nuol.edu.la



ພິທີມອບທຶນຊ່ວຍເຫຼືອສ້ອມແປງຫ້ອງນໍ້າ, ອາຄານຮຽນ ຄະນະວິທະຍາສາດສັງຄົມ

1513674797 tmp IMG 2975

              ໃນຕອນເຊົ້າ ວັນທີ 18 ທັນວາ 2017 ນີ້, ຄະນະວິທະຍາສາດສັງຄົມ ໄດ້ຈັດພິທີເຊັນບົດບັນທຶກຄວາມເຂົ້າໃຈໃນການມອບທຶນຊ່ວຍເຫຼືອສ້ອມແປງຫ້ອງນໍ້າ, ອາຄານຮຽນ ຂອງຄະນະວິທະຍາສາດສັງຄົມ, ຕາງໜ້າຄະນະວິທະຍາສາດສັງຄົມເຊັນ ໂດຍ ທ່ານ ຮສ. ບຸນມາກ ອິນທິພອນ ຮັກສາການຄະນະບໍດີ ຄະນະວິທະຍາສາດສັງຄົມ ແລະຜູ້ໃຫ້ທຶນຊ່ວຍເຫຼືອ ທ່ານ ຄີມໂຮ່ ກ່ອງ ປະທານທີ່ປຶກສາການບັນຊີ ສ. ເກົາຫຼີ ໂດຍມີທ່ານຮອງຄະນະບໍດີ, ຫົວໜ້າພາກວິຊາ ແລະພະນັກງານ-ຄູອາຈານທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

             ການມອບທຶນໃນຄັ້ງນີ້ແມ່ນພາຍໃຕ້ໂຄງການ “ເສີມສ້າງຂີດຄວາມສາມາດດ້ານການພັດທະນາຊຸມຊົນ ຕາມທິດສາມສ້າງແຊມາອືນ ອຸດົງ” ແລະແມ່ນໜຶ່ງໃນການໃຫ້ການສະໜັບສະໜູນການພັດທະນາການສຶກສາຄຽງຄູ່ກັບດ້ານສຸຂະອະນາໄມຕາມທິດຊີ້ນຳ ຂອງກະຊວງສາທາລະ

ນະສຸກ ໃນການຢູ່ຢ່າງສະອາດ, ຍ້ອນແນວນັ້ນ ທ່ານ ຄີມໂຮ່ກ່ອງ ຈຶ່ງເຫັນສະພາບຫ້ອງນໍ້າອາຄານຮຽນ ຄະນະວິທະຍາສາດສັງຄົມທີ່ຜ່ານມາການໃຊ້ງານມາຫຼາຍປີ ຈຶ່ງມີສະພາບເກົ່າ ແລະເປ່ເພ່, ເພື່ອປັບປຸງໃຫ້ດີຂຶ້ນທ່ານຈຶ່ງໄດ້ມອບທຶນສ້ອມແປງ ຈໍານວນ 80,277,000 ກີບ ເຊິ່ງໄດ້ເລີ່ມລົງມືສ້ອມແປງມາແຕ່ເດືອນ ພະຈິກ 2017 ໂດຍໄດ້ມີການປ່ຽນຊັກໂຄກ, ຄັດພື້ນ, ທາສີ ແລະແປງກ໊ອກນໍ້າ ຄືນໃໝ່ ຈຳນວນ 6 ຫ້ອງຂອງອາຄານ 3 ຊັ້ນ ພ້ອມທັງກໍ່ອ່າງເກັບນໍ້າເສຍ 1 ອ່າງ ແລະຄາດວ່າຈະສຳເລັດໃນຕົ້ນປີ 2018 ນີ້.

          ໂອກາດນີ້, ທ່ານ ຮສ. ບຸນມາກ ອິນທິພອນ ກໍໄດ້ກ່າວສະແດງຄວາມຮູ້ບຸນຄຸນຕໍ່ການໃຫ້ການຊ່ວຍເຫຼືອຂອງທ່ານ ຄິມໂຮ່ກ່ອງ ພ້ອມທັງກ່າວອີກວ່າ ການຮ່ວມມືໃນຄັ້ງນີ້ຖືວ່າເປັນບາດກ້າວທີ່ສຳຄັນ, ສໍາລັບທຶນທີ່ໄດ້ຮັບກໍໄດ້ຖືກນໍາໃຊ້ໃຫ້ເກີດປະໂຫຍດສູງສຸດໃນການປັບປຸງ ຫ້ອງນໍ້າອາຄານຮຽນຂອງຄະນະເພື່ອຄວາມສະດວກໃນການຊົມໃຊ້ຕໍ່ໄປ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ພິທີມອບທຶນຊ່ວຍເຫຼືອສ້ອມແປງຫ້ອງນໍ້າ, ອາຄານຮຽນ ຄະນະວິທະຍາສາດສັງຄົມ

ການຮັບສະໝັກ

ທຶນການສຶກສາ