nuol.edu.la



ກິດຈະກຳບານເຕະສາມັກຄີ ຕ້ອນຮັບວັນຄູແຫ່ງຊາດ 7 ຕຸລາ 2017.

ໃນວັນທີ 4 ຕຸລາ 2017 ທີ່ຜ່ານມາ, ມະຫາວິທະຍາໄລແຫ່ງຊາດໄດ້ຈັດກິດຈະກຳບານເຕະສາມັກຄີ ເພື່ອສ້າງຂະບວນການຂໍ່ານັບຮັບຕ້ອນວັນຄູແຫ່ງຊາດ ທີ 7 ຕຸລາ ລະຫວ່າງ ມະຫາວິທະຍາໄລແຫ່ງຊາດ ກັບ ລັດວິສະຫະກິດປະສົມ ລາວໂທລະຄົມມະນາຄົມ, ບໍລິສັດ ​ETL ລາວ ມະຫາຊົນ ແລະບໍລິສັດລ້ານຊ້າງປະກັນໄພຈຳກັດ ທີ່ສະໜາມກິລາກາງມະຫາວິທະຍາໄລແຫ່ງຊາດ, ໂດຍການເປັນປະທານຂອງ ທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ມີບັນດາທ່ານຫົວໜ້າ-ຮອງຫົວໜ້າຫ້ອງການ, ພະນັກງານ-ຄູອາຈານ ເຂົ້າຮ່ວມຢ່າງເປັນຂະບວນຟົດຟື້ນ.

ສຳລັບຈຸດປະສົງຂອງການຈັດງານດັ່ງກ່າວ ແມ່ນເພື່ອຂໍ່ານັບຮັບຕ້ອນວັນຄູແຫ່ງຊາດ ທີ 7 ຕຸລາ ພ້ອມທັງເປັນການສ້າງຄວາມສາມັກຄີກັບບັນດາບໍລິສັດທີ່ໃຫ້ການສະໜັບສະໜູນ ແລະຮ່ວມມືກັບ ມະຫາວິທະຍາໄລແຫ່ງຊາດ ເປັນຕົ້ນແມ່ນ ລັດວິສະຫະກິດປະສົມ ລາວໂທລະຄົມມະນາຄົມ, ບໍລິສັດ ETL ລາວ ມະຫາຊົນ ແລະບໍລິສັດລ້ານຊ້າງປະກັນໄພ ເຊິ່ງແມ່ນການປະສານງານຂອງຫ້ອງການ ICT ມະຫາວິທະຍາໄລແຫ່ງຊາດ ແລະການຈັດງານໃນຄັ້ງນີ້ແມ່ນໄດ້ຮັບການສະໜັບໜູນຈາກ ລັດວິສະຫະກິດປະສົມ ລາວໂທລະຄົມມະນາຄົມ ຈຳນວນ 5,000,000 ກີບ, ບໍລິສັດ ETL ລາວ ມະຫາຊົນ ຈຳນວນ 2,000,000 ກີບ ພ້ອມນໍ້າດື່ມ 20 ແກັດ ແລະບໍລິສັດລ້ານຊ້າງປະກັນໄພ ຈຳນວນ 1,500,000 ກີບ ພ້ອມຊຸດກີລາ 20 ຊຸດ ເຊິ່ງບັນຍາກາດການຫຼີ້ນກີລາແມ່ນເຕັມໄປດ້ວຍຄວາມເບີກບານມ່ວນຊື່ນ, ມີໄມຕີຈິດມິດຕະພາບ.

ໃນທ້າຍພິທີ, ທ່ານ ສຈ. ປອ. ສົມສີ ຍໍພັນໄຊ ກໍເປັນກຽດຂຶ້ນມອບໃບກຽດຕິຄຸນແກ່ຜູ້ທີ່ໃຫ້ການສະໜັບສະໜູນກິດຈະກຳໃນຄັ້ງນີ້ ອີກດ້ວຍ.

 

ພາບບັນຍາກາດ

You are here: Home ຂ່າວ ກິດຈະກຳບານເຕະສາມັກຄີ ຕ້ອນຮັບວັນຄູແຫ່ງຊາດ 7 ຕຸລາ 2017.