nuol.edu.la



ຄະນະນຳ ມຊ. ອວຍພອນ ທ່ານ ສຈ.ປອ. ບໍ່ແສງຄຳ ວົງດາລາ ປະທານສະພາ ມະຫາວິທະຍາໄລແຫ່ງຊາດ.

1483587926 tmp IMG 8543

ເນື່ອງໃນໂອກາດສົ່ງທ້າຍປີເກົ່າ 2016 ແລະຕ້ອນຮັບປີໃໝ່ 2017, ໃນຕອນເຊົ້າວັນທີ 4 ມັງກອນ 2017 ນີ້,  ຄະນະນໍາ ມະຫາວິທະຍາໄລແຫ່ງຊາດ ນໍາໂດຍທ່ານ ສຈ.ປອ ສົມສີ ຍໍພັນໄຊ ວ່າການແທນອະທິການບໍດີ ມະຫາວິທະຍາໄລແຫ່ງຊາດ. ພ້ອມຄະນະ, ໄດ້ເຂົ້າອວຍພອນທ່ານ ສຈ.ປອ. ບໍ່ແສງຄຳ ວົງດາລາ, ລັດຖະມົນຕີ ກະຊວງຖະແຫຼງຂ່່າວ-ວັດທະນະທໍາ ແລະທ່ອງທ່ຽວ, ປະທານສະພາ ມະຫາວິທະຍາໄລແຫ່ງຊາດ, ທີ່ກະຊວງຖະແຫຼງຂ່າວ-ວັດທະນະທຳ ແລະທ່ອງທ່ຽວ.

ການເຂົ້າອວຍພອນ ທ່ານ ສຈ.ປອ. ບໍ່ແສງຄໍາ ວົງດາລາ ລັດຖະມົນຕີ ກະຊວງຖະແຫຼງຂ່າວ-ວັດທະນະທໍາ ແລະທ່ອງທ່ຽວ, ປະທານສະພາ ມຊ, ກໍເພື່ອເປັນການສະແດງເຖິງຄວາມຮູ້ບຸນຄຸນ ທີ່ທ່ານໄດ້ປະກອບສ່ວນເຫື່ອແຮງ ແລະສະຕິປັນຍາເຂົ້າໃນການພັດທະນາ ມະຫາວິທະຍາໄລແຫ່ງຊາດ ນັບແຕ່ມື້ກໍ່ຕັ້ງ, ເຊິ່ງທ່ານເອງເຄີຍເປັນອະທິການບໍດີ ມະຫາວິທະຍາແຫ່ງຊາດຄົນທໍາອິດ ແລະປັດຈຸບັນກໍຍັງໄດ້ສືບຕໍ່ ໃກ້ຊິດ-ຕິດແທດໃນການຊີ້ນໍາໆພາ ມຊ. ໃນນາມປະທານສະພາ ມຊ.

ໃນໂອກາດຮັບການອວຍພອນ ທ່ານ ສຈ.ປອ. ບໍ່ແສງຄໍາ ວົງດາລາ ປະທານສະພາ ມຊ. ກໍ່ໄດ້ກ່າວສະແດງຄວາມຂອບໃຈ ແລະຍ້ອງຍໍຊົມເຊີຍແກ່ບັນດາຄະນະນຳ, ພະນັກງານ, ຄູ-ອາຈານ ມຊ. ທີ່ໄດ້ສຸມສະຕິປັນຍາ, ເຫື່ອແຮງ ຈົນຍາດໄດ້ຜົນງານອັນພົ້ນເດັ່ນຫຼາຍຢ່າງໃນການສ້າງສາ-ພັດທະນາມະຫາວິທະຍາໄລແຫ່ງຊາດ ໃນໄລຍະທີ່ຜ່ານມາ; ເປັນຕົ້ນແມ່ນການຈັດຕັ້ງງານສະເຫຼີມສະຫຼອງ ມະຫາວິທະຍາໄລແຫ່ງຊາດ ຄົບຮອບ 20 ປີ ໄດ້ຕາມລະດັບຄາດໝາຍ ແລະມີຜົນສໍາເລັດອັນຈົບງາມ; ພ້ອມທັງໄດ້ອວຍພອນແກ່ບັນດາຄະນະນຳ, ພະນັກງານ, ຄູ-ອາຈານ ຕະຫຼອດເຖິງນັກສຶກສາ ມຊ. ໃຫ້ມີສຸຂະພາບແຂງແຮງ ແລະປະສົບຜົນສໍາເລັດໃນທຸກໜ້າທີ່ວຽກງານ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຄະນະນຳ ມຊ. ອວຍພອນ ທ່ານ ສຈ.ປອ. ບໍ່ແສງຄຳ ວົງດາລາ ປະທານສະພາ ມະຫາວິທະຍາໄລແຫ່ງຊາດ.

ການຮັບສະໝັກ

ທຶນການສຶກສາ