ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ ສະຖານທູດຍີ່ປຸ່ນ ປະຈຳ ສປປ ລາວກຳລັງເປີດຮັບນັກສຶກສາເພື່ອເຂົ້າຮ່ວມໂຄງການແລກປ່ຽນການສຶກສາໄລຍະສັ້ນ (The ASEAN + Timor-Leste Youth Leader Exchange) ໃນລະຫວ່າງວັນທີ 19 - 26 ມີນາ 2019 ທີ່ ປະເທດຍີ່ປຸ່ນ. ຈຸດປະສົງຂອງໂຄງການດັ່ງກ່າວ ແມ່ນເພື່ອການແລກປ່ຽນດ້ານວັດທະນະທຳ-ສັງຄົມ ແລະ ຝຶກທັກສະດ້ານຄວາມເປັນຜູ້ນຳ.
ເງື່ອນໄຂຜູ້ສະໝັກ:
- ຕ້ອງເປັນນັກສຶກສາທີ່ສຶກສາຢູ່ ຄະນະວິທະຍາສາດສັງຄົມ (ສາຂາວິຊາການທ່ອງທ່ຽວ ຫຼື ປະຫວັດສາດ) ຫຼື ຄະນະວິທະຍາສາດສິ່ງແວດລ້ອມ ຫຼື ຄະນະວິທະຍາສາດປ່າໄມ້ ຫຼື ຄະນະວິສະວະກຳສາດ (ສາຂາວິສະວະກຳອຸດສາຫະກຳ);
- ຕ້ອງເປັນນັກສຶກສາ ປີ 2 ຂຶ້ນໄປ ແລະ ມີຜົນການຮຽນດີລະດັບເກຼດສະເລ່ຍ 3.00 ຂຶ້ນໄປ;
- ສາມາດເວົ້າ ແລະ ຂຽນພາສາອັງກິດໄດ້ໃນລະດັບດີ;
- ຕ້ອງມີໜັງສືເດີນທາງ (Passport) ທີ່ບໍ່ທັນໝົດອາຍຸ;
- ນັກສຶກສາຕ້ອງມີສຸຂະພາບແຂງແຮງດີ.
ນັກສຶກສາຜູ້ທີ່ມີຄວາມສົນໃຈສະໝັກ ແມ່ນໃຫ້ໄປສະເໜີຊື່ກັບຄະນະວິຊາຂອງຕົນ ເພື່ອໃຫ້ທາງຄະນະນຳສົ່ງລາຍຊື່ມາທີ່ຫ້ອງການພົວພັນຕ່າງປະເທດ ພາຍໃນ ຕອນເຊົ້າ ວັນທີ 15ມັງກອນ 2019.
ໝາຍເຫດ:
- ການສໍາພາດຄັດເລືອກຈະຈັດຂື້ນ ເວລາ 14: 00 ໂມງ ຂອງ ວັນທີ 15 ມັງກອນ 2019 ທີ່ ຫ້ອງປະຊຸມຊັ້ນ 3 ຕຶກສໍານັກງານອະທິການບໍດີ, ມຊ. ຜູ້ທີ່ຜ່ານການສໍາພາດຄັດເລືອກ ມະຫາວິທະຍາໄລແຫ່ງຊາດຈະສົ່ງລາຍຊື່ ແລະ ເອກະສານສະໝັກທີ່ກ່ຽວຂ້ອງ ຂອງນັກສຶກສາທີ່ຜ່ານການສຳພາດຄັດເລືອກ ໄປໃຫ້ທາງ ກະຊວງສຶກສາທິການ ແລະ ກິລາ ເປັນຜູ້ດຳເນີນການໃນຂັ້ນຕໍ່ໄປ.
- ຜູ້ທີ່ຖືກຄັດເລືອກໃຫ້ໄດ້ຮັບທຶນການສຶກສາ ແມ່ນຈະຖືກຍົກເວັ້ນຄ່າເດີນທາງໄປ-ກັບ ແລະ ຄ່າກິນຢູ່ພັກເຊົາ.