nuol.edu.la



ຄອສ ຈັດພິທີ ສະຫຼຸບຜົນງານ ແລະມອບໃບຍ້ອງຍໍໃຫ້ແກ່ຊ່ຽວຊານ ສປ ຈີນ

1518513534 tmp IMG 5950

            ໃນຕອນເຊົ້າ ວັນທີ 12 ກຸມພາ 2018 ນີ້, ຄະນະອັກສອນສາດ ມະຫາວິທະຍາໄລແຫ່ງຊາດ ໄດ້ຈັດພິທີ ສະຫຼຸບຜົນງານການເຄື່ອນໄຫວ ຂອງຊ່ຽວຊານ ສປ ຈີນ ຈໍານວນ 2 ທ່ານ ທີ່ສໍາເລັດການປະຕິບັດໜ້າທີ່ ການສິດສອນຢູ່ ພາກວິຊາພາສາຈີນ ຄະນະອັກສອນສາດ ມະຫາວິທະຍາໄລແຫ່ງຊາດ, ໂດຍການເປັນກຽດເຂົ້າຮ່ວມຂອງທ່ານ ຮສ. ປອ. ນາງ ສົມຈັນ ບຸນພັນມີ ຮອງອະທິການບໍດີ ມະຫາວິທະຍາໄລແຫ່ງຊາດ, ທ່ານ ຮສ. ອາລຸນ ສີລັດຕະນະກຸນ ຄະນະບໍດີ ຄະນະອັກສອນສາດ, ມີຮອງຄະນະບໍດີ ຄະນະອັກສອນສາດ, ຫົວໜ້າຫອງການ, ພະນັກງານ, ຄູ-ອາຈານທີ່ກ່ຽວຂ້ອງເຂົ້າຮ່ວມ.

          ໂອກາດນີ້, ທ່ານ ນາງ ສົມສະໜຸກ ດາລາວົງ ຫົວໜ້າພາກວິຊາພາສາຈີນ ຄະນະອັກສອນສາດໄດ້ຂຶ້ນຜ່ານບົດສະຫຼຸບຜົນງານການເຄື່ອນໄຫວປະຕິບັດໜ້າທີ່ຂອງຊ່ຽວຊານ ສປ ຈີນ ວ່າ: ນັບແຕ່ສົກຮຽນ 2003-2004 ເປັນຕົ້ນມາ, ພາກວິຊາພາສາຈີນ ໄດ້ຮັບເອົາຊ່ຽວຊານຈາກ ສປ ຈີນ ເຂົ້າມາຊ່ວຍເຫຼືອດ້ານວິຊາສະເພາະ ແລະດ້ານວິຊາການ ລວມທັງວິທີສິດສອນພາສາຈີນໃຫ້ແກ່ ຄູ-ອາຈານ ແລະນັກສຶກສາ ມະຫາວິທະຍາໄລແຫ່ງຊາດ, ໂດຍສະເພາະແມ່ນຊ່ຽວຊານ 2 ທ່ານຄື: ທ່ານ ຢາງ ເວີນຊິນ (Yang Wen qin) ມາຈາກ ມະຫາວິທະຍາໄລ ກຸຍໂຈ ແລະທ່ານ ນາງ ເຮີ ຊິນອີງ (He Qinying) ມາຈາກມະຫາວິທະຍາໄລເສສວນ; ທີ່ໄດ້ມາປະຕິບັດໜ້າທີ່ ເປັນຊ່ຽວຊານ ປະຈໍາຢູ່ພາກວິຊາພາສາຈີນ ແຕ່ທ້າຍ ປີ 2015 ເຖິງ ຕົ້ນປີ 2018; ຜົນງານການເຄື່ອນໄຫວ ຂອງຊ່ຽວຊານທັງສອງທ່ານ ແມ່ນໄດ້ປະຕິບັດໜ້າທີ່ ການຮຽນ-ການສອນ ເປັນໄລຍະເວລາ 5 ພາກຮຽນ, ທັງສອງມີປະສົບການທີ່ດີເດັ່ນ ທັງມີຄວາມຫ້າວຫັນ, ອົດທົນ, ມີຄວາມຮັບຜິດຊອບສູງ ຕໍ່ໜ້າທີ່ວຽກງານ, ມີຄວາມເອົາໃຈໃສ່ ໃນການສິດສອນແກ່ພະນັກງານ, ຄູ-ອາຈານ ແລະນັກສຶກສາຈົນສໍາເລັດ, ເຮັດໃຫ້ພາກວິຊາພາສາຈີນມີຄວາມເຂັ້ມແຂງຕະຫຼອດມາ.

           ໃນໂອກາດດຽວກັນ, ທ່ານ ຮສ. ປອ. ນາງ ສົມຈັນ ບຸນພັນມີ ຮອງອະທິການບໍດີ ມະຫາວິທະຍາໄລແຫ່ງຊາດ ກໍໄດ້ກ່າວຍ້ອງຍໍ-ຊົມເຊີຍຕໍ່ຜົນງານ ແລະສະແດງຄວາມຂອບໃຈ ຕໍ່ຊ່ຽວຊານ ທັງ 2 ທ່ານ ທີ່ໄດ້ປະກອບສ່ວນ ເສຍສະຫຼະເຫື່ອແຮງ-ສະຕິປັນຍາຂອງຕົນ ເຂົ້າໃນການພັດທະນາ ຊັບພະຍາກອນມະນຸດ ໂດຍສະເພາະແມ່ນ ພາກວິຊາພາສາຈີນ ຄະນະອັກສອນສາດ ກໍຄືມະຫາວິທະຍາໄລແຫ່ງຊາດ ແລະໄດ້ກາຍເປັນຂົວຕໍ່ອັນສໍາຄັນໃນການສ້າງສາຍພົວພັນຮ່ວມມືທີ່ສະແດງເຖິງຄວາມຮັກແພງ ສາມັກຄີຊ່ວຍເຫຼືອເຊິ່ງກັນ ແລະກັນລະຫວ່າງສອງຊາດລາວ-ຈີນ; ຈີນ-ລາວ, ພ້ອມທັງ ມອບໃບຍ້ອງຍໍ ແລະຂອງທີ່ລະນຶກເພື່ອສະແດງເຖິງຄວາມຮູ້ບຸນຄຸນໃນການໃຫ້ການຊ່ວຍເຫຼືອຄັ້ງນີ້ແກ່ຊ່ຽວຊານ ສປ ຈີນ ທັງ 2 ທ່ານ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຄອສ ຈັດພິທີ ສະຫຼຸບຜົນງານ ແລະມອບໃບຍ້ອງຍໍໃຫ້ແກ່ຊ່ຽວຊານ ສປ ຈີນ

ການຮັບສະໝັກ

ທຶນການສຶກສາ