nuol.edu.la



ທ່ານຮອງອະທິການບໍດີ ມະຫາວິທະຍາໄລຄຸນໝິງ ຢ້ຽມຢາມ ມະຫາວິທະຍາໄລແຫ່ງຊາດລາວ.

1483691883 tmp IMG 8568

  ໃນຕອນເຊົ້າ ວັນທີ 6 ມັງກອນ 2017 ທ່ານ ຮສ. ປອ. ສົມຈັນ ບຸນພັນມີ ຮອງອະທິການບໍດີ ມະຫາວິທະຍາໄລແຫ່ງຊາດ ໄດ້ຕ້ອນຮັບການຢ້ຽມຢາມຂອງທ່ານ ລີ ຊ່ຽງ (Li Xiang) ຮອງອະທິການບໍດີ ມະຫາວິທະຍາໄລ ຄຸນໝິງ ສປ. ຈີນ ພ້ອມດ້ວຍຄະນະ ທີ່ຫ້ອງຮັບແຂກ ຕຶກອະທິການບໍດີ ມຊ.

 ຈຸດປະສົງຂອງການຢ້ຽມຢາມຄັ້ງນີ້ກໍ່ແມ່ນເພື່ອສືບຕໍ່ການຮ່ວມມື ແລະແລກປ່ຽນບົດຮຽນນຳກັນ ລະຫວ່າງສອງມະຫາວິທະຍາໄລກໍ່ຄື ມະຫາວິທະຍາໄລຄຸນມິງ ແລະມະຫາວິທະຍາໄລແຫ່ງຊາດລາວ, ໂອກາດນີ້ ທ່ານ ລີ ຊ່ຽງ ຮອງອະທິການບໍດີ ມະຫາວິທະຍາໄລຄຸນໝິງ ກໍ່ໄດ້ກ່າວວ່າ: ຂ້າພະເຈົ້າມີຄວາມຮູ້ສຶກດີໃຈຫຼາຍທີ່ໄດ້ມາຢ້ຽມຢາມມະຫາວິທະຍາໄລແຫ່ງຊາດລາວ ຕະຫຼອດໄລຍະທີ່ຜ່ານມາ ມະຫາວິທະຍາໄລຄຸນໝິງຂອງພວກເຮົາກໍ່ໄດ້ມີການຮ່ວມມືກັບມະຫາວິທະຍາໄລແຫ່ງຊາດລາວ ໃນຫຼາຍດ້ານເຊັ່ນວ່າ: ການແລກປ່ຽນນັກສຶກສາ, ການຮ່ວມມືໃນການສ້າງພາກວິຊາ ສິລະປະສາດ, ພາກວິຊາ ພາລະສຶກສາ ແລະ ພາກວິຊາ ການແຕ້ມຮູບ, ເຊິ່ງໃນ ພາກວິຊາ ພາລະສຶກສານີ້ ສຳລັບອຸປະກອນການຮຽນຕ່າງໆແມ່ນທາງມະຫາວິທະຍາໄລຄຸນໝິງຈະໃຫ້ການຊ່ວຍເຫຼືອທຸກຢ່າງ, ທ້າຍນີ້ ຂ້າເຈົ້າກໍ່ຂໍເຊີນທ່ານ ຮອງອະທິການບໍດີ ມຊ. ໄປຢ້ຽມຢາມ ມະຫາວິທະຍາໄລ ຄຸນໝິງຂອງພວກເຮົາ.

 ພ້ອມດຽວກັນນັ້ນ ທ່ານ ຮສ. ປອ. ສົມຈັນ ບຸນພັນມີ ກໍ່ຍັງໄດ້ກ່າວສະແດງຄວາມຂອບໃຈ ຢ່າງສູງນຳມະຫາວິທະຍາໄລ ຄຸນໝິງ ໃນການໃຫ້ການຊ່ວຍເຫຼືອໃນຫຼາຍໆດ້ານເປັນຕົ້ນແມ່ນ ດ້ານການແລກປ່ຽນນັກສຶກສາ ທີ່ມີນັກສຶກສາຫຼາຍຄົນຈາກມະຫາວິທະຍາໄລແຫ່ງຊາດລາວ ທີ່ໄດ້ຮັບທຶນການສຶກສາຈາກ ມະຫາວິທະຍາໄລຄຸນໝິງ ແລະໃນອານາຄົດຂ້າງໜ້າທັງສອງ ມະຫາວິທະຍາໄລກໍຍັງຈະສືບຕໍ່ການຮ່ວມມືນຳກັນຢ່າງສະໜິດແໜ້ນ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ທ່ານຮອງອະທິການບໍດີ ມະຫາວິທະຍາໄລຄຸນໝິງ ຢ້ຽມຢາມ ມະຫາວິທະຍາໄລແຫ່ງຊາດລາວ.

ການຮັບສະໝັກ

ທຶນການສຶກສາ