nuol.edu.la



ສະຖາບັນຂົງຈື ຈັດກິດຈະກໍາ ສະແດງກິລາໄທເກັກເພື່ອສຸຂະພາບ

1512981915 tmp IMG 9807

       ເນື່ອງໃນໂອກາດ ການສະເຫຼີມສະຫຼອງວັນຊາດທີ 2 ທັນວາ ຄົບຮອບ 42 ປີ ຢ່າງຄຶກຄື້ນທີ່ຫາກໍຜ່ານໄປບໍ່ນານນີ້, ມາໃນຕອນແລງວັນທີ 8 ທັນວາ 2017 ສະຖາບັນຂົງຈື ມະຫາວິທະຍາໄລແຫ່ງຊາດ ໄດ້ຈັດກິດຈະກໍາສະແດງກີລາໄທເກັກ ເພື່ອສຸຂະພາບຂຶ້ນ ທີ່ສະໜາມກີລາກາງ ມະຫາວິທະຍາໄລແຫ່ງຊາດ, ໂດຍໃຫ້ກຽດເຂົ້າຮ່ວມ ຂອງທ່ານ ສຈ.ປອ ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ມີຮອງຄະນະບໍດີ, ຫົວໜ້າຫ້ອງການ, ຜູ້ອໍານວຍການສະຖາບັນ, ສູນ, ຫໍສະໝຸດກາງ, ໂຮງໝໍ, ໂຮງຮຽນ ພ້ອມດ້ວຍນັກສຶກສາ ແລະນັກຮຽນມັດທະຍົມສາທິດເຂົ້າຮ່ວມຢ່າງຄຶກຄື້ນ.

          ການຈັດກິດຈະກໍາຄັ້ງນີ້, ກໍເພື່ອເປັນການສະເຫຼີມສະຫຼອງ ວັນຊາດທີ 2 ທັັນວາ ຄົບຮອບ 42 ປີ, ແລະເພື່ອສ້າງຂະບວນການສົ່ງເສີມໃຫ້ ບັນດາຄູ-ອາຈານ ແລະນັກຮຽນ, ນັກສຶກສາໄດ້ມີໂອກາດຫັນມາອອກກໍາລັງກາຍຮ່ວມກັນ, ເພື່ອສ້າງຄວາມຮັກແພງ-ສາມັກຄີເຊິ່ງກັນ ແລະກັນ; ການສະແດງກິດຈະກໍາດັ່ງກ່າວ ຍັງກາຍເປັນການສົ່ງເສີມ ແລະແລກປ່ຽນວັດທະນະທໍາລະຫວ່າງລາວ-ຈີນນໍາອີກ. ລາຍການສະແດງປະກອບມີ: ການສະແດງກີລາໄທເກັກ ແລະການເຕັ້ນແອໂຣບິກຂອງອາຈານລາວ ແລະຈີນ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ສະຖາບັນຂົງຈື ຈັດກິດຈະກໍາ ສະແດງກິລາໄທເກັກເພື່ອສຸຂະພາບ

ການຮັບສະໝັກ

ທຶນການສຶກສາ