nuol.edu.la

ມະຫາວິທະຍາໄລແຫ່ງຊາດຄົບຮອບ 20 ປີ



ກອງປະຊຸມໃຫ່ຍຄັ້ງທີ V ຂອງແມ່ຍິງຮາກຖານ ຄະນະ ອັກສອນສາດ

1483005639 tmp IMG 0655

ໃນວັນທີ 22 ທັນວາ 2016, ຄະນະ ອັກສອນສາດ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມໃຫ່ຍຄັ້ງທີ V ຂອງແມ່ຍິງ ຮາກຖານ ຄະນະ ອັກສອນສາດ ເຊີ່ງພິທີໄດ້ຈັດຂຶ້ນທີ່ ສະໂມສອນໃຫ່ຍ ມຊ. ເປັນກຽດເຂົ້າຮ່ວມໃນກອງປະຊຸມຄັ້ງນີ້ ໂດຍທ່ານ ນາງ ວຽງສຸກ ແພງບຸບຜາ ປະທານ ສະຫະພັນແມ່ຍິງ ມະຫາວິທະຍາໄລແຫ່ງຊາດ, ທ່ານ ໂພໄຊ ເທບວິໄລວົງ ເລຂາພັກຮາກຖານ ຄະນະອັກສອນສາດ, ຮອງຄະນະບໍດີ ຄະນະອັກສອນສາດ ພ້ອມດ້ວຍບັນດາແຂກທີ່ຖືກເຊີນ ຈາກຄະນະແມ່ຍິງຮາກຖານ ອ້ອມຂ້າງ ແລະມີເອື້້ອຍນ້ອງແມ່ຍິງຮາກຖານ ຄອສ ເຂົ້າຮ່ວມທັງໝົດ 270 ສະຫາຍ.

ໃນ​ພິທີທ່ານນາງ ສົມສະໝຸກ ດາລາວົງ ສະຫະພັນ​ແມ່ຍິງ​ຮາກ​ຖານ ຄອສ​ໄດ້ຂຶ້ນ​ຜ່ານ​ບົດສະຫຼຸບວຽກ​ງານ-ການ​ເຄື່ອນ​ໄຫວ​ໃນ​ໄລຍະ 4 ປີຜ່ານ​ມາ​ແລະ​ຜ່ານ​ທິດ​ທາງ​ແຜນ ການ​ຕໍ່ໜ້າ ຂອງ ​​ແມ່ຍິງ ຮາກຖານ ຄອສ ຕໍ່ທີ່​ປະຊຸມ ເຊິ່ງທ່ານ​​ໃຫ້ຮູ້ວ່າ: ຄະນະ​ ອັກສອນສາດ ມີ​ແມ່ຍິງ​ທັງໝົດ 749 ຄົນ ​ໄດ້​ແບ່ງ​ອອກ​ເປັນ 9 ໜ່ວຍ ​ແລະ 50 ຈຸ.ສະມາຊິກພະນັກງານໄດ້​ເຂົ້າ​ເປັນ​ສະມາຊິກ​ພັກ​ສຳຮອງ 9 ສະຫາຍ, ສະມາຊິກ​ພັກ​ສົມບູນ 96 ສະຫາຍ, ​ເປັນ​ສະມາຊິກ​ຊາວໜຸ່ມ 587 ສະຫາຍ​ແລະ​ເຂົ້າ​ເປັນ​ສະມາຊິກ​ກຳມະບານ 517 ສະຫາຍ.ຂະນະ​ດຽວກັນທ່ານ​ກໍ​ໄດ້​ຍົກ​ໃຫ້​ເຫັນ​ວຽກງານ​ແຕ່​ລະ​ດ້ານ​ໂດຍ​ສະ​ເພາະ​ແມ່ນວຽກດ້ານ​ການ​ເມືອງ​ແນວ​ຄິດ, ສະມາຊິກ​ແມ່​ຍິງ​​ ​ໄດ້​ຖື​ເອົາ​ວຽກງານ​​ດ້ານ​ການເມືອງແນວ​ຄິດ​​ເປັນ​ເປົ້າໝາຍ​ໃນການ​ສຶກສາ​ອົບ​ຮົມ​ເອື້ອຍ​ນ້ອງ​ສະຫະພັນ​ແມ່ຍິງ​ໃຫ້​ມີ​ແນວ​ຄິດ​ອຸ່ນ​ອ່ຽນທຸ່ນ​ທ່ຽງ, ຮູ້​ຮັກສາ ວັດທະນະ​ທຳ​ອັນ​ດີງາມ​ຂອງ​ຊາດ ​ແລະໄດ້​ເຂົ້າຮ່ວມຟັງ​ເຜີຍ​ແຜ່​ແນວທາງ​ນະ​ໂຍບາຍ​ຂອງ​ພັກ-ລັດ, ວັນ​ປະຫວັດສາດ​ສຳຄັນ​ຕ່າງໆຂອງ​ຊາດ ​ແລະຂອງ​ໂລກ​ ​ເປັນ​ປະຈຳທຸກໆປີ.ທ່ານ​ໃຫ້ຮູ້ອີກ​ວ່າ: ທິດ​ທ​າງຕໍ່ໜ້າ​ໃນ​ການ​ປະຕິບັດ​ວຽກງານ​ແມ່ນ​ຈະ​ອອກ​ແຮງ​ ສຶກສາ​ອົບຮົມ​ເອື້ອຍ​ນ້ອງ​ແມ່ຍິງ​ຂອງ​ຕົນ​ໃຫ້​ມີ​ນ້ຳ​ໃຈ​ຮັກ​ຊາດ, ມີ​ຄວາມໜັກ​ແໜ້ນທາງ​ດ້ານ​ການ​ເມືອງ, ຮູ້​ພັດທະນາ​ຕົນ​ເອງ​ໃຫ້​ມີ​ລະບຽບວິ​ໄນ, ມີ​ແບບ​ແຜນການ​ດຳລົງ​ຊີວິດ, ມີ​ຄວາມ​ສາມັກຄີ​ຊ່ວຍ​ເຫຼືອ​ກັນ ​ເພື່ອ​ເສີມ​ຂະຫຍາຍ​ຄວາມ​ສາມາດ​ບົ່ມ​ຊ້ອນ​ໃຫ້​ກາຍ​ເປັນ​ຮູບ​ປະ​ທຳ, ປັບປຸງ​ລະບົບ​ການຈັດ​ຕັ້ງ​ໃຫ້​ມີ​ແບບ​ແຜນ​ວິທີ​ເຮັດ​ວຽກທີ່​ດີ, ປຸກລະດົມ​ເອື້ອ​ຍນ້ອງ​ແມ່ຍິງ​ໃຫ້​ເອົາ​ໃຈ​ໃສ່​ເພີ່ມ​ທະວີ​ການ​ພັດທະນາ​ຕົນ​ເອງທາງ​ດ້ານ​ຄວາມ​ຮູ້ ຄວາມ​ສາມາດ​ ທາງ​ດ້ານ​ວິຊາ​ສະ​ເພາະ​ຕ່າງໆ, ຮັກສາ​ມູນ​ເຊື່ອ​ປະ​ເພນີ ​ແລະ​ສືບ​ທອດ​ຄະນະ​ຮາກ​ຖານ​ແມ່ຍິງ​ແລະ​ອົງ​ກອນ​ໃຫ້​ໄດ້​ຮັບ​ອົງ​ກອນ 3 ດີ ​ໃນ​ບັ້ນ​ແຂ່ງ​ຂັນ 3 ດີ​ໃຫ້​ໄດ້ຮັບ​ທຸກ​ສະ​ໄໝ ​ແລະ​ມີ​ຄວາມ​ກ້າວໜ້າ​ເຂັ້ມ​ແຂງ.

ຈາກ​ນັ້ນ, ທີ່​ປະຊຸມ​ກໍ​ໄດ້​ປ່ອນ​ບັດ​ຄັດ​ເລືອກ​ເອົາ​ຄະນະຮາກຖານ​​ແມ່ຍິງຄະນະ​ ອັກສອນສາດ ​ມຊ. ຊຸດ​

ໃໝ່ຈຳນວນ 5 ສະຫາຍຊຶ່ງ​ຜູ້​ທີ​ 1​ ​ແມ່ນ​​ສະຫາຍ ​ ນາງໃບສີ ວ່າເນັ່ງຈື ປະທານ ສະຫະພັນ​ແມ່ຍິງ​ຮາກ​ຖານ ຄອສ​ ຊຸດ​ໃໝ່, 2. ສະຫາຍ ນາງ ສຸກສາຄອນ ບົວສັງທອງ​, 3. ສະຫາຍ ນາງ ມະໄລຄຳ ໄຊຍະກອນ, 4. ສະຫາຍ ນາງ ທິດາທິບ ສຸຂະທຳມະວົງ ແລະສະຫາຍ ນາງ ຄຳມະນີ ດວງໄລ ເປັນ​ຄະນະ​ເພື່ອ​ຊີ້​ນຳ-ນຳພາແມ່ຍິງຮາກຖານ ຄອສ ສືບຕໍ່​ໄປ.

ຕອນ​ທ້າ​ຍພິທີທ່ານ ນາງ ວຽງສຸກ ​ແພງ​ບຸບຜາ ຄະນະ​ບໍລິຫານ​ງານ​ສະຫະພັນ​ແມ່ຍິງ​ກະຊວງ​ສຶກສາ, ປະ​ທານ​ສະຫະພັນ​ແມ່ຍິງ ມຊ. ໄດ້​ໂອ້​ລົມ​ຕໍ່ທີ່​ປະຊຸມ ​ເຊິ່ງທ່ານ​ໄດ້​ຍ້ອງຍໍ - ຊົມ​ເຊີຍ ຄະນະຮາກຖານ​ຊຸດ​ເກົ່າ ​ທີ່​ໄດ້​ນຳພາໜ່ວຍຮາກຖານ​ຂອງ​ຕົນປະຕິບັດໜ້າທີ່​ວຽກງານ​ໃນ​ຫຼາຍ​ດ້ານອັນ​ໄດ້​ຊ່ວຍ​ສ້າງ​ຄວາມ​ເຂັ້ມ​ແຂງ​ໃຫ້​ຄະນະຮາກ​ຖານ​ແມ່ຍິງ ຄອສ​ໄດ້​ມີ​ຜົນສຳ​ເລັດ​ໃນ​ທຸກ​ວຽກງານ, ພ້ອມ​ທັງ​ໄດ້​ກ່າວ​ເນັ້ນ​ໃຫ້​ຄະນະຮາກຖານ​ຊຸດ​ໃໝ່ເອົາ​ໃຈ​ໃສ່​ຢ່າງ​ຕັ້ງໜ້າ​ໃນ​ການ​ປະຕິບັດ​ວຽກງານຂອງ​ຕົນ​ໂດຍ​ສະ​ເພາະ​ແມ່ນ​​ປະຕິບັດ​​ຕາມ​​ເປົ້າໝາຍ​ເພື່ອ​ໃຫ້​ບັນລຸຄຳ​ຂັວນ​ແມ່ຍິງ 3 ດີ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ກອງປະຊຸມໃຫ່ຍຄັ້ງທີ V ຂອງແມ່ຍິງຮາກຖານ ຄະນະ ອັກສອນສາດ

ການຮັບສະໝັກ

ທຶນການສຶກສາ