nuol.edu.la



ພິທີ ມອບ-ຮັບ ທຶນການສຶກສາຈາກ ບໍລິສັດລັດວິສະຫະກິດປະສົມ ລາວໂທລະຄົມມະນາຄົມ ປະຈຳສົກສຶກສາ 2016-2017

1501815687 tmp IMG 8457

ໃນວັນທີ 28 ກໍລະກົດ 2017 ຜ່ານມານີ້, ທີ່ຫ້ອງປະຊຸມສະໂມສອນໃຫຍ່ ມະຫາວິທະ

ຍາໄລແຫ່ງຊາດ ໄດ້ມີພິທີ ມອບ-ຮັບທຶນການສຶກສາຈາກບໍລິສັດ ລັດວິສະຫະກິດປະສົມ ລາວໂທລະຄົມມະນາຄົມ ປະຈຳສົກສຶກສາ 2016-2017, ໂດຍການເຂົ້າຮ່ວມຂອງທ່ານ ຮສ. ປອ. ອຸດົມ ພອນຄຳເພັງ ຮອງອະທິການບໍດີ ມະຫາວິທະຍາໄລແຫ່ງຊາດ, ທ່ານ ທັນສະໄໝ ຊາມຸມຕີ ຫົວໜ້າພັດທະນາຄຸນະພາບການບໍລິການ, ມີບັນດາທ່ານຫົວໜ້າຫ້ອງການ, ຮອງຫົວໜ້າຫ້ອງການ, ບັນດາຄະນະກຳມະການມູນນິທິການສຶກສາ ມະຫາວິທະຍາໄລແຫ່ງຊາດ, ພະນັກງານ-ຄູອາຈານ ແລະນັກສຶກສາເຂົ້າຮ່ວມ.

ໃນໂອກາດດັ່ງກ່າວ, ທ່ານ ທັນສະໄໝ ຊາມຸມຕີ ກໍໄດ້ມີຄຳເຫັນຕໍ່ທີ່ປະຊຸມວ່າ: ຄຽງຄູ່ກັບການດຳເນີນທຸລະກິດຂອງ ບໍລິສັດ ລັດວິສາຫະກິດປະສົມ ລາວໂທລະຄົມມະນາຄົມ ຕະຫຼອດໄລຍະທີ່ຜ່ານມາຈົນເຖິງປັດຈຸບັນ ເປັນເວລາກວ່າ 20 ປີ, ທາງບໍລິສັດ ລັດວິສະຫະກິດ ປະສົມ ລາວໂທລະຄົມມະນາຄົມ ໄດ້ເອົາໃຈໃສ່ ໃນການໃຫ້ການຊ່ວຍເຫຼືອ-ອຸປະຖຳສັງຄົມ ໂດຍສະເພາະແມ່ນການມີສ່ວນຮ່ວມໃນກິດຈະກຳຕ່າງໆທັງພາກລັດ ແລະເອກະຊົນ ໃນຫຼາຍໆດ້ານເຊັ່ນ: ອຸປະຖຳດ້ານການສຶກສາ, ກີລາ-ກາຍະກຳ, ການປຸກລະດົມຂັບຂີ່ປອດໄພ, ການລະດົມທຶນຊ່ວຍເຫຼືອຜູ້ປະສົບໄພທຳມະຊາດໃນຊຸມປີຜ່ານມາ, ການປ້ອງກັນພະຍາດ ແລະດ້ານອື່ນໆ. ສຳລັບການໃຫ້ທຶນການສຶກສາແກ່ ມູນນິທິການສຶກສາ ມະຫາວິທະຍາໄລແຫ່ງຊາດ ແມ່ນດຳເນີນມາຮອດປີທີ 8 ລວມມູນຄ່າທັງໝົດ 400 ລ້ານກີບ (ປີລະ 50,000,000 ກີບ); ການປະກອບສ່ວນດັ່ງກ່າວຖືວ່າເປັນການປະກອບສ່ວນຂອງພະນັກງານ ລາວໂທລະຄົມໝົດທຸກຄົນ ທີ່ຍາມໃດກໍເຫັນໄດ້ຄວາມສຳຄັນຂອງວຽງານການສຶກສາ, ເຊິ່ງເປັນການຊຸກຍູ້-ສົ່ງເສີມໃຫ້ນັກສຶກສາຜູ້ທີ່ຄອບຄົວທຸກຍາກຂາດເຂີນ, ດ້ອຍໂອກາດ ແຕ່ມີຄວາມຕັ້ງໃຈໃນການສຶກສາຮໍ່າຮຽນ.

       ການມອບ-ຮັບ ທຶນການສຶກສາປະຈຳສົກສຶກສາ 2016-2017 ໃນຄັ້ງນີ້, ແມ່ນມອບໂດຍທ່ານ ທັນສະໄໝ ຊາມຸມຕີ ຫົວໜ້າພັດທະນາຄຸນະພາບການບໍລິການ ແລະຮັບໂດຍ ທ່ານ ຮສ. ປອ. ອຸດົມ ພອນຄຳເພັງ ຮອງອະທິການບໍດີ ມະຫາວິທະຍາໄລແຫ່ງຊາດ ຈຳນວນເງິນ 50,000,000 ກີບ(ຫ້າສິບລ້ານກີບ) ໃນໂອກາດດັ່ງກ່າວ, ທ່ານ ທັນສະໄໝ ຊາມຸມຕີ ກໍໄດ້ຂຶ້ນມອບໃບຢັ້ງຢືນ ແລະຂອງຂວັນຈາກ ລາວໂທລະຄົມ ໃຫ້ແກ່ນັັກສຶກສາຜູ້ທີໄດ້ຮັບທຶນການສຶກສາ ປະຈຳສົກສຶກສາ 2016-2017 ຈຳນວນ 25 ຄົນ.

ພາບບັນຍາກາດ

You are here: Home ຂ່າວ ພິທີ ມອບ-ຮັບ ທຶນການສຶກສາຈາກ ບໍລິສັດລັດວິສະຫະກິດປະສົມ ລາວໂທລະຄົມມະນາຄົມ ປະຈຳສົກສຶກສາ 2016-2017