nuol.edu.la

ມະຫາວິທະຍາໄລແຫ່ງຊາດຄົບຮອບ 20 ປີ



ຫຼາຍພາກສ່ວນ ອວຍພອນ ຄະນະນຳ ມະຫາວິທະຍາໄລແຫ່ງຊາດ

1483596924 tmp IMG 0689

 ເພື່ອເປັນການສະແດງເຖິງຄວາມຮູ້ບຸນຄຸນ ຕໍ່ຄະນະນໍາ ມະຫາວິທະຍາໄລແຫ່ງຊາດ, ທີ່ໄດ້ອຸດທິດເຫື່ອແຮງ, ສະຕິປັນຍາໃນການຊີ້ນໍາໆພາ, ພັດທະນາມະຫາວິທະຍາໄລແຫ່ງຊາດຕະຫຼອດໄລຍະຜ່ານມານັ້ນ, ໃນລະຫວ່າງວັນທີ 26-30 ທັນວາ​ 2016 ທີ່ຜ່ານມາ, ມີຫຼາຍພາກສ່ວນໃນນະຄອນຫຼວງວຽງຈັນ ແລະພາກສ່ວນຕ່າງໆອ້ອມຂ້າງ ມຊ. ໄດ້ເຂົ້າອວຍພອນ ຄະນະນຳ ມຊ. ທີ່ຫ້ອງຮັບແຂກຕຶກສໍານັກງານອະທິການບໍດີ ມຊ. ໂດຍມີທ່ານ ສຈ.ປອ. ສົມສີ ຍໍພັນໄຊ ວ່າການແທນອະທິການບໍດີ ມຊ. ແລະຄະນະຕ້ອນຮັບການອວຍພອນ.

ໃນໂອກາດຮັບການເຂົ້າອວຍພອນ ຈາກພາກສ່ວນຕ່າງໆທັງພາຍນອກ ແລະພາກສ່ວນອ້ອມຂ້າງ ມຊ. ທ່ານ ສຈ.ປອ. ສົມສີ ຍໍພັນໄຊ ວ່າການແທນອະທິການບໍດີ ໃນນາມຕາງໜ້າຄະນະນໍາ ມຊ. ກໍໄດ້ກ່າວສະແດງຄວາມຂອບໃຈຕໍ່ການມາອວຍພອນຄັ້ງນີ້ ແລະໄດ້ກ່າວເນັ້ນໃຫ້ທຸກພາກສ່ວນ ຢູ່ອ້ອມຂ້າງ ມຊ. ຈົ່ງພ້ອມກັນຮັກສາມູນເຊື້ອຄວາມສາມັກຄີ ໃຫ້ແໜ້ນແຟ້ນ ແລະພ້ອມກັນພັດທະນາ ມຊ. ເວົ້າລວມ, ເວົ້າສະເພາະ ກໍແມ່ນການເອົາໃຈໃສ່ໃນວຽກງານວິຊາສະເພາະພາຍໃຕ້ຄວາມຮັບຜິດຊອບຂອງຕົນໃຫ້ບັນລຸຕາມເປົ້າໝາຍທີ່ວາງໄວ້; ພ້ອມທັງໄດ້ກ່າວອວຍພອນໃຫ້ທຸກພາກສ່ວນທີ່ເຂົ້າອວຍພອນ ກໍຄືພະນັກງານ, ຄູ-ອາຈານ ຕະຫຼອດເຖິງນັກສຶກສາທຸກຄົນ ຈົ່ງມີສຸຂະພາລະນາໄມສົມບູນ ແລະມີຜົນສໍາເລັດໃນທຸກໜ້າທີ່ວຽກງານຕະຫຼອດໄປ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຫຼາຍພາກສ່ວນ ອວຍພອນ ຄະນະນຳ ມະຫາວິທະຍາໄລແຫ່ງຊາດ

ການຮັບສະໝັກ

ທຶນການສຶກສາ