nuol.edu.la



ເລຂາທິການໃຫຍ່ ຂອງມະຫາວິທະຍາໄລຕາລີ ຢ້ຽມຢາມ ມຊ.

1483519815 tmp IMG 8304

 ໃນຕອນບ່າຍ ວັນທີ 30 ທັນວາ 2016 ຜ່ານມານນີ້, ທີ່ຫ້ອງຮັບແຂກຕຶກສໍານັກງານ ອະທິການບໍດີ ມະຫາວິທະຍາໄລແຫ່ງຊາດ ໄດ້ມີພິທີຕ້ອນຮັບການມາຢ້ຽມຢາມ ຂອງທ່ານ ລີ ເລຂາຄະນະພັກ ມະຫາວິທະຍາໄລຕາລີ ສປ.ຈີນ ພ້ອມດ້ວຍຄະນະ. ໂດຍການໃຫ້ກຽດຕ້ອນຮັບຂອງ ທ່ານ ສຈ. ປອ. ສົມສີ ຍໍພັນໄຊ ເລຂາຄະນະພັກ, ວ່າການແທນອະທິການບໍດີ ມະຫາວິທະຍາໄລແຫ່ງຊາດ, ມີຫົວໜ້າຫ້ອງການ ແລະພະນັກງານທີ່ກ່ຽວຂ້ອງເຂົ້າຮ່ວມ.

            ໂອກາດນີ້ ທ່ານ ສຈ.ປອ ສົມສີ ຍໍພັນໄຊ ວ່າການແທນ ອະທິການບໍດີ ມະຫາວິທະຍາໄລແຫ່ງຊາດ ໄດ້ກ່າວຕ້ອນຮັບ ແລະສະແດງຄວາມຍິນດີ ຕໍ່ການມາຢ້ຽມຢາມ ມຊ. ຂອງທ່ານ ລີ ເລຂາຄະນະພັກ ມະຫາວິທະຍາໄລຕ້າລີ ແລະຄະນະ; ພ້ອມທັງກ່າວລາຍງານສະພາບລວມໂດຍຫຍໍ້ ຂອງມະຫາວິທະຍາໄລແຫ່ງຊາດ ໃຫ້ທ່ານ ເລຂາຄະນະພັກ ມະຫາວິທະຍາໄລຕາລີ ແລະຄະນະໄດ້ຮັບຊາບ. ຂະນະດຽວກັນ ເລຂາຄະນະພັກ ທັງສອງມະຫາວິທະຍາໄລ ກໍໄດ້ປຶກສາຫາລື ແລກປ່ຽນຄໍາຄິດເຫັນ ກ່ຽວກັບການຮ່ວມມືດ້ານວິຊາການເຊິ່ງກັນ ແລະກັນ ໃນອະນາຄົດເປັນຕົ້ນ ແລກປ່ຽນຄູ-ອາຈານ, ການຄົ້ນຄວ້າວິໄຈ, ແລກປ່ຽນສິລະປະ-ວັດທະນະທຳ ແລະກີລາ ແລະຜ່ານການປຶກສາ ຫາລື ທັງສອງຝ່າຍເຫັນດີ ຈະມີແຜນເຊັນບົດບັນທຶກຄວາມເຂົ້າໃຈ(MOU)ຮ່ວມກັນໃນອະນາຄົດອັນໃກ້ນີ້.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ເລຂາທິການໃຫຍ່ ຂອງມະຫາວິທະຍາໄລຕາລີ ຢ້ຽມຢາມ ມຊ.

ການຮັບສະໝັກ

ທຶນການສຶກສາ