ມຊ ມອບເຄື່ອງໃຫ້ແກ່ຜູ້ຖືກຜົນກະທົບຈາກໄພນໍ້າຖ້ວມ ທີ່ເມືອງມະຫາໄຊ ແຂວງຄໍາມ່ວນ

ໃນເວລາ 11:00 ນາທີ ຂອງ ວັນທີ 4 ກັນຍາ 2018 ນີ້້, ຂະບວນການຊ່ວຍເຫຼືອໄພພິບັດ ຈາກ ມະຫາວິທະຍາໄລແຫ່ງຊາດ ໄດ້ເດີນທາງມອບເຄື່ອງຊ່ວຍເຫຼືອໃຫ້ແກ່ ປະຊາຊົນທີ່ຖືກຜົນກະທົບນໍ້າຖ້ວມ ຢູ່ບ້ານນາກຽວ ເມືອງມະຫາໄຊ ແຂວງຄໍາມ່ວນ, ເຊິ່ງນໍາພາ ແລະກ່າວມອບໂດຍ ສະຫາຍ ກວນເພັດ ພວງມາລາ ຕາງໜ້າຈາກຫ້ອງການສັງລວມ, ພ້ອມດ້ວຍ 3 ອົງການຈັດຕັ້ງມະຫາຊົນ ມະຫາວິທະຍາໄລແຫ່ງຊາດ ແລະກ່າວຮັບໂດຍ ສະຫາຍ ບົວພັນ ແສງຈັນ ຮັກສາການ ເລຂາພັກເມືອງ, ເຈົ້າເມືອງ ເມືອງມະຫາໄຊ ແຂວງຄໍາມ່ວນ ພ້ອມດ້ວຍອໍານາດການປົກຄອງບ້ານ ບ້ານນາກຽວ, ຈໍານວນຄອບຄົວທີ່ຖືກຜົນກະທົບຈາກໄພນໍ້າຖ້ວມຄັ້ງນີ້ມີ 102 ຄອບຄົວ, ມີຈໍານວນ 633 ຄົນ. ສໍາລັບເຄື່ອງຊ່ວຍເຫຼືອຄັ້ງນີ້ປະກອບມີ: ເຄື່ອງນຸ່ງຫົ່ມ, ອຸປະກອບການສຶກສາ, ອາຫານແຫ້ງ ແລະນໍ້າດື່ມ, ເຊິ່ງມູນຄ່າທັງໝົດ 50,000,000 ກີບ.

ພາບບັນຍາກາດ