Details

17 December 2018

Hits: 2037

ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງພະນັກງານ-ອາຈານພາຍໃນມະຫາວິທະຍາໄລແຫ່ງຊາດ ເພື່ອສະໝັກເຂົ້າຮ່ວມຝຶກອົບຮົມ (The IIEP-UNESCO Training Programmes) ໃນສົກ 2019-2020 ຂອງສະຖາບັນສາກົນເພື່ອການວາງແຜນດ້ານການສຶກສາ, ອົງການອຸຍແນສໂກ (International Institute for Educational Planning – UNESCO) ທີ່ ນະຄອນຫຼວງປາຣີ, ປະເທດຝຣັ່ງ; ຊຶ່ງປະກອບມີ 3 ຫຼັກສູດຄື:

1. 2019 Specialized Courses Programme (SCP)
2. The 2019-2020 Education Sector Planning (ESP) Course
3. The 2019-2020 Advanced Training Programme

ຜູ້ທີ່ມີຄວາມສົນໃຈສະໝັກ ສາມາດເຂົ້າເບິ່ງລາຍລະອຽດເພີ່ມເຕີມ ແລະ ວິທີການສະໝັກໄດ້ທີ່: http://www.iiep.unesco.org/en  

ໝາຍເຫດ: ໃນການຝຶກອົບຮົມຄັ້ງນີ້, ຜູ້ເຂົ້າຮ່ວມຈະຕ້ອງຮັບຜິດຊອບຄ່າໃຊ້ຈ່າຍຕ່າງໆດ້ວຍຕົນເອງ.

Details

17 December 2018

Hits: 1458

     ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ຊາບວ່າ: AYLTLC Committee, ປະເທດສິງກະໂປ ກຳລັງຈະຈັດງານຕັ້ງຄ້າຍ Asian Youth Leaders Travel and Learning Camp (AYLTLC) 2019 ໃນລະຫວ່າງວັນທີ 14 - 18 ກຸມພາ 2019, ຊຶ່ງຈຸດປະສົງຂອງງານແມ່ນ ເພື່ອໃຫ້ນັກສຶກສາໄດ້ຮຽນຮູ້ທັກສະຄວາມເປັນຜູ້ນຳ ແລະ ການປະສົມປະສານດ້ານວັດທະນະທຳ-ສັງຄົມໃນຂົງເຂດອາຊີ. ນັກສຶກສາຜູ້ທີ່ມີຄວາມສົນໃຈເຂົ້າຮ່ວມງານຕັ້ງຄ້າຍດັ່ງກ່າວ ສາມາດເຂົ້າເບິ່ງລາຍລະອຽດເພີ່ມເຕີມ ແລະ ວິທີການສະໝັກໄດ້ທີ່ www.ayltlc.com

ໝາຍເຫດ: ຜູ້ທີ່ຈະເຂົ້າຮ່ວມງານຈະຕ້ອງຮັບຜິດຊອບຄ່າເດີນທາງໄປ-ກັບ, ຄ່າກິນຢູ່ພັກເຊົາ, ຄ່າລົງທະບຽນ (700 ໂດລາສະຫະລັດ).

Details

17 December 2018

Hits: 1155

ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ: ມະຫາວິທະຍາໄລບີນັດສ໌ (BINUS University) ກຳລັງຈັດການແຂ່ງຂັນເພື່ອເປັນການເສີມສ້າງທັກສະດ້ານການນຳໃຊ້ພາສາອັງກິດໃຫ້ແກ່ນັກສຶກສາອາຊຽນ ຊຶ່ງການແຂ່ງຂັນດັ່ງກ່າວໄດ້ຖືກແບ່ງອອກເປັນ 2 ຮູບແບບ ມີທັງໝົດ 8 ປະເພດການແຂ່ງຂັນ ຄື:

v  ການແຂ່ງຂັນຜ່ານທາງອອນລາຍ

1. Short Story Writing
2. Radio Drama

v  ການແຂ່ງຂັນທີ່ຈະຖືກຈັດຂຶ້ນທີ່ ມະຫາວິທະຍາໄລບີນັດສ໌, ນະຄອນຫຼວງຈາກາຕ້າ, ປະເທດອິນໂດເນເຊຍ ໃນລະຫວ່າງວັນທີ 11 – 15 ກຸມພາ 2019

1. Debate
2. Speech
3. Newscasting
4. Storytelling
5. Scrabble
6. Spelling Bee

ຜົນງານຂອງນັກສຶກສາ ຫຼື ທີມໃດທີ່ຊະນະເລີດ ຈະໄດ້ຮັບລາງວັນເປັນເງິນຈຳນວນໜຶ່ງ ແລະ ຈະຖືກຍົກເວັ້ນຄ່າທີ່ພັກໃນໄລຍະທີ່ເຂົ້າຮ່ວມງານ. ຜູ້ທີ່ມີຄວາມສົນໃຈສາມາດເຂົ້າເບິ່ງວິທີການສະໝັກ ແລະ ລາຍລະອຽດເພີ່ມເຕີມໄດ້ທີ່: https://aeo.mybnec.org

Details

13 December 2018

Hits: 2524

ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກຮຽນ ມະຫາວິທະຍາໄລແຫ່ງຊາດ (ໂຮງຮຽນມັດທະຍົມສົມບູນສາທິດ ແລະ ໂຮງຮຽນພອນສະຫວັນ ແລະ ຊົນເຜົ່າ ກຽມມະຫາວິທະຍາໄລ) ເພື່ອຊາບວ່າ: ມະຫາວິທະຍາໄລວິທະຍາສາດສັງຄົມແຫ່ງສິງກະໂປ (The Singapore University of Social Sciences: SUSS) ຮ່ວມກັບ ມູນິທິເທັມມະເສກ (Temasek Foundation International: TFI) ກຳລັງຈະຈັດເວທີສົນທະນາ The STEP Sociovation Forum 2019 ໃນລະຫວ່າງ ວັນທີ 11-15 ມີນາ 2019 ທີ່ ປະເທດສິງກະໂປ. ນັກຮຽນຜູ້ທີ່ມີຄວາມສົນໃຈສະໝັກ ສາມາດເບິ່ງເງື່ອນໄຂ ແລະ ວິທີການສະໝັກດັ່ງລຸ່ມນີ້:

v  ເງື່ອນໄຂຜູ້ສະໝັກ:

-       ຕ້ອງເປັນນັກຮຽນ ມ7 ແລະ ມີຜົນການຮຽນດີ.

-       ມີຄວາມຮູ້ດ້ານພາສາອັງກິດໃນລະດັບດີ.

-       ມີພອນສະຫວັນດ້ານສິລະປະ-ວັດທະນະທຳ.

-     ມີສຸຂະພາບແຂງແຮງດີ

v  ວິທີການສະໝັກ:

-       ສະໝັກອອນລາຍດ້ວຍຕົນເອງຕາມລິ້ງ: https://www.suss.edu.sg/Registration/socioforum2019

-       ກຳນົດການປິດຮັບສະໝັກ ວັນທີ 25 ທັນວາ 2018.

ໝາຍເຫດ:  ຜູ້ທີ່ຜ່ານການຄັດເລືອກຈະໄດ້ຮັບທຶນເປັນຄ່າລົງທະບຽນ, ຄ່າເດີນທາງໄປ-ກັບ ແລະ ຄ່າກິນຢູ່ພັກເຊົາ.