nuol.edu.la



ຄະນະວິທະຍາສາດການກິລາ - ກາຍະກຳ

ເວັບໄຊ    
ສະຖານທີ່ຕັ້ງ ວິທະຍາເຂດ ດົງໂດກ
ຄະນະບໍດີ ຮສ. ປອ. ອານຸລົມ ວິໄລພອນ
ຕິດຕໍ່ຫ້ອງການ +856-30 4748528

ເປັນ​ຄະນະໜຶ່ງທີ່​ສັງກັດ​ໃນ​ໂຄງ​ສ້າງ​ການ​ຈັດຕັ້ງ ຂອງ​ມະຫາວິທະຍາ​ໄລ​ແຫ່ງ​ຊາດ, ມີ​ພາລະ​ບົດບາດ​ເປັນ​ເສນາ​ທິການ​ໃຫ້​ແກ່​ອະທິການ​ບໍດີ ໃນ​ການຈັດຕັ້ງ ການ​ຮຽນ-ການ​ສອນ​ສາຂາ​ວິຊາ ພະລະສຶກສາ, ຄູ​ເຝິກ​ກີລາ, ບໍລິຫານ​ການ​ກີລາ ​ແລະ​ວິ​ທະຍາ​ສາດ​ການ​ກີລາ ເພື່ອ​ສ້າງ​ນັກວິຊາການ, ​ນັກຄົ້ນຄວ້າວິທະຍາສາດດ້ານການກີລາ-ກາຍະກຳ, ການ​ອະນຸ​ລັກ ແລະ ​ສົ່ງ​ເສີມ​ສິລະ​ປະວັດ​ທະນະ​ທຳ​ອັນ​ດີ​ງາມຂອງ​ຊາດ ກໍ​ຄື​ຂອງ​ປະຊາຊົນ​ບັນດາ​ເຜົ່າ ​ແລະໃຫ້ການ​ບໍລິການ​ວິຊາ​ການດ້ານ​ການກີລາໃຫ້​ແກ່​ສັງຄົມ.

ຄະນະ​ວິທະຍາສາດການ​ກີລາ ມີໜ້າວຽກຕົ້ນຕໍ 5 ປະການດັ່ງນີ້:

1. ຈັດຕັ້ງການ​ຮຽນ-ການ​ສອນ ແລະ ສຶກສາ​ອົບ​ຮົມ

  • ຈັດຕັ້ງສຶກສາ​ອົບ​ຮົມ​ແນວ​ຄິດ​ການ​ເມືອງ, ດ້ານ​ຄຸນສົມບັດ ​ແລະດ້ານລະບຽບກົດໝາຍແກ່​ອາຈານ ພະນັກງານ ແລະນັກ​ສຶກສາ​ພາຍ​ໃນ​ ຄະນະ​​ວິທະຍາສາດການ​ກີລາ ​ໃຫ້​ເປັນ​ພົນລະ​ເມືອງທີ່​ດີຂອງ​ຊາດ.
  • ຈັດຕັ້ງການ​ຮຽນ-ການ​ສອນວິຊາ​ສະ​ເພາະສາຂາ​ພະລະສຶກສາ, ຄູ​ເຝິກກີລາ, ບໍລິຫານ​ການ​ກິລາ ​ແລະ​ວິທະຍາສາດ​ການ​ກີລາໃນ​ລະດັບ​ປະລິນຍາ​ຕີ, ​ປະລິນຍາໂທ, ປະລິນຍາ​ເອກ ​ແລະ ​ລົງ​ເລິກ​ຂະ​ແໜງ ການ​ໃຫ້​ມີ​ຄຸນນະພາບ.
  • ຈັດຕັ້ງ​ເຝິກອົບຮົມບຳລຸງ​ຍົກ​ລະດັບ​ວິຊາ​ສະ​ເພາະ​ໃນ​ສາຂາວິຊາ​ທີ່​ກ່ຽວຂ້ອງ​ກັບ​ຂະ​ແໜງ​ພະລະສຶກສາ ​ແລະ ກີລາ​ຕາມ​ຄວາມ​ຮຽກຮ້ອງຕ້ອງການ​ຂອງສັງຄົມ.

2. ຈັດຕັ້ງການຄົ້ນຄວ້າ​ວິທະຍາສາດ​

  • ຈັດຕັ້ງຄົ້ນຄວ້າ​ວິທະຍາສາດ, ພັດທະນາແລະນຳ​ໃຊ້ເທັກ​ໂນ​ໂລ​ຊີ​ໃນ​ຂະ​ແໜງວິຊາ​ທີ່​ກ່ຽວຂ້ອງ.
  • ເຜີຍ​ແຜ່​ຜົນ​ຂອງ​ການຄົ້ນຄວ້າວິ​ໄຈທີ່​ມີ​ປະ​ໂຫຍ​ດ​ໃຫ້​ແກ່​ການ​ປັບປຸງ​ຄຸນ​ນະພາ​ບ​ໃນ​ການ​ຮຽນການ​ສອນ ແລະການ​ພັດທະນາ​ກີລາ​ໃຫ້​ແກ່​ສັງຄົມ.

3. ການບໍລິການ​ວິຊາ​ການ​ແກ່​ສັງຄົມ​

  • ພົວພັນ​ຮ່ວມ​ມື​ກັບ​ໂຮງຮຽນ, ສະ​ຖາ​ບັນ, ສູນ, ຫ້ອງກາ​ນສຶກສາ-ກີລາ​ ​ເພື່ອ​ການ​ເຝິກ​ງານ, ​ທົດ​ລອງ, ການ​ນຳ​ໃຊ້​ຜົນການ​ຄົ້ນຄວ້າວິ​ໄຈ ​ແລະການ​ພັດທະນາ​ເທັກ​ໂນ​ໂລ​ຊີ​ເຂົ້າ​ໃນ​ການ​ພັດທະນາ​ເສດ​ຖະກິດ​ສັງຄົມ​ໃນ​ຂະ​ແໜງການ​ຕ່າງໆທີ່​ກ່ຽວຂ້ອງ.
  • ໃຫ້ການ​ບໍລິການ​ເປັນ​ຊ່ຽວຊານ, ​ເປັນ​ທີ່​ປຶກສາດ້ານ​ວິຊາ​ການ, ການ​ບໍລິຫານ, ອາຈານ​ສອນ, ກຳມະ ການ, ຄູ​ເຝິກ, ນັກວິທະຍາສາດ​ ແລະໃຫ້ບໍລິການ​ດ້ານ​ອື່ນໆທີ່​ກ່ຽວຂ້ອງຕາມຄວາມຮຽກຮ້ອງຕ້ອງ ການຂອງສັງຄົມ​.

4. ປົກ​ປັກ​ຮັກສາ ​ແລະ ສົ່ງ​ເສີມ​ວັດທະນະທຳ​ອັນ​ດີ​ງານ​ຂອງ​ຊາດ:

  • ຈັດ​ກິດຈະກຳ​ຕ່າງໆ ເພຶ່ອ​ເຜີຍ​ແຜ່​ສິລະປະ​ວັດທະນະທຳ, ຮີດຄອງ​ປະ​ເພນີ​ອັນ​ດີ​ງາມ​ຂອງ​ຊາດ ​ແລະ ຂອງ​ປະຊາຊົນ​ບັນດາ​ເຜົ່າ.
  • ຊຸກຍູ້​ສົ່ງ​ເສີມ​ໃຫ້​ພະນັກງານ, ອາຈານ ແລະ​ນັກ​ສຶກສາ​ຂອງ ​ຄະນະ​ວິທະຍາສາດການ​ກີລາ ໃຫ້​ມີ​ສ່ວນ​ຮ່ວມ​ຢ່າງ​ເປັນເຈົ້າການໃນ​ການ​ປົກປັກຮັກສາ​ ແລະ ​ສົ່ງ​ເສີມ​ສິລະ​ປະວັດ​ທະນະ​ທຳ, ຮີດຄອງປະເພ​ນີ ອັນ​ດີ​ງາມ​ຂອງ​ຊາດ ​ແລະຂອງ​ບັນດາ​ເຜົ່າ.
  • ຮັບ​ເອົາ ​ແລະ ສົ່ງ​ເສີມ​ສິລະ​ປະວັດ​ທະນະ​ທຳ​ອັນ​ດີງາມ ​ແລະກ້າວໜ້າຂອງ​ໂລກ​ຢ່າງ​ມີ​ການ​ເລືອກ​ເຟັ້ນ.

5. ປະຕິບັດພາລະໜ້າທີ່ອື່ນໆຕາມການມອບໝາຍຂອງມະຫາວິທະຍາໄລແຫ່ງຊາດ ແລະຂອງກະຊວງສຶກ
ສາທິການ ແລະກີລາ

ຄະນະ​ວິທະຍາສາດການ​ກີລາ ມີ​​ສິດ​ດັ່ງນີ້:

  • ຄົ້ນຄວ້າ ​ແລະນຳ​ສະ​ເໜີ​ແຜນ​ພັດທະນາໄລຍະສັ້ນ, ​ໄລຍະ​ຍາວຂອງ ຄະນະວິທະຍາສາດການ​ກີລາ ຕໍ່ ອະທິການບໍດີ ມະຫາວິທະຍາ​ໄລ​ແຫ່ງ​ຊາດ.
  • ສ້າງ​ລາຍ​ຮັບ​ທາງ​ດ້ານ​ວິຊາ​ການ​ດ້ວຍ​ຮູບ​​ແບບ​ຕ່າງໆ ທີ່​ຖືກຕ້ອງ​ຕາມ​ລະບຽບຂອງ​ມະຫາວິທະຍາ​ໄລ​ແຫ່ງ​ຊາດ ​ແລະ ລະບຽບກົດໝາຍຂອງ​ລັດ.
  • ນຳ​ໃຊ້​ງົບປະມານ​ທີ່​ສະໜອງ​ໃຫ້ ແລະ ທຶນຮອນ​ຈາກ​ແຫ​ລ່ງລາຍ​ຮັບ​ຕ່າງໆຕາມ​ລະບຽບກົດໝາຍຂອງ​ລັດ, ຕາມ​ການ​ອະນຸມັດ​ຂອງ​ອະທິການ​ບໍດີມະຫາວິທະຍາໄລແຫ່ງຊາດ.
  • ຄົ້ນຄວ້າ ​ແລະ ສະ​ເໜີບັນຈຸ, ຊັບຊ້ອນ​, ​ແຕ່ງຕັ້ງ, ຍົກຍ້າຍ, ປະຕິບັດ​ນະ​ໂຍບາຍ, ຍ້ອງຍໍ​, ປົດ​ຕຳ ແໜ່ງປະຕິບັດວິ​ໄນ​ຕໍ່​ພະນັກງານ, ອາ​ຈານ ແລະນັກ​ສຶກສາທີ່ຢູ່​ໃນ​ການ​ຄຸ້ມ​ຄອງ ຂອງ ​ຄະນະ​ວິທະຍາ ສາດການ​ກີລາ.
  • ປົກ​ປ້ອງ​ຄຸ້ມ​ຄອງລິ​ຂະ​ສິດ​ດ້ານ​ວິຊາ​ການ ແລະຊັບສິນທາງປັນຍາ ຂອງ​ ຄະນະວິທະຍາສາດ​ການ​ກີລາ​ ແລະ ມະຫາວິທະຍາ​ໄລ​ແຫ່ງ​ຊາດ.
  • ຄົ້ນຄວ້າ ​ແລະນຳສະ​ເໜີຂໍອະນຸມັດ​ການ​ຕິດຕໍ່ພົວພັນ​, ການເຊັນ​ສັນຍາ​ຮ່ວມ​ມື​ທາງ​ດ້ານ​ວິຊາ​ການກັບ​ມະຫາວິທະຍາ​ໄລ, ສະ​ຖາ​ບັນ​ການ​ສຶກສາ, ສະ​ຖາ​ບັນ​ຄົ້ນຄວ້າ​ວິທະຍາສາດຕ່າງໆທັງ​ພາຍ​ໃນ ແລະ ຕ່າງປະ​​ເທດ.

ໂຄງ​ປະກອບ​ອົງການ​ຈັດຕັ້ງ

ໂຄງ​ປະກອບ​ການຈັດຕັ້ງດ້ານ​ການບໍລິຫານ​ປະກອບມີ:

  1. ພະ​ແນ​ກຈັດ​ຕັ້ງ ​ແລະ ສັງ​ລວມ 
    • ໜ່ວຍງານ ເລຂານຸການ ແລະ ພິທີການ
    • ໜ່ວຍງານ ​ຈັດຕັ້ງ ແລະ ພະນັກງານ
    • ໜ່ວຍງານ ພວກ​ພັນ​ຕ່າງປະ​ເທດ
    • ໜ່ວຍງານ ​ເຄຫາ​ສະຖານ ແລະ ບໍລິການ.
    • ໜ່ວຍງານ ​ປ້ອງ​ກັນ​ຄວາມ​ສະຫງົບ
    • ໜ່ວຍງານ ​ຂ່າວສານ ​ແລະ ວາລະສານ
  2. ພະແນກການເງິນ ແລະ ຊັບສິນ
    • ໜ່ວຍງານ ​ແຜນການ-ການ​ເງິນ
    • ໜ່ວຍງານ ເຄຫະ​ສະຖານ ແລະຄຸ້ມຄອງວິທະຍາເຂດ
  3. ພະ​ແນ​ກວິຊາ​ການ
    • ໜ່ວຍງານທະບຽນ ແລະປະ​ເມີນ​ຜົນ
    • ໜ່ວຍງານ ພັດທະນາ​ຫລັກສູດ ​ແລະ​ປື້ມຕຳລາ
    • ໜ່ວຍງານ ​ຈັດຕັ້ງການ​ຮຽນ-ການ​ສອນ ແລະເຝິກ​ຫັດ​ວິຊາ​ຊີບ
    • ໜ່ວຍງານ ​ຫໍສະໜຸດ ​ແລະຂໍ້​ມູນ​ຂ່າວສານ
  4. ພະແນກ​ຄົ້ນຄວ້າ​ວິທະຍາສາດ ແລະ ຫລັງ​ປະລິນຍາ​ຕີ
    • ໜ່ວຍງານ ຄຸ້ມຄອງການສຶກສາຫລັງປະລິນຍາຕີ
    • ໜ່ວຍງານບໍລິການວິຊາການແກ່ສັງຄົມ
    • ໜ່ວຍງານ ຄົ້ນຄວ້າວິທະຍາສາດ ແລະ ເຜີຍແຜ່ຜົນງານການຄົ້ນຄວ້າ
  5. ພະ​ແນ​ກຄຸ້ມ​ຄອງ​ນັກ​ສຶກສາ
    • ໜ່ວຍງານ ຄຸ້ມ​ຄອງ​ລະບຽບວິ​ໄນນັກ​ສຶກສາ​
    • ໜ່ວຍງານ ສະຫວັດດີ​ການ ​​ແລະສິດ​​ເກົ່າ
    • ໜ່ວຍງານກິດຈະກຳ ແລະ​ເສີມ​ຫລັກສູ​ດ
  6. ສູນ​ສຸຂະພາບ
    • ພະ​ແນ​ກ ​ບໍລິຫານ
    • ພະ​ແນ​ກ ປິ່ນປົວ ​ແລະ ຟື້ນຟູ​ສຸຂະ​ພາບ

ໂຄງ​ປະກອບ​ການຈັດຕັ້ງດ້ານ​ວິຊາ​ການ​ມີ:

  1. ພາກ​ວິຊາສ້າງ​ຄູ​ພະລະສຶກສາ
    • ໜ່ວຍ ວິຊາຄູ
    • ໜ່ວຍວິຊາ​ ກີລາ-ກາ​ຍະ​ກຳ
    • ໜ່ວຍງານ ບໍລິການ​ວິຊາ​ການ
  2. ພາກ​ວິຊາຄູ​ເຝິກກີລາ​
    • ໜ່ວຍວິຊາ ແລ່ນ-ລານ ​ແລະກີລາ​-ກາ​ຍະ​ກຳ
    • ໜ່ວຍວິຊາ ບານ​ເຕະ ​ແລະຕໍ່ສູ້​ປ້ອງ​ກັນ​ຕົວ
    • ໜ່ວຍວິຊາ​ ບານ​ສົ່ງ ​ແລະປະ​ເພດ​ໃຊ້​ໄມ້
    • ໜ່ວຍງານ ບໍລິການ​ວິຊາ​ການ
  3. ພາກວິຊາ ວິທະຍາສາດການກີລາ
    • ໜ່ວຍວິຊາ​ ກາ​ຍະ​ວິພາກສາດ ​ແລະ​ ສະລີລະວິ​ທະຍາ
    • ໜ່ວຍວິຊາ ກີລາ-ກາ​ຍະ​ກຳ
    • ໜ່ວຍງານ ​ ບໍລິການ​ວິຊາ​ການ
  4. ພາກວິຊາ ບິ​ລິ​ຫານການກີລາ
    • ໜ່ວຍວິຊາ​ ບໍລິຫານ​ການ​ກີລາ
    • ໜ່ວຍວິຊາ ກີລາ-ກາ​ຍະ​ກຳ
    • ໜ່ວຍງານ ​ ບໍລິການ​ວິຊາ​ການ
You are here: Home Faculties Faculties Faculty of Sport Science and Physical Education