nuol.edu.la



ຂະບວນຝຶກອົບຮົມທິດສະດີການເມືອງໄລຍະສັ້ນ 45 ວັນ ເຂົ້າຮ່ວມຟັງ ການປາຖະກະຖາ ທີ່ສະຖາບັນ ການເມືອງ ແລະການປົກຄອງແຫ່ງຊາດ

1513160273 tmp IMG 0075

             ໃນຕອນບ່າຍວັນທີ 11 ທັນວາ 2017 ນີ້, ຂະບວນຝຶກອົບຮົມທິດສະດີການເມືອງ-ການປົກຄອງ ໄລຍະສັ້ນ 45 ວັນ ຊຸດທີ 11 ຂອງ ມະຫາວິທະຍາໄລແຫ່ງຊາດ ໄດ້ເຂົ້າຮ່ວມຟັງການປາຖະກະຖາ ປະຫວັດຄວາມເປັນມາຂອງສະຖາບັນການເມືອງ ແລະການປົກຄອງແຫ່ງຊາດໂດຍໃຫ້ກຽດປາຖະກະຖາຂອງ ທ່ານ ປອ. ຄໍາພັນ ວົງພະຈັນ ຮອງຫົວໜ້າກົມວິຊາການ ສະຖາບັນ ການເມືອງ ແລະການປົກຄອງແຫ່ງຊາດ, ເຊິ່ງມີສໍາມະນາກອນເຂົ້າຮ່ວມ100 ສະຫາຍ.

           ການປາຖະກະຖາຄັ້ງນີ້, ທ່ານ ປອ. ຄໍາພັນ ວົງພະຈັນ ໄດ້ເລົ່າຄືນປະຫວັດຄວາມເປັນມາຂອງສະຖາບັນການເມືອງ ແລະການປົກຄອງແຫ່ງຊາດວ່າ: ສະຖາບັນ ການເມືອງ ແລະການປົກຄອງແຫ່ງຊາດ(ສມປຊ)ໄດ້ສ້າງຕັ້ງຂຶ້ນໃນ ວັນທີ 22 ມີນາ 1960 ທີ່ ສສ. ຫວຽດນາມ ໂດຍຜ່ານການຂະຫຍາຍຕົວມາ 7 ໄລຍະ ຈົນຮອດປັດຈຸບັນ, ສະຖາບັນການເມືອງ ແລະການປົກຄອງແຫ່ງຊາດ ແມ່ນໜຶ່ງໃນບັນດາອົງການຈັດຕັ້ງຂອງສູນກາງພັກ ແລະລັດຖະບານ, ເປັນອົງການວິຊາການຂັ້ນສູນກາງ ເຊິ່ງມີຖານະທຽບເທົ່າກັບຄະນະຕ່າງໆຂອງພັກ ແລະກະຊວງ-ອົງການທຽບເທົ່າຂອງລັດຖະບານ, ເຊິ່ງມີໜ້າທີ່ເຜີຍແຜ່, ໂຄສະນາ ທິດສະດີມາກ-ເລນິນ, ສຶກສາອົບຮົມແນວທາງນະໂຍບາຍຂອງພັກ, ເຜີຍແຜ່ບົດຮຽນປະຕິວັດຂອງບັນດາ ປະເທດສັງຄົມນິຍົມ, ພ້ອມທັງກໍ່ສ້າງ ແລະບໍາລຸງພະນັກງານໄປຕາມແນວທາງຂອງພັກທີ່ກໍານົດໄວ້. ປັດຈຸບັນ ສະຖາບັນ ການເມືອງ ແລະການປົກຄອງແຫ່ງຊາດ ມີອາຄານທັງໝົດ 22 ຫຼັງ, ມີພະນັກງານຄູ-ອານຈານ 254 ຄົນ, ຍິງ 102 ຄົນ, ມີລະບົບການຮຽນ 4 ລະບົບຄື: ລະບົບປະລິນຍາໂທ, ປະລິນຍາຕີ, ຊັ້ນສູງ (ລະບົບບໍາລຸງ) ແລະອະນຸປະລິນຍາ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຂະບວນຝຶກອົບຮົມທິດສະດີການເມືອງໄລຍະສັ້ນ 45 ວັນ ເຂົ້າຮ່ວມຟັງ ການປາຖະກະຖາ ທີ່ສະຖາບັນ ການເມືອງ ແລະການປົກຄອງແຫ່ງຊາດ

ການຮັບສະໝັກ

ທຶນການສຶກສາ