Details

24 May 2018

Hits: 1251

     ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ຊາບວ່າ ມະຫາວິທະຍາໄລບູຣະພາ (Burapha University), ປະເທດໄທ ຈະຈັດງານຕັ້ງຄ້າຍ BUU Summer Camp 2018 ໃນລະຫວ່າງວັນທີ 1 - 9 ກໍລະກົດ 2018. ໂຄງການດັ່ງກ່າວນີ້ຈະເນັ້ນໃສ່ການແລກປ່ຽນວັດທະນະທຳ ແລະ ພາສາ. ນັກສຶກສາຜູ້ທີ່ມີຄວາມສົນໃຈສະໝັກເຂົ້າຮ່ວມງານດັ່ງກ່າວ ສາມາດສອບຖາມຂໍ້ມູນເພີ່ມເຕີມ ແລະ ວິທີການສະໝັກໄດ້ໂດຍກົງຜ່ານອິເມວ: This email address is being protected from spambots. You need JavaScript enabled to view it..

ໝາຍເຫດ: -  ກໍານົດປິດຮັບສະໝັກວັນທີ 31 ພຶດສະພາ 2018.

-      ນັກສຶກສາຜູ້ທີ່ຖືກຄັດເລືອກຈະຖືກຍົກເວັ້ນຄ່າລົງທະບຽນ ແລະ ຄ່າກິນຢູ່ພັກເຊົາ; ສ່ວນຄ່າໃຊ້ຈ່າຍໃນການເດີນທາງແມ່ນນັກສຶກສາຈະຕ້ອງຮັບຜິດຊອບເອງ.

Details

19 May 2018

Hits: 1380

ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ ກອງທຶນອາເຊັບ (Asia-Europe Foundation: ASEF) ຈະຈັດກອງປະຊຸມສຸດຍອດຜູ້ນຳໄວໜຸ່ມອາເຊັບ ຄັ້ງທີ 3 (the 3^rd ASEF Young Leaders Summit: ASEFYLS3) ພາຍໃຕ້ຫົວຂໍ້: “Ethical Leadership” ລະຫວ່າງວັນທີ 15 - 19 ຕຸລາ 2018, ປະເທດແບນຊິກ (Brussels, Belgium). ຈຸດປະສົງຂອງງານດັ່ງກ່າວນີ້ແມ່ນເພື່ອໃຫ້ຜູ້ທີ່ເຂົ້າຮ່ວມມີໂອກາດໄດ້ແລກປ່ຽນແນວຄວາມຄິດດ້ານບັນຫາທາງສັງຄົມ ແລະ ສິ່ງແວດລ້ອມ. ຜູ້ທີ່ມີຄວາມສົນໃຈເຂົ້າຮ່ວມງານດັ່ງກ່າວສາມາດເຂົ້າເບິ່ງຂໍ້ມູນເພີ່ມເຕີມ ແລະ ລົງທະບຽນອອນລາຍໄດ້ທີ່: www.ASEMinfoboard.org ຫຼື ສອບຖາມຜ່ານອິເມວ: This email address is being protected from spambots. You need JavaScript enabled to view it..

ໝາຍເຫດ: -   ກໍານົດປິດຮັບລົງທະບຽນ ວັນທີ 20 ພຶດສະພາ 2018.

 -    ຜູ້ທີ່ຜ່ານການຄັດເລືອກໃຫ້ໄປເຂົ້າຮ່ວມງານຈະຖືກຍົກເວັ້ນ ຄ່າລົງທະບຽນເຂົ້າງານ, ຄ່າເດີນທາງ, ຄ່າທີ່ພັກ ແລະ ຄ່າອາຫານ.

Details

17 May 2018

Hits: 1341

ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອສະໝັກເຂົ້າຮ່ວມງານຕັ້ງຄ້າຍ Techno Culture Summer Camp Program Scholarship ໃນລະຫວ່າງວັນທີ 1 – 14 ກໍລະກົດ 2018 ທີ່ ວິທະຍາໄລບໍລິຫານຂໍ້ມູນຂ່າວສານ ແລະ ວິທະຍາສາດຄອມພິວເຕີ (Informatic Management and Computer Science College: STMIK), ປະເທດອິນໂດເນເຊຍ, ຊຶ່ງຈຸດປະສົງຂອງງານແມ່ນເພື່ອແລກປ່ຽນດ້ານພາສາ ແລະ ວັດທະນະທຳ ຜ່ານການເຮັດກິດຈະກຳຕ່າງໆ ແລະ ທັດສະນະສຶກສາ. ນັກສຶກສາຜູ້ທີ່ມີຄວາມສົນໃຈສະໝັກ ແມ່ນໃຫ້ໄປສະເໜີຊື່ຂອງຕົນ ທີ່ ຫ້ອງການພົວພັນຕ່າງປະເທດ, ຫ້ອງ 103, ສຳນັກງານອະທິການບໍດີ, ມຊ ບໍ່ໃຫ້ກາຍວັນທີ 25 ພຶດສະພາ 2018. 

v  ເງື່ອນໄຂຜູ້ສະໝັກ:

1. ຕ້ອງເປັນນັກສຶກສາ ມຊ ປີທີ 1 ຂຶ້ນໄປ.
2. ຕ້ອງມີໜັງສືເດີນທາງ (Passport) ທີ່ບໍ່ທັນໝົດອາຍຸ.
3. ສາມາດເວົ້າ ແລະ ຂຽນພາສາອັງກິດໄດ້ໃນລະດັບດີ.
4. ມີສຸຂະພາບແຂງແຮງດີ.
5. ນັກສຶກສາຕ້ອງສາມາດຮັບຜິດຊອບຄ່າປີ້ຍົນໄປ-ກັບດ້ວຍຕົນເອງ.

ໝາຍເຫດ: -  ໃນການໄປເຂົ້າຮ່ວມງານດັ່ງກ່າວນີ້, ສຳລັບຄ່າກິນຢູ່ພັກເຊົາ ແລະ ຄ່າເຂົ້າຮ່ວມກິດຈະກຳຕ່າງໆ ແມ່ນຝ່າຍເຈົ້າພາບຈະເປັນຜູ້ຮັບຜິດຊອບ.

              -  ນັກສຶກສາທີ່ມາສະເໜີຊື່ແມ່ນໃຫ້ສຳເນົາບັດນັກສຶກສາ ແລະ ໜັງສືເດີນທາງຂອງຕົນມາພ້ອມ.

Details

09 April 2018

Hits: 3496

ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ ມະຫາວິທະຍາໄລແຫ່ງຊາດສິງກະໂປ (National University of Singapore: NUS) ຮ່ວມກັບມຸນນິທິເທັມມະເສກ (Temasek Foundation) ຈະຈັດງານ STEP Ecosperity Dialogue 2018 ພາຍໃຕ້ຫົວຂໍ້: “Tomorrow Starts Today! From Ideas to Impact” ໃນລະຫວ່າງວັນທີ 3 – 7 ມິຖຸນາ 2018 ທີ່ ມະຫາວິທະຍາໄລແຫ່ງຊາດສິງກະໂປ, ປະເທດສິງກະໂປ.

v  ເງື່ອນໄຂຜູ້ສະໝັກ:

1. ຕ້ອງເປັນນັກສຶກສາ ມຊ ປີ 1 ຂື້ນໄປ ແລະ ມີຜົນການຮຽນດີລະດັບເກຼດສະເລ່ຍ 3.00 ຂື້ນໄປ;
2. ຕ້ອງມີໜັງສືເດີນທາງ (Passport) ທີ່ບໍ່ທັນໝົດອາຍຸ;
3. ສາມາດເວົ້າ ແລະ ຂຽນພາສາອັງກິດໄດ້ໃນລະດັບດີ; ແລະ
4. ມີຄວາມຮູ້ດ້ານ The latest issues and solutions on business, sustainability, sustainable development and living.

ນັກສຶກສາຜູ້ທີ່ມີຄວາມສົນໃຈສະໝັກ ແມ່ນໃຫ້ລົງທະບຽນ ແລະ ປະກອບແບບຟອມເຂົ້າສໍາພາດຄັດເລືອກໄດ້ດັ່ງລຸ່ມນີ້:

1. ລົງທະບຽນເຂົ້າສຳພາດໄດ້ທີ່: https://goo.gl/forms/w2JMl5laWlVJcIqC3
2. ດາວໂຫຼດແບບຟອມເຂົ້າສຳພາດ: https://drive.google.com/file/d/1lTi8kuM_HzeYQG1ce6iR9B3gRF2qHCNm/view?usp=sharing
3. ປະກອບ ແລະ ສົ່ງແບບຟອມເຂົ້າສໍາພາດເຖິງ: This email address is being protected from spambots. You need JavaScript enabled to view it., ພາຍໃນວັນທີ 10 ເມສາ  2018

ການສໍາພາດຄັດເລືອກຈະໄດ້ຈັດຂຶ້ນໃນ ເວລາ 13: 30 ໂມງ, ວັນພຸດ ທີ 11 ເມສາ 2018 ທີ່ ຫ້ອງປະຊຸມຊັ້ນ 3 ຕຶກສໍານັກງານອະທິການບໍດີ, ມຊ.

ຜູ້ທີ່ຜ່ານການສໍາພາດຄັດເລືອກທາງມະຫາວິທະຍາໄລແຫ່ງຊາດຈະສົ່ງລາຍຊື່ ແລະ ເອກະສານສະໝັກທີ່ກ່ຽວຂ້ອງໄປໃຫ້ທາງມະຫາວິທະຍາໄລແຫ່ງຊາດສິງກະໂປເປັນຜູ້ຄັດເລືອກໃນຮອບຕໍ່ໄປ.

ຜູ້ທີ່ຜ່ານການຄັດເລືອກຈະໄດ້ຮັບທຶນເປັນຄ່າລົງທະບຽນ, ຄ່າເດີນທາງໄປ-ກັບ ແລະ ຄ່າກິນຢູ່ພັກເຊົາ.

ຂໍ້ມູນເພີ່ມເຕີມປະສານ:

ອຈ. ວຽງສະຫວັນ ວົງກະເສີມ

ຫ້ອງການພົວພັນຕ່າງປະເທດ, ມຊ

ໂທ: 021 770 720, 020 5448 3131