nuol.edu.la



ກັບມາອີກຄັ້ງການແຂ່ງຂັນກີລານັກສຶກສາຫໍພັກບ້ານຊີເກມ

1513158710 tmp DSC00437

ໃນຕອນເຊົ້າຂອງວັນທີ 14 ມັງກອນ 2017 ເວລາ 11:20 ໂມງ ທີ່ເດີ່ນກີລາຫໍພັກບ້ານຊີເກມ ໄດ້ມີພິທີເປີດ-ປິດການແຂ່ງຂັນກີລາປະຈໍາປີ 2017 ຂອງນັກສຶກສາຫໍພັກບ້ານຊີເກມ ໂດຍຈຸດປະສົງຫຼັກຄື: ເພື່ອເປັນການສ້າງຂະບວນການຄວາມສາມັກຄີລະຫວ່າງນັກສຶກສາພາຍໃນຫໍພັກ ແລະ ພະນັກງານຫ້ອງການຄຸ້ມຄອງຫໍພັກບ້ານຊີເກມ ໃຫ້ມີຄວາມແໜ້ນແຟ້ນ ແລະ ມີບັນຍາກາດຟົດຟື້ນມ່ວນຊື່ນ. ເປັນກຽດເຂົ້າຮ່ວມພິທີດັ່ງກ່າວມີ ທ່ານ ຮສ.ປອ. ຮຸ່ງເພັດ ຈັນທະວົງ ຮອງອະທິການບໍດີ ມະຫາວິທະຍາໄລແຫ່ງຊາດ, ຄະນະຫ້ອງການອ້ອມຂ້າງສໍານັກງານອະທິການບໍດີ, ຫົວໜ້າຫ້ອງການ, ຮອງຫົວໜ້າຫ້ອງການ, ພະນັກງານ, ນັກສຶກສາລາວ ແລະ ນັກສຶກສາຕ່າງປະເທດຈຳນວນໜຶ່ງ.

ຫຼັງຈາກພິທີເປີດ-ປິດສໍາເລັດແລ້ວ, ຫົວໜ້າຫ້ອງການຄຸ້ມຄອງຫໍພັກບ້ານຊີເກມ ໄດ້ເຊີນແຂກທີ່ເຂົ້າຮ່ວມກິດຈະກໍາແຂ່ງຂັນຕີບູນສາມັກຄີກັບພະນັກງານ, ນັກສຶກສາລາວ, ນັກສຶກສາຕ່າງປະເທດ ແລະ ຮ່ວມຮັບປະທານອາຫານເບົາສາມັກຄີ ພໍຮອດມາຮອດເວລາ 17:00 ໂມງ ກໍໄດ້ມີພິທີມອບເງິນລາງວັນ ແລະ ຂັນກີລາແຕ່ລະປະເພດໃຫ້ກັບທິມທີ່ຊະນະກີລາແຕ່ລະປະເພດ​ ​ແລະ ການຫຼິ້ນ​ເກ​ມພື້ນບ້ານປະ​ເພດຕ່າງໆ ດັ່ງລາຍ​ລະອຽດລຸ່ມນີ້:

Fປະເພດກີລາ

  1. ປະເພດກີລາບານເຕະຊາຍ ມີຜູ້ສະໝັກເຂົ້າຮ່ວມທັງໝົດ 14 ທິມ, ໃນນັ້ນມີທິມທີ່ຊະນະເລີດອັນດັບທີ 1 ຄືທິມນັກສຶກສາຕຶກA6 ຈໍາປາສັກ, ອັນດັບທີ່ 2 ທິມນັກສຶກສາຕຶກ A6 Else ແລະ ອັນດັບທີ່ 3 ທິມປ້ອງກັນສ່ວນກາງ ມຊ
  2. ປະເພດກີລາບານເຕະຍິງ ມີຜູ້ສະໝັກເຂົ້າຮ່ວມທັງໝົດ 6 ທິມ, ໃນນັ້ນມີທິມທີ່ຊະນະເລີດອັນດັບທີ 1 ຄືທິມນັກສຶກສາຕຶກA3 ແລະ ອັນດັບທີ່ 2 ທິມນັກສຶກສາຕຶກ A5
  3. ປະເພດກີລາຕີບູນຊາຍ ມີຜູ້ສະໝັກເຂົ້າຮ່ວມທັງໝົດ 10 ທິມ, ໃນນັ້ນມີທິມທີ່ຊະນະເລີດອັນດັບທີ 1 ທິມນັກສຶກສາຕຶກ A7 ປາກເຊ ແລະ ອັນດັບທີ 2 ທິມນັກສຶກສາຕຶກ A6 ຈໍາປາສັກ
  4. ປະເພດກີລາຕີບູນຍິງ ມີຜູ້ສະໝັກເຂົ້າຮ່ວມທັງໝົດ 16 ທີມ, ໃນນັ້ນມີທິມທີ່ຊະນະເລີດອັນດັບທີ 1 ທິມນັກສຶກສາຕຶກ A5 ຊັ້ນ 3 ແລະ ອັນດັບທີ 2 ທິມນັກສຶກສາຕຶກ A4
  5. ປະເພດກີລາບານສົ່ງຊາຍມີຜູ້ສະໝັກເຂົ້າຮ່ວມທັງໝົດ 10 ທີມ, ໃນນັ້ນມີທິມທີ່ຊະນະເລີດອັນດັບທີ 1 ທິມຫໍອາຫານ ແລະ ອັນດັບທີ 2 ທິມນັກສຶກສາຕຶກ A6 – A7 ລວມມິດ
  6. ປະເພດກີລາບານສົ່ງຍິງ ມີຜູ້ສະໝັກເຂົ້າຮ່ວມທັງໝົດ 8 ທີມ, ໃນນັ້ນມີທິມທີ່ຊະນະເລີດອັນດັບທີ 1 ທິມນັກສຶກສາຕຶກ A4 ແລະ ອັນດັບທີ 2 ທິມນັກສຶກສາຕຶກ A2/1

A ປະເພດການຫຼິ້ນເກມພື້ນບ້ານ

  1. ການຫຼິ້ນເກມແກ້ງຈັບສຸບໃສ່ ມີ 1 ລາງວັນ ທິມທີ່ຊະນະເລີດອັນດັບທີ 1 ທິມນັກສຶກສາA3/1
  2. ການຫຼິ້ນເກມຕະລຸຍນໍ້າທາສີ ມີ 1 ລາງວັນ ທິມທີ່ຊະນະເລີດອັນດັບທີ 1 ທິມປ້ອງກັນ 3
  3. ການຫຼິ້ນເກມຕີມວຍເທິງຄັນນາ ມີ 1 ລາງວັນ ທິມທີ່ຊະນະເລີດອັນດັບທີ 1 ທິມນັກສຶກສາA2/1
  4. ການຫຼິ້ນເກມງູກິນຫາງ ມີ 1 ລາງວັນ ທິມທີ່ຊະນະເລີດອັນດັບທີ 1 ທິມນັກສຶກສາA5
  5. ການຫຼິ້ນເກມຈັບຂາງະອອກ ມີ 1 ລາງວັນ ທິມທີ່ຊະນະເລີດອັນດັບທີ 1 ທິມນັກສຶກສາກໍາປູເຈ່ຍA1
  6. ການຫຼິ້ນເກມຕະພ່າທະເລ ມີ 1 ລາງວັນ ທິມທີ່ຊະນະເລີດອັນດັບທີ 1 ທິມນັກສຶກສາA2/2

ພາບບັນຍາກາດ

 

ທ່ານກຳລັງຢູ່ທີ່: Home ຂ່າວ ກັບມາອີກຄັ້ງການແຂ່ງຂັນກີລານັກສຶກສາຫໍພັກບ້ານຊີເກມ

ການຮັບສະໝັກ

ທຶນການສຶກສາ