nuol.edu.la



ເລຂາຄະນະພັກ ມະຫາວິທະຍາໄລແຫ່ງຊາດ ຕ້ອນຮັບການຢ້ຽມຢາມຂອງເລຂາຄະນະພັກ ວິທະຍາໄລເວີ້ນສານ

1504753831 tmp IMG 9433

            ເພື່ອເປັນການຮັດແໜ້ນສາຍພົວພັນການຮ່ວມມືລະຫວ່າງ ວິທະຍາໄລເວີ້ນສານ ແລະມະຫາວິທະຍາໄລແຫ່ງຊາດ ໃຫ້ກວ້າງຂວາງຍິ່ງຂຶ້ນນັ້ນ, ໃນຕອນເຊົ້າ ວັນທີ 28 ສິງຫາ 2017 ຜ່ານມານີ້ ທ່ານ ສົງຢຣົ້ງຢວນ ເລຂາຄະນະພັກວິທະຍາໄລ ເວີ້ນສານ ສ.ປຈີນ ພ້ອມດ້ວຍຄະນະໄດ້ມາຢ້ຽມຢາມມະຫາວິທະຍາໄລແຫ່ງຊາດ, ໂດຍມີທ່ານ ສຈ. ປອ ສົມສີ ຍໍພັນໄຊ ເລຂາຄະນະພັກ, ວ່າການອະທິການບໍດີ ມະຫາວິທະຍາໄລແຫ່ງຊາດ ພ້ອມດ້ວຍຄະນະໃຫ້ການຕ້ອນຮັບ ທີ່ຫ້ອງຮັບແຂກ ຕຶກສໍານັກງານອະທິການບໍດີ.

          ໃນໂອກາດນີ້, ທ່ານ ສົງຢຣົ້ງ ຢວນ ເລຂາຄະນະພັກ ວິທະຍາໄລເວີ້ນສານ ໄດ້ກ່າວສະແດງຄວາມຂອບໃຈຕໍ່ການຕ້ອນຮັບຂອງທ່ານ ອະທິການບໍດີ ມະຫາວິທະຍາໄລແຫ່ງຊາດ ພ້ອມຄະນະ ແລະທ່ານ ສຈ. ປອ ສົມສີ ຍໍພັນໄຊ ເລຂາຄະນະພັກ ມະຫາວິທະຍາໄລແຫ່ງຊາດ ກໍໄດ້ກ່າວຕ້ອນຮັບ ແລະສະແດງຄວາມຍິນດີ ຕໍ່ການມາຢ້ຽມຢາມ ມະຫາວິທະຍາໄລແຫ່ງຊາດຂອງທ່ານ ເລຂາຄະນະພັກ ວິທະຍາໄລເວີ້ນສານ ພ້ອມຄະນະເຊັ່ນດຽວກັນ; ຈາກນັ້ນທັງສອງຝ່າຍ ກໍໄດ້ມີແລກປ່ຽນຄວາມຄິດເຫັນເຊິ່ງກັນ ແລະກັນໃນການຮ່ວມມື ທາງດ້ານວິຊາການ, ແລກປ່ຽນນັກສຶກສາ, ພະນັກງານ-ຄູອາຈານ ເພື່ອຍົກສູງຄວາມຮູ້ຄວາມສາມາດຂອງບຸກຄະລາກອນ ຂອງມະຫາວິທະຍາໄລແຫ່ງຊາດໃນອະນາຄົດ, ຕອນທ້າຍພິທີ ທ່ານ ສຈ. ປອ. ສົມສີ ຍໍພັນໄຊ ແລະທ່ານ ສົງຢຣົ້ງ ຢວນ ຍັງໄດ້ມອບຂອງທີ່ລະນຶກເຊິ່ງກັນ ແລະກັນອີກດ້ວຍ.

ພາບບັນຍາກາດ

You are here: Home ຂ່າວ ເລຂາຄະນະພັກ ມະຫາວິທະຍາໄລແຫ່ງຊາດ ຕ້ອນຮັບການຢ້ຽມຢາມຂອງເລຂາຄະນະພັກ ວິທະຍາໄລເວີ້ນສານ