nuol.edu.la



ມະຫາວິທະຍາໄລຄຸນໜິງ ສປຈີນ ສືບຕໍ່ເຊັນສັນຍາ ຮ່ວມມື ແລະໃຫ້ການຊ່ວຍເຫຼືອ ມຊ

1513678274 tmp IMG 2911

            ເພື່ອຮັດແໜ້ນສາຍພົວພັນການຮ່ວມມືລະຫວ່າງສອງຊາດລາວ-ຈີນ, ຈີນ-ລາວ ໃຫ້ແໜ້ນແຟ້ນຍິ່ງຂຶ້ນໂດຍອີງໃສ່ນະໂຍບາຍການຮ່ວມມືຂອງ ສປ ຈີນ ກັບ ສປປ ລາວ ທີ່ວ່າ “ໜຶ່ງແລວທາງ ໜຶ່ງເສັ້ນທາງ”, ໃນຕອນເຊົ້າ ວັນທີ 18 ທັນວາ 2017 ຜ່ານມາ, ມະຫາວິທະຍາໄລແຫ່ງຊາດ ໄດ້ຈັດພິທີເຊັນບົດບັນທຶກຄວາມເຂົ້າໃຈລະຫວ່າງ ມະຫາວິທະຍາໄລແຫ່ງຊາດ ແລະມະຫາວິທະຍາໄລຄຸນໝິງ ສປປ ຈີນ ທີ່ຫ້ອງປະຊຸມ ຕຶກສຳນັກງານອະທິການບໍດີ ມະຫາວິທະຍາໄລແຫ່ງຊາດ, ຝ່າຍມະຫາວິທະຍາໄລແຫ່ງຊາດເຊັນໂດຍທ່ານ ຮສ. ປອ. ພຸດ ສິມມາລາວົງ ຮອງອະທິການບໍດີ ມະຫາວິທະຍາໄລແຫ່ງຊາດ ແລະຕາງໜ້າຝ່າຍ ມະຫາວິທະຍາໄລຄຸນມິງ ເຊັນໂດຍທ່ານ ຫວັງ ຢິງປິງ(Yingping WANG) ຮອງອະທິການບໍດີ ມະຫາວິທະຍາໄລຄຸນມິງ ສປ ຈີນ, ໂດຍຊ້ອງໜ້າ ທ່ານ ສຈ. ປອ. ສົມສີ ຍໍພັນໄຊ ວ່າການອະທິການດີ ມະຫາວິທະຍາໄລແຫ່ງຊາດ, ຄະນະນຳຈາກ ມະຫາວິທະຍາໄລຄຸນໝິງ ສປ ຈີນ, ທ່ານຄະນະບໍດີ, ຮອງຄະນະບໍດີ, ຫົວໜ້າຫ້ອງການ ແລະພະນັກງານຄູ-ອາຈານ ທີ່ກ່ຽວຂ້ອງເຂົ້າຮ່ວມ.

          ການເຊັນສັນຍາໃນຄັ້ງນີ້ ທັງສອງຝ່າຍໄດ້ ເລັ່ງໃສ່ຊຸກຍູ້ກິດຈະກຳແລກປ່ຽນຄູອາຈານ-ພະນັກງານ ແລະນັກສຶກສາ, ຈັດກິດຈະກຳຄົ້ນຄວ້າວິທະຍາສາດຮ່ວມກັນ, ເຂົ້າຮ່ວມກອງປະຊຸມສຳມະນາທາງດ້ານວິຊາການ. ບົດບັນທຶກຄວາມເຂົ້າໃຈສະບັບນີ້ຈະດຳເນີນໄປເປັນເວລາ 5 ປີ ເຊິ່ງອາດມີການສະຫຼຸບ ແລະທົບທວນຄືນ ແລະປັບປຸງຕາມການເຫັນດີຂອງສອງຝ່າຍ, ພ້ອມນັ້ນໃນພິທີ ມະຫາວິທະຍາໄລຄຸນໝິງ ຍັງມີເຈດຈຳນົງສືບຕໍ່ເຊັນສັນຍາການຮ່ວມມື ກັບຄະນະວິທະຍາສາດການກີລາ-ກາຍະກຳ ແລະຄະນະກະເສດສາດ ເພື່ອສືບຕໍ່ຮ່ວມມືແລກປ່ຽນທາງດ້ານວິຊາການຕໍ່ໄປ.

          ພາຍຫຼັງການເຊັນສັນຍາການຮ່ວມມືແລ້ວ, ມະຫາວິທະຍາໄລຄຸນໝິງ ຍັງໃຫ້ມອບອຸປະກອນກີລາໃຫ້ແກ່ ຄະນະວິທະຍາສາດການກີລາ-ກາຍະກຳ ມະຫາວິທະຍາໄລແຫ່ງຊາດ ມູນຄ່າ 80,000 ຢວນສະກຸນເງິນຈີນ ຫຼືປະມານ (101.360.000 ກີບ). ໃນທ້າຍພິທີ ທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ ກໍໄດ້ມອບຂອງທີ່ລະນຶກແລະໃບຢັ້ງຢືນເພື່ອເປັນການສະແດງຄວາມຂອບໃຈແກ່ ທ່ານ ຫວັງ ຢິງປິງອີກດ້ວຍ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ມະຫາວິທະຍາໄລຄຸນໜິງ ສປຈີນ ສືບຕໍ່ເຊັນສັນຍາ ຮ່ວມມື ແລະໃຫ້ການຊ່ວຍເຫຼືອ ມຊ

ການຮັບສະໝັກ

ທຶນການສຶກສາ