nuol.edu.la

ມະຫາວິທະຍາໄລແຫ່ງຊາດຄົບຮອບ 20 ປີ



ສະຫຼຸບວຽກງານການຈັດຕັ້ງຂອງສະຫະພັນແມ່ຍິງ ມະຫາວິທະຍາໄລແຫ່ງຊາດ ປະຈຳປີ 2016

1483599041 tmp IMG 8377

  ໃນວັນທີ 3 ມັງກອນ 2017, ສະຫະພັນແມ່ຍິງ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານຂອງສະຫະພັນແມ່ຍິງມະຫາວິທະຍາໄລແຫ່ງຊາດ ປະຈຳປີ 2016 ພາຍໃຕ້ການເປັນປະທານຂອງທ່ານ ນາງ ວຽງສຸກ ແພງບຸບຜາ ຄະນະບໍລິຫານງານແມ່ຍິງສູນກາງ, ຮອງປະທານ ແມ່ຍິງກະຊວງສຶກສາທິການ ແລະກີລາ, ປະທານສະຫະພັນແມ່ຍິງ ມະຫາວິທະຍາໄລແຫ່ງຊາດ, ພ້ອມດ້ວຍ ບັນດາຮາກຖານແມ່ຍິງຂອງແຕ່ລະຄະນະວິຊາເຂົ້າຮ່ວມ ຈຳນວນ 32 ສະຫາຍ, ເຊິ່ງ ພິທີດັ່ງກ່າວໄດ້ຈັດຂຶ້ນທີ່ ເຮືອແພລາວເດີມ ຊົມວິວ ບ້ານ ທ່າງອນ ເມືອງ ໄຊທານີ ນະຄອນຫຼວງວຽງຈັນ.

  ໃນພິທີ ທ່ານ ນາງ ວຽງສຸກ ແພງບຸບຜາຄະນະບໍລິຫານງານແມ່ຍິງສູນກາງ, ຮອງປະທານ ແມ່ຍິງກະຊວງສຶກສາທິການ ແລະກີລາ, ປະທານສະຫະພັນແມ່ຍິງ ມະຫາວິທະຍາໄລແຫ່ງຊາດ. ໄດ້ຂຶ້ນຜ່ານບົດສະຫຼຸບວຽກງານການເຄື່ອນໄຫວຕະຫຼອດປີ 2017 ຕໍ່ທີ່ປະຊຸມເຊິ່ງທ່ານໃຫ້ຮູ້ວ່າ: ສະຫະພັນແມ່ຍິງ ມະຫາວິທະຍາໄລແຫ່ງຊາດ ປະກອບມີຄະນະຮາກຖານ 13 ຮາກຖານເຊິ່ງຕັ້ງຢູ່ວິທະຍາເຂດທີ່ແຕກຕ່າງກັນ ແລະມີຈຳນວນພົນທີ່ແຕກຕ່າງກັນ, ສະຫະພັນແມ່ຍິງ ມຊ. ມີສະມາຊິກທັງໝົດ 8,233 ສະຫາຍ, ໃນນັ້ນ ສະມາຊິກທີ່ເປັນພະນັກງານມີທັງໝົດ 912 ສະຫາຍ ແລະນັກສຶກສາ 7,321 ສະຫາຍ, ມີ 107 ໝ່ວຍ ແລະມີ 435 ຈຸ. ຕະຫຼອດໄລຍະເວລາທີ່ຜ່ານມາ ສະຫະພັນແມ່ຍິງ ມຊ. ໄດ້ຖືເອົາວຽກງານການສຶກສາອົບຮົມເປັນຫຼັກ, ໄດ້ຕັ້ງໜ້າເຝິກຝົນຫຼໍ່ໍຫຼ້ອມດ້ານຄຸນທາດການເມືອງ ແລະຄຸນສົມບັດສິນທຳປະຕິວັດ, ມີຫຼັກໝັ້ນການເມືອງທີ່ໜັກແໜ້ນ, ມີຄວາມເປັນເອກະພາບຕໍ່ແນວທາງນະໂຍບາຍຂອງພັກ, ມີຄວາມເຊື່ອໜັ້ນຕໍ່ການນຳພາຂອງພັກ, ມີຄວາມຈົງຮັກພັກດີຕໍ່ຊາດ, ຕໍ່ພັກ ບັນດາຄະນະແມ່ຍິງຮາກຖານຂອງແຕ່ລະຮາກຖານ, ຫົວໜ້າໜ່ວຍ ແລະຫົວໜ້າຈຸ ແມ່ນເປັນເຈົ້າການ ແລະແບບຢ່າງໃນການຊີ້ນຳ ນຳພາ, ໃກ້ຊິດຕິດແທດໃນຂອບເຂດທີ່ຕົນເອງຮັບຜິດຊອບເພື່ອກວດກາ ແລະຕິດຕາມການເຄື່ອນໄຫວວຽກງານສະຫະພັນແມ່ຍິງ ພ້ອມທັງຊ່ວຍເຫຼືອເບີ່ງແຍງເຊິ່ງກັນ ແລະກັນໃນເວລາພົບຂໍ້ຫຍຸ້ງຍາກ. ນອກນັ້ນ ສະຫະພັນແມ່ຍິງ ມຊ. ໄດ້ມີອາຈານ ບາງທ່ານໄດ້ເຂົ້າຮ່ວມໃນການເຮັດບົດຄົ້ນຄວ້າວິທະຍາສາດ ທີ່ຮ່ວມມືກັບຕ່າງປະເທດ ແລະສາມາດຍາດແຍ່ງທືນຊ່ວຍເຫຼືອເພື່ອມາພັດທະນາແມ່ຍິງ ອີກດ້ວຍ. ໃນຕໍ່ໜ້າສະຫະພັນແມ່ຍິງ ມຊ. ກໍ່ຍັງຈະສືບຕໍ່ຈັດຕັ້ງ ການເຝິກອົບຮົມວຽກງານການບໍລິຫານງານແມ່ຍິງ ໃຫ້ຄະນະນຳ ນັບແຕ່ຂັ້ນໜ່ວຍ ຂຶ້ນໄປ, ຈັດຕັ້ງໃຫ້ມີການໄປທັດສະນະແລກປ່ຽນບົດຮຽນທັງພາຍໃນ ແລະຕ່າງປະເທດ.

  ຈາກນັ້ນ ໃນກອງປະຊຸມຍັງໄດ້ມີການແລກປ່ຽນຄວາມຄິດຄວາມເຫັນເຊິ່ງກັນ ແລະກັນເພື່ອປະກອບໃສ່ຮ່າງບົດສະຫຼຸບລາຍງານປະຈຳປີ 2016, ພ້ອມ​ທັງ​ໄດ້​ກ່າວ​ເນັ້ນ​ໃຫ້​ແຕ່ລະຄະນະຮາກຖານ​ເອົາ​ໃຈ​ໃສ່​ຢ່າງ​ຕັ້ງໜ້າ​ໃນ​ການ​ປະຕິບັດ​ວຽກງານຂອງ​ຕົນ​ໂດຍ​ສະ​ເພາະ​ແມ່ນ​​ປະຕິບັດ​​ຕາມ​​ເປົ້າໝາຍ​ເພື່ອ​ໃຫ້​ບັນລຸຕາມຄຳ​ຂັວນ​ ແລະຂໍ້ແຂ່ງຂັນແມ່ຍິງ 3 ດີ ດັ່ງລຸ່ມນີ້:

  • Øຄຳຂວັນ: “ພັດທະນາຄວາມສະເໝີພາບລະຫວ່າງ ຍິງ-ຊາຍ” ຕິດພັນກັບການພັດທະນາປະເທດ.
  • Øຂໍ້ແຂ່ງຂັນແມ່ຍິງ 3 ດີ :

-       ພົນລະເມືອງດີ

-       ພັດທະນາດີ

-       ສ້າງຄອບຄົວດີ

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ສະຫຼຸບວຽກງານການຈັດຕັ້ງຂອງສະຫະພັນແມ່ຍິງ ມະຫາວິທະຍາໄລແຫ່ງຊາດ ປະຈຳປີ 2016

ການຮັບສະໝັກ

ທຶນການສຶກສາ