nuol.edu.la



ຄະນະນໍາ ມຊ ອວຍພອນ ທ່ານເອກອັກຄະລັດຖະທູດ ຫວຽດນາມ ປະຈຳ ລາວ

IMG 583222222

             ໃນຕອນເຊົ້າວັນທີ 7 ກຸມພາ 2018 ຜ່ານມານີ້, ທ່ານ ຮສ. ປອ. ພຸດ ສິມມາລາວົງ ຮອງອະທິການບໍດີ ມະຫາວິທະຍາໄລແຫ່ງຊາດ ພ້ອມດ້ວຍ ທ່ານ ຮສ. ອາລຸນ ສີລັດຕະນະກຸນຄະນະບໍດີ ຄະນະອັກສອນສາດ, ມີຮອງຫົວໜ້າຫ້ອງການຄຸ້ມຄອງນັກສຶກສາ, ຮອງຫົວໜ້າຫ້ອງການສັງລວມ ແລະພະນັກງານ-ຄູອາຈານ ທີ່ກ່ຽວຂ້ອງໄດ້ນໍາ ເອົາຕ່າດອກໄມ້ ເຂົ້າອວຍພອນ ທ່ານ ຫງວຽນ ບາຮຸ່ງ ເອກອັກຄະລັດຖະທູດ ສສ ຫວຽດນາມ ປະຈຳ ສປປ ລາວ ທີ່ ສະຖານ ເອກອັກຄະລັດຖະທູດຫວຽດນາມ ປະຈຳ ສປປ ລາວ ເນື່ອງໃນໂອກາດ ບຸນປີໃໝ່ຫວຽດນາມ.

ໂອກາດນີ້, ທ່ານ ຮສ. ປອ. ພຸດ ສິມມາລາວົງ ຮອງອະທິການບໍດີ ໃນນາມຕາງໜ້າໃຫ້ ຄະນະນຳ, ພະນັກງານ, ຄູ-ອາຈານ ມະຫາວິທະຍາໄລແຫ່ງຊາດ ກໍໄດ້ກ່າວສະແດງຄວາມຮູ້ບຸນ

ຄຸນ ຕໍ່ລັດຖະບານ ຫວຽດນາມ ທີ່ໄດ້ໃຫ້ການຊ່ວຍເຫຼືອ ແກ່ມະຫາວິທະຍາໄລແຫ່ງຊາດ ໃນໄລຍະທີ່ຜ່ານມາ ພ້ອມທັງ ໄດ້ທັງອວຍພອນແກ່ ທ່ານ ຫງວຽນ ບາຮຸ່ງ ເອກອັກຄະລັດຖະທູດ ສສ ຫວຽດນາມ ປະຈຳ ສ ປປ ລາວ ເນື່ອງໃນໂອກາດບຸນປີໃໝ່ຫວຽດນາມ ຈົ່ງມີສຸຂະພາບແຂງ

ແຮງ, ປະສົບຜົນສໍາເລັດໃນໜ້າທີ່ວຽກງານ ແລະໂຊກດີຕະຫຼອດປີໃໝ່.

ຂະນະດຽວກັນ ທ່ານ ຫງວຽນ ບາຮຸ່ງ ເອກອັກຄະລັດຖະທູດ ສສ ຫວຽດນາມ ປະຈຳ ສປປ ລາວ ກໍໄດ້ໃຫ້ການໂອ້ລົມ ແລະກ່າວຕ້ອນຮັບການອວຍພອນ ເຊິ່ງທ່ານກ່າວບາງຕອນວ່າ:ຂ້າພະເຈົ້າຂໍຂອບໃຈຢ່າງສູງມາຍັງ ຄະນະນຳ ມະຫາວິທະຍາໄລແຫ່ງຊາດ ກໍຄື ທ່ານຮອງອະທິ

ການບໍດີ ແລະຄະນະ ທີ່ໄດ້ມາອວຍພອນ ເນື່ອງໃນໂອກາດບຸນປີໃໝ່ຫວຽດນາມ. ດັ່ງທີ່ຮູ້ນໍາກັນແລ້ວວ່າ ສອງຊາດລາວ-ຫວຽດນາມ ພວກເຮົາແມ່ນມີສາຍພົວພັນຢ່າງສະໜິດແໝ້ນ ແລະຍາວນານ, ຕະຫຼອດໄລຍະເວລາທີ່ຜ່ານມານັ້ນ, ພວກເຮົາກໍໄດ້ມີການຮ່ວມມື ກັບ ສປປ ລາວ ໃນຫຼາຍດ້ານ ໂດຍສະເພາະ ດ້ານການສຶກສາ, ການເມືອງ, ເສດຖະກິດ-ສັງຄົມ ແລະອື່ນໆ. ສະນັ້ນ, ເນື່ອງໃນໂອກາດ ປີໃໝ່ ຫວຽດນາມ ຂ້າພະເຈົ້າ ຂໍອວຍພອນໃຫ້ແກ່ ຄະນະນຳ ພ້ອມດ້ວຍ ພະນັກງານ, ຄູ-ອາຈານ ແລະນັກສຶກສາ ທົ່ວມະຫາວິທະຍາໄລແຫ່ງຊາດຈົ່ງມີສຸຂະພາບເຂັ້ມແຂງ ແລະປະສົບຜົນສຳເລັດໃນໜ້າທີ່ວຽກງານເຊັ່ນດຽວກັນ.

ພາບບັນຍາກາດ

You are here: Home ຂ່າວ ຄະນະນໍາ ມຊ ອວຍພອນ ທ່ານເອກອັກຄະລັດຖະທູດ ຫວຽດນາມ ປະຈຳ ລາວ