nuol.edu.la



ບໍລິສັດ ສະຕຣາໂທລະຄົມ ມອບຕັ່ງຫີນໃຫ້ແກ່ມະຫາວິທະຍາໄລແຫ່ງຊາດ

1513935903 tmp IMG 3144

            ໃນຕອນບ່າຍ ວັນທີ 22 ທັນວາ 2017 ນີ້, ບໍລິສັດ ສະຕຣາໂທລະຄົມ (Unitel) ໄດ້ມອບຕັ່ງຫີນໃຫ້ແກ່ມະຫາວິທະຍາໄລແຫ່ງຊາດ ເປັນກຽດມອບໂດຍ ທ່ານ ແກ້ວນະພາ ແສນວໍລະສິນ ຮອງຫົວໜ້າຝ່າຍການຕະຫຼາດບໍລິສັດ ສະຕຣາໂທລະຄົມ ແລະຮັບໂດຍ ທ່ານ ຮສ. ປອ. ບົວດຳ ແສງຄຳຄຸດລາວົງ ຫົວໜ້າຫ້ອງການສັງລວມ ມະຫາວິທະຍາໄລແຫ່ງຊາດ, ມີບັນດາພະນັກງານ-ຄູອາຈານ ແລະຜູ້ທີ່ກ່ຽວຂ້ອງທັງສອງຝ່າຍເຂົ້າຮ່ວມ.

           ຕັ່ງຫີນທີ່ນຳມາມອບໃນຄັ້ງນີ້ ມີທັງໝົດ 34 ໜ່ວຍ ລວມມູນຄ່າ 7,820,000 ກີບ; ເຊິ່ງຕັ່ງຈຳນວນດັ່ງກ່າວ ມະຫາວິທະຍາໄລແຫ່ງຊາດ ຈະໄດ້ມີການຈັດແບ່ງ ໄປແຕ່ລະພາກສ່ວນເພື່ອໃຫ້ນັກສຶກສາໄດ້ຊົມໃຊ້ ເປັນບ່ອນນັ່ງພັກຜ່ອນໃນຍາມວ່າງ, ໃນທ້າຍພິທີ ທ່ານ ຮສ. ປອ. ບົວດຳ ແສງຄຳຄຸດລາວົງ ກໍໄດ້ກ່າວສະແດງຄວາມຂອບໃຈ ໄປຍັງບໍລິສັດ ສະຕາຣ ໂທລະຄົມ(Unitel) ທີ່ໄດ້ນໍາຕັ່ງມາມອບໃຫ້ມະຫາວິທະຍາໄລແຫ່ງຊາດໃນຄັ້ງນີ້ ພ້ອມທັງມອບໃບຍ້ອງຍໍໃຫ້ແກ່ ທ່ານ ແກ້ວນະພາ ແສນວໍລະສິນ ເພື່ອເປັນການສະແດງຄວາມຮູ້ບຸນຄຸນໃນການສະໜັບໜູນໃນຄັ້ງນີ້ ອີກດ້ວຍ.

ພາບບັນຍາກາດ

You are here: Home ຂ່າວ ບໍລິສັດ ສະຕຣາໂທລະຄົມ ມອບຕັ່ງຫີນໃຫ້ແກ່ມະຫາວິທະຍາໄລແຫ່ງຊາດ