ້າຈາກອົງການທຽບເທົ່າກະຊວງ ແລະມະຫາວິທະຍາໄລແຫ່ງຊາດ ເຂົ້າຮ່ວມ.

          ໃນພິທີໄດ້ຮັບຊົມວີດີໂອສານຂອງທ່ານນາຍົກລັດຖະມົນຕີ ປະທານ ຄະນະກຳມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ ແລະເດັກນ້ອຍ ເຊິ່ງໄດ້ຍົກໃຫ້ເຫັນເຖິງສະພາບຂອງຄວາມຮຸນແຮງຕໍ່ແມ່ຍິງ ແລະເດັກຍິງ, ການຈັດຕັ້ງປະຕິບັດວຽກງານສົ່ງເສີມຄວາມກ້າວໜ້າແມ່ຍິງ ແລະຄວາມສະເໝີພາບລະຫວ່າງຍິງ-ຊາຍ ແລະວຽກງານຕ້ານ ແລະສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະເດັກນ້ອຍໃນໄລຍະຜ່ານມາ, ພ້ອມທັງຮຽກຮ້ອງໃຫ້ທຸກພາກສ່ວນຈົ່ງພ້ອມກັນເອົາໃຈໃສ່ປົກປ້ອງ ແລະແກ້ໄຂຄວາມຮຸນແຮງຕໍ່ແມ່ຍິງ ແລະເດັກນ້ອຍ. ຈາກນັ້ນ ທ່ານ ນາງ ອິນລາວັນ ແກ້ວບຸນພັນ ໄດ້ກ່າວຫວນຄືນປະຫວັດຄວາມເປັນມາການສະນຶກວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ເຊິ່່ງທ່ານໄດ້ຍົົົກໃຫ້ເຫັນຂະບວນການຕໍ່ສູ້ຂອງ 3 ເອື້ອຍນ້ອງຕະກຸນ ມີຣາບານ ຈາກສາທາລະນະລັດ ໂດນີມິແກນ ທີ່ໄດ້ຕໍ່ສູ້ທວງເອົາສິດການເປັນມະນຸດຂອງແມ່ຍິງຈົນເຮັດໃຫ້ 3 ເອື້ອຍນ້ອງຖືກລອບສັງຫານຢ່າງໂຫດຮ້າຍປ່າເຖື່ອນໂດຍລະບອບຜະເດັດການຂອງ ຣາຟາແອລ ທຣູຄີໂຣ ໃນວັນທີ 25 ພະຈິກ ເປັນເຫດໃຫ້ບັນດາຜູ້ແທນຈາກລັດ ໂດນີມິແກນ ແລະປະເທດອື່ນໆ ສະເໜີໃຫ້ສະຫະປະຊາຊາດ ຮອງຮັບເອົາວັນທີ 25 ພະຈິກ ຂອງທຸກໆປີ ເປັນວັນລະນຶກເຖິງວິລະກຳຂອງບັນດານັກເຄື່ອນໄຫວຕໍ່ສູ້ເພື່ອສິດທິຂອງແມ່ຍິງ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຄະນະນໍາ ມຊ ເຂົ້າຮ່ວມພິທີຫວນຄືນວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ

ການຮັບສະໝັກ

ທຶນການສຶກສາ