nuol.edu.la



ພິທີ ເຊັນບົດບັນທຶກຄວາມເຂົ້າໃຈ ລະຫວ່າງ ມະຫາວິທະຍາໄລແຫ່ງຊາດ ແລະມະຫາວິທະຍາໄລແຫ່ງຊາດຫວຽດນາມ(ນະຄອນໂຮ່ຈີມິນ)

IMG 4513

             ໃນຕອນເຊົ້າ ວັນທີ 26 ມັງກອນ 2018 ນີ້, ມະຫາວິທະຍາໄລແຫ່ງຊາດ ແລະມະຫາວິທະຍາໄລແຫ່ງຊາດຫວຽດນາມ(ນະຄອນໂຮຈີມິນ) ໄດ້ເຊັນບົດບັນທຶກຄວາມເຂົ້າໃຈ (MOU) ຮ່ວມກັນຂຶ້ນ ທີ່ໂຮງແຮມເມືອງແທງ ນະຄອນຫຼວງວຽງຈັນ, ຝ່າຍມະຫາວິທະຍາໄລແຫ່ງຊາດລາວ ເຊັນໂດຍທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ; ຝ່າຍມະຫາວິທະຍາໄລແຫ່ງຊາດ ຫວຽດນາມ(ນະຄອນໂຮ່ຈີມິນ) ເຊັນໂດຍທ່ານ ຮສ. ປອ. ວິ່ງແທງດາດ ກໍາມະການສູນການພັກ, ອະທິການບໍດີມະຫາວິທະຍາໄລແຫ່ງຊາດຫວຽດນາມ(ນະຄອນໂຮ່ຈີມິນ) ໂດຍຊ້ອງໜ້າ ທ່ານ ຫງວຽນ ທ້ຽນເຍີນ ກໍາມະການ ກົມການເມືອງ ສູນກາງພັກ, ເລຂາພັກນະຄອນໂຮ່ຈີມິນ, ຫົວໜ້າຄະນະຜູ້ແທນສະມາຊິກສະພາແຫ່ງຊາດນະຄອນໂຮ່ຈີມິນ, ທ່ານ ບົວລານ ສິລິປັນຍາ ຮອງລັດຖະມົນຕີ ກະຊວງສຶກສາທິການ ແລະກີລາ, ມີທ່ານຄະນະບໍດີ, ຫົວໜ້າຫ້ອງການ ພ້ອມດ້ວຍພະນັກງານ ທີ່ກ່ຽວຂ້ອງທັງສອງຝ່າຍເຂົ້າຮ່ວມ.

            ການເຊັນເຊັນບົດບັນທຶກຄວາມເຂົ້າໃຈ ລະຫວ່າງມະຫາວິທະຍາໄລແຫ່ງຊາດລາວ ແລະມະຫາວິທະຍາໄລແຫ່ງຊາດຫວຽດນາມ(ນະຄອນໂຮ່ຈີມິນ) ຄັ້ງນີ້ ແມ່ນເນັ້ນໃສ່ການແລກປ່ຽນ ພະນັກງານ, ຄູ-ອາຈານ ແລະນັກສຶກສາໃນລະດັບປະລິນຍາຕີ ແລະຫຼັງປະລິນຍາຕີ, ແລກປ່ຽນຂໍ້ມູນຂ່າວສານ ແລະເອກະສານ ທີ່ເປັນຂໍ້ມູນສໍາລັບການສຶກສາຄົ້ນຄວ້າ-ຮໍ່າຮຽນໃນລະດັບມະຫາວິທະຍາໄລ, ການຄົ້ນຄວ້າ-ວິໄຈ, ຈັດກອງປະຊຸມທາງວິຊາການ, ເຝິກອົບຮົມ ຍົກສູງລະດັບຄວາມຮູ້-ຄວາມສາມາດ ຂອງຄູ -ອາຈານ ໂດຍສະເພາະທາງດ້ານ ICT ເພື່ອຊ່ວຍເຫຼືອພັດທະນາຊັບພະຍາກອນມະນຸດ ຂອງມະຫາວິທະຍາໄລແຫ່ງຊາດ ໃຫ້ມີຄວາມກ້າວໜ້າ, ມະຫາວິທະຍາໄລແຫ່ງຊາດຫວຽດນາມ(ນະຄອນໂຮຈີມິນ) ພ້ອມໃຫ້ທຶນການສຶກສາແກ່ ຄູ-ອາຈານ ແລະນັກສຶກສາ ຂອງມະຫາວິທະຍາໄລແຫ່ງຊາດ ທີ່ໄປສຶກສາຢູ່ມະຫາວິທະຍາໄລແຫ່ງຊາດຫວຽດນາມ(ນະຄອນໂຮ່ຈີມິນ). ເຊິ່ງການເຊັນສັນຍາຮ່ວມມື ຂອງສອງຝ່າຍ ຍັງເປັນການຮັດແໜ້ນສາຍພົວພັນມິດຕະພາບອັນມີມູນເຊື້ອທີ່ຍິ່ງໃຫຍ່ ແລະຄວາມສາມັກຄີແບບພິເສດ ຂອງສອງປະເທດ ເວົ້າລວມ; ເວົ້າສະເພາະ ກໍແມ່ນຄວາມສາມັກຄີ ແລະການຮ່ວມມືດ້ານວິຊາການ ລະຫວ່າງ ມະຫາວິທະຍາໄລແຫ່ງຊາດລາວ ແລະມະຫາວິທະຍາໄລແຫ່ງຊາດ ຫວຽດນາມ(ນະຄອນໂຮ່ຈິມິນ) ໃຫ້ນັບມື້ ມີປະສິດທິຜົນຍິ່ງໆຂຶ້ນ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ພິທີ ເຊັນບົດບັນທຶກຄວາມເຂົ້າໃຈ ລະຫວ່າງ ມະຫາວິທະຍາໄລແຫ່ງຊາດ ແລະມະຫາວິທະຍາໄລແຫ່ງຊາດຫວຽດນາມ(ນະຄອນໂຮ່ຈີມິນ)

ການຮັບສະໝັກ

ທຶນການສຶກສາ