nuol.edu.la



ອົງການ Korea together ມອບ-ຮັບ ເຄື່ອງດົນຕີໃຫ້ແກ່ ມະຫາວິທະຍາໄລແຫ່ງຊາດ

1505362589 tmp IMG 8061

ໃນຕອນເຊົ້າ ວັນທີ 12 ກັນຍາ 2017 ທີ່ຜ່ານມາ, ມະຫາວິທະຍາໄລແຫ່ງຊາດ ໄດ້ຈັດພິທີ ມອບ-ຮັບ ເຄື່ອງດົນຕີ ຈາກອົງການ Korea Together ໂດຍການເປັນກຽດມອບຂອງທ່ານ ຮຸນຊັນ ລີ (Hoonsun Lee) ຮອງຜູ້ອຳນວຍການອົງການ Korea Together ແລະກ່າວຮັບໂດຍ ທ່ານ ຮສ. ປອ. ນາງ ສົມຈັນ ບຸນພັນມີ ຮອງອະທິການບໍດີ ມະຫາວິທະຍາໄລແຫ່ງຊາດ, ໃນພິທີມີ ຫົວໜ້າຫ້ອງການ, ພະນັກງານ,ຄູ-ອາຈານ ແລະຜູ້ກ່ຽວຂ້ອງເຂົ້າຮ່ວມເປັນສັກຂີພິຍານ.

ເຄື່ອງດົນຕີທີ່ທາງອົງການ Korea Together ນຳມາມອບໃນຄັ້ງນີ້ປະກອບດ້ວຍ:trumpet, trombone, saxophone, flute, clarinet, euphonium ແລະກອງ ລວມມູນຄ່າທັງໝົດ 39,000 ໂດລາສະຫະລັດ, ພ້ອມທັງມີອາຈານສອນດົນຕີ ຈາກ ສ.ເກົາຫຼີ ມາສອນໃຫ້ຟຣີ ໂດຍນຳໃຊ້ຫ້ອງສະໂມສອນ ອາສາສະໝັກ ຂອງມະຫາວິທະຍາໄລແຫ່ງຊາດເປັນບ່ອນຈັດຕັ້ງການຮຽນ-ການສອນ ໃນໄລຍະເວລາ 6 ເດືອນ.

ໂອກາດນີ້ ທ່ານ ຮສ. ປອ. ນາງ ສົມຈັນ ບຸນພັນມີ ຮອງອະທິການບໍດີມະຫາວິທະຍາໄລແຫ່ງຊາດ ໄດ້ກ່າວສະແດງຄວາມຂອບໃຈ ແລະຮູ້ບຸນຄຸນ ອົງການ Korea Together ທີ່ໄດ້ມອບເຄື່ອງດົນຕີດັ່ງກ່າວ ໃຫ້ແກ່ມະຫາວິທະຍາໄລແຫ່ງຊາດ, ທ່ານກ່າວຕື່ມວ່າ: ມະຫາວິທະຍາໄລແຫ່ງຊາດລາວ ແມ່ນມີການຮ່ວມມືກັບ ສ.ເກົາຫຼີ ໃນຫຼາຍດ້ານໂດຍສະເພາະ ດ້ານການສຶກສາ, ສຳລັບການມອບເຄື່ອງດົນຕີໃນຄັ້ງນີ້ ກໍຖືເປັນການເປີດໂອກາດທີ່ດີໃຫ້ແກ່ນັກສຶກສາມະຫາວິທະຍາໄລແຫ່ງຊາດ ທີ່ຈະໄດ້ພັດທະນາສີມື ແລະທັກສະດ້ານສິລະປະໄດ້ຫຼາຍຮູບແບບ ແລະກວ້າງຂວາງຍິ່ງຂຶ້ນ.

ພາບບັນຍາກາດ

You are here: Home ຂ່າວ ອົງການ Korea together ມອບ-ຮັບ ເຄື່ອງດົນຕີໃຫ້ແກ່ ມະຫາວິທະຍາໄລແຫ່ງຊາດ