ອາຈານສອນ ແລະ ນັກຄົ້ນຄວ້າ-ວິໄຈ ຄະນະກະເສດສາດ, ມະຫາວິທະຍາໄລແຫ່ງຊາດ ໄດ້ຮັບຮາງວັນ “ສິດເກົ່າແຫ່ງຄວາມພາກພູມໃຈ ປີ 2017 ”(KKU Alumni of Pride 2017)
ທ່ານ ອຈ. ປອ. ວຽງສະກຸນ ນາປະເສີດ, ພາກວິຊາລ້ຽງສັດແລະການປະມົງ, ຄະນະກະເສດສາດ, ມະຫາວິທະຍາໄລແຫ່ງຊາດ ໄດ້ຮັບຮາງວັນດີເດັ່ນໃນນາມສິດເກົ່າລະຫວ່າງຊາດ ລະຫວ່າງ 2 ມະຫາວິທະຍ່າໄລ ມະຫາວິທະຍາໄລແຫ່ງຊາດ ແລະ ມະຫາວິທະຍາໄລຂອນແກ່ນ ປະເທດໄທ
ການມອບຮັບຮາງວັນນີ້ໄດ້ຈັດຂຶ້ນທີ່ ມະຫາວິທະຍາໄລຂອນແກ່ນ ປະເທດໄທ ໃນໂອກາດ ງານພົບປະສິດເກົ່າ ເມື່ອວັນທີ 27/1/2017 ທີ່ຜ່ານມາ ຈັດໂດຍສະມາຄົມສິດເກົ່າ ຂອງມະຫາວິທະຍາໄລຂອນແກ່ນ ນໍາໂດຍປະທານສະມາຄົມສິດເກົ່າ ຂອງມະຫາວິທະຍາໄລຂອນແກ່ນ ປະເທດໄທ ທີ່ໄດ້ຈັດງານພົບປະສິດເກົ່າຂຶ້ນ ໂດຍການເປັນປະທານຂອງອະທິການບໍດີ, ເປັນຮາງວັນ “ສິດເກົ່າແຫ່ງຄວາມພາກພູມໃຈ ປີ 2017”(KKU Alumni of Pride 2017), ຈາກສະມາຄົມສິດເກົ່າດັ່ງກ່າວ
ເປັນອີກຄວາມພູມໃຈ ນຶ່ງຂອງພະນັກງານ ຄູ-ອາຈານ ແລະ ນັກຄົ້ນຄວ້າດີເດັ່ນ ເຊິ່ງ ໄດ້ຜ່ານເວທີສາກົນມາ ແລ້ວ ໃນນາມ ນັກວິໄຈໜຸ່ມ ດີເດັ່ນ ເປັນ ໜຶ່ງໃນບັນນັກຄົ້ນຄວ້າ ທົ່ວມະຫາວິທະຍາໄລແຫ່ງຊາດ ໃນໂອກາດຄົບຮອບ 20 ປີ ຂອງການສ້າງຕັ້ງ ສະເພາະໃນເວທີນີ້ເປັນເວທີສາກົນລະຫວ່າງ 2 ມະທາວິທະຍາໄລ ໂດຍມີສິດເກົ່າຂອງມະຫາວິທະຍາໄລເຂົ້າຮ່ວມຈຳນວນ 1,000 ກວ່າຄົນ, ທ່ານ ອຈ. ປອ. ວຽງສະກຸນ ນາປະເສີດ ສິດເກົ່າປະລິນຍາໂທ (ຈົບການສຶກສາປີ 2004) ແລະ ປະລິນຍາເອກ (ຈົບການສຶກສາປີ 2012) ໄດ້ຮັບກຽດຄັດເລືອກຂຶ້ນຮັບຮາງວັນ “ສິດເກົ່າແຫ່ງຄວາມພາກພູມໃຈ” ຊຶ່ງເປັນຮາງວັນທີ່ມອບໃຫ້ກັບ ນັກສຶກສາຜູ້ທີ່ຈົບການສຶກສາຈາກມະຫາວິທະຍາໄລຂອນແກ່ນ ເພື່ອເຊີດຊູກຽດ ສິດເກົ່າ ທີ່ປະຕິບັດໂຕ ແລະໜ້າທີ່ເປັນຢ່າງດີເລີດ ພ້ອມທັງເປັນທີ່ຍອມຮັບ, ເປັນແບບຢ່າງທີ່ດີແກ່ເຍົາວະຊົນ ແລະບຸກຄົນທົ່ວໄປ ເພື່ອສ້າງຄຸນປະໂຫຍດໃຫ້ແກ່ສັງຄົມໃນທຸກໆດ້ານຢ່າງຢັ່ງຢືນ.
ທ່ານ ອຈ.ປອ.ວຽງສະກຸນ ນາປະເສີດ ເປັນ ອາຈານສອນທີ່ ພາກວິຊາລ້ຽງສັດ ແລະການປະມົງ, ຄະນະກະເສດສາດ, ມະຫາວິທະຍາໄລແຫ່ງຊາດ ຊຶ່ງເປັນບຸກຄົນທີ່ໄດ້ປະຕິບັດໜ້າທີ່ວຽກງານເປັນທີ່ຍອມຮັບຂອງລູກສິດ ແລະເພື່ອຮ່ວມງານ, ທັງເປັນບຸກຄົນທີ່ລິເລີ່ມ ແລະພັດທະນາການນຳໃຊ້ເສດເຫຼືອທາງດ້ານກະສິກຳ ແລະອຸດສາຫະກຳມາແປຮູບເປັນອາຫານສັດ, ໂດຍສາມາດຫຼຸດຜ່ອນຕົ້ນທືນການຜະລິດ ແລະເພີ່ມປະສິດທິພາບການຜະລິດ ພ້ອມທັງເປັນມິດຕໍ່ສິ່ງແວດລ້ອມ ໂດຍເປັນທີ່ຍອມຮັບຂອງຊາວກະສິກອນ, ນັກວິຊາການ ໃນວົງການລ້ຽງສັດທັງພາຍໃນ ພາກພື້ນອາຊີ ແລະ ຕ່າງປະເທດ...
ປະເດັນສໍາຄັນໄດ້ຮັບກຽດເຊີດຊູ 3 ຄັ້ງຊ້ອນໃນລະດັບຕ່າງກັນ (ສາກົນ 1, ມຊ 1, ລະຫວ່າງຊາດ1 ແລະສິດເກົ່າດີເດ່ນ)