nuol.edu.la

ມະຫາວິທະຍາໄລແຫ່ງຊາດຄົບຮອບ 20 ປີ



ສໍາມະນາແບບປະຕິບັດກ່ຽວກັບແນວທາງໃນການພັດທະນາເມືອງວັງວຽງໃຫ້ກາຍເປັນເມືອງທ່ອງທ່ຽວແບບຍືນຍົງ ແລະ ເປັນເມືອງທີ່ໜ້າຢູ່ສໍາລັບທຸກໆຄົນໃນອະນາຄົດ

1489562068 tmp  TMC2254

           ໃນລະຫວ່າງວັນທີ 1 ຫາ 6 ມີນາ 2017, ຫ້ອງວ່າການປົກຄອງເມືອງວັງວຽງຮ່ວມກັບ ຄະນະສະຖາປັດຕະຍະກຳສາດມະຫາວິທະຍາໄລແຫ່ງຊາດ, ມະຫາວິທະຍາໄລເມຈິ ປະເທດຍີ່ປຸ່ນ ແລະ ມະຫາວິທະຍາໄລມະຫາສາຣະຄາມປະເທດໄທ ໄດ້ຈັດສຳມະນາພາຍໃຕ້ຫົວຂໍ້ ສໍາມະນາແບບປະຕິບັດກ່ຽວກັບການວາງແຜນ ແລະ ອອກແບບ ແບບປະສົມປະສານ ເພື່ອເມືອງທີ່ໜ້າຢູ່ຢ່າງສະເໜີພາບ, ການສົ່ງເສີມເສດຖະກິດ ແລະ ຄວາມຍືນຍົງຂອງລະບົບນິເວດ, ພັດທະນາເຂດແຄມນໍ້າຊອງ ເມືອງວັງວຽງ ສປປ ລາວ ເຊິ່ງເປັນສ່ວນໜຶ່ງຂອງການປັບປຸງທິວທັດຂອງພື້ນທີ່ແຄມນໍ້າຊອງ” ທີ່ ເມືອງວັງວຽງ, ແຂວງວຽງຈັນ, ໃຫ້ກຽດເຂົ້າຮ່ວມໃນພິທີສຳມະນາຄັ້ງນີ້ໂດຍ ທ່ານ ສຸວຽງທອງ ວົງຈໍາປາ ຮອງເຈົ້າເມືອງ ເມືອງວັງວຽງ, ທ່ານ ສຈ. ປອ. ມາຊາມິ ໂຄບາຢາຊິ ຮອງອະທິການບໍດີມະຫາວິທະຍາໄລເມຈິ, ທ່ານ ຮສ. ປອ. ສັກກະຣິນ ແຊ່ພູ່ ອາຈານຈາກມະຫາວິທະຍາໄລມະຫາສາລະຄາມ, ທ່ານ ຮສ. ປອ. ພຸດ ສິມມາລາວົງ ຮອງອະທິການບໍດີມະຫາວິທະຍາໄລແຫ່ງຊາດ ພ້ອມດ້ວຍພະນັກງານ-ຄູອາຈານ, ນັກສຶກສາ ແລະພາກສ່ວນຫ້ອງການທີ່ກ່ຽວຂ້ອງເຂົ້າຮ່ວມ.

           ໃນຈັດຊຸດສໍາມະນາຄັ້ງນີ້ແມ່ນເພື່ອ ລະດົມຄວາມຄິດໃນການພັດທະນາພື້ນທີ່ແຄມນໍ້າຊອງ ເມືອງວັງວຽງ ແຂວງວຽງຈັນ ໃຫ້ໄດ້ຮັບຜົນ, ເພື່ອເປັນອີກໜຶ່ງແນວທາງໃນການພັດທະນາເມືອງວັງວຽງໃຫ້ກາຍເປັນເມືອງທ່ອງທ່ຽວແບບຍືນຍົງ ແລະ ເປັນເມືອງທີ່ໜ້າຢູ່ສໍາລັບທຸກໆຄົນໃນອະນາຄົດ. ນອກຈາກນີ້ແລ້ວຍັງເປັນຮູບແບບທົດລອງໃນການພັດທະນາເມືອງໂດຍການຮ່ວມມືລະຫວ່າງ 4 ພາກສ່ວນ ( PPPPP model) ຄື: ພາກສ່ວນລັດຖະບານ, ພາກສ່ວນສະຖາບັນການສຶກສາ, ພາກສ່ວນປະຊາຊົນ ແລະ ພາກສ່ວນບໍລິສັດເອກະຊົນອີກດ້ວຍ,ໃນການຈັດກອງປະຊຸມສຳມະນາໃນຄັ້ງນີ້ ແມ່ນໄດ້ຮັບການສະໜັບສະໜູນຈາກ ບໍລິສັດ ອິນທະລັງສີ ແລະຊຸດສຳມະນາດັ່ງກ່າວໄດ້ຈັດຂຶ້ນເປັນເວລາ 6 ວັນເລີ່ມແຕ່ທີ່ 1 ຫາ 6 ມີນາ 2017.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ສໍາມະນາແບບປະຕິບັດກ່ຽວກັບແນວທາງໃນການພັດທະນາເມືອງວັງວຽງໃຫ້ກາຍເປັນເມືອງທ່ອງທ່ຽວແບບຍືນຍົງ ແລະ ເປັນເມືອງທີ່ໜ້າຢູ່ສໍາລັບທຸກໆຄົນໃນອະນາຄົດ

ການຮັບສະໝັກ

ທຶນການສຶກສາ