Details

27 November 2017

Hits: 3042

ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອສະໝັກເອົາທຶນແລກປ່ຽນການສຶກສາ 2018 Indonesian Arts and Culture Scholarship (IACS) ພາຍໃຕ້ຫົວຂໍ້: “The Colours of Beautiful Indonesia” ເຊິ່ງຈະເລີ່ມໃນລະຫວ່າງວັນທີ 17 ມີນາ - 24 ມິຖຸນາ 2018 ທີ່ ນະຄອນຫຼວງຈາກາຕ້າ, ປະເທດອິນໂດເນເຊຍ, ຊຶ່ງຈຸດປະສົງຂອງງານແມ່ນເພື່ອໃຫ້ຜູ້ທີ່ເຂົ້າຮ່ວມໄດ້ມີໂອກາດຮຽນຮູ້ສິລະປະ-ວັດທະນະທຳອິນໂດເນເຊຍ. ຜູ້ທີ່ມີຄວາມສົນໃຈ ສາມາດສອບຖາມຂໍ້ມູນເພີ່ມເຕີມ ແລະ ວິທີການສະໝັກໄດ້ທີ່ ອິເມວ: iacs@kemlu.go.id.

ໝາຍເຫດ: -   ປິດຮັບສະໝັກ ພາຍໃນວັນທີ 29ທັນວາ 2017.

-       ຜູ້ທີ່ຖືກຄັດເລືອກໃຫ້ໄດ້ຮັບທຶນການສຶກສາຈະຖືກຍົກເວັ້ນຄ່າຮຽນ, ຄ່າປີ້ຍົນໄປ-ກັບ, ຄ່າກິນຢູ່ພັກເຊົາ ແລະ ຈະໄດ້ຮັບເບ້ຍລ້ຽງຈຳນວນໜຶ່ງ.

Details

21 November 2017

Hits: 2980

ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງ ນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ ສະມາຄົມທະນາຄານສິງກະໂປ (The Association of Banks in Singapore: ABS) ກຳລັງເປີດຮັບນັກສຶກສາສະໝັກທຶນການສຶກສາລະດັບປະລິນຍາຕີ ທີ່ ມະຫາວິທະຍາໄລຕ່າງໆໃນປະເທດສິງກະໂປ, ພາຍໃຕ້ທຶນການສຶກສາ The 2018 Dr Goh Keng Swee (GKS) Scholarship. ນັກສຶກສາຜູ້ທີ່ມີຄວາມສົນໃຈ ສາມາດເຂົ້າເບິ່ງເງື່ອນໄຂ ແລະ ວິທີການສະໝັກໄດ້ທີ່: https://abs.org.sg/dr-goh-keng-swee-scolarship  ຫຼື ສອບຖາມຜ່ານອິເມວ: This email address is being protected from spambots. You need JavaScript enabled to view it..

ໝາຍເຫດ:  -  ປິດຮັບສະໝັກພາຍໃນວັນທີ 15ມີນາ 2018.

-  ຜູ້ທີ່ຜ່ານການຄັດເລືອກໃຫ້ໄດ້ຮັບທຶນການສຶກສາຈະຖືກຍົກເວັ້ນຄ່າຮຽນ, ຄ່າປີ້ຍົນໄປ-ກັບ, ຄ່າທີ່ພັກ ແລະ ຈະໄດ້ຮັບເງິນເບ້ຍລ້ຽງຈຳນວນໜຶ່ງ.

Details

21 November 2017

Hits: 2346

ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງ ນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອສະໝັກເຂົ້າຮ່ວມໂຄງການແລກປ່ຽນການສຶກສາ The Feeling Korea Program 2018 ທີ່ ມະຫາວິທະຍາໄລແຫ່ງຊາດຊົນບຸກ (Chonbuk National University), ປະເທດ ສ.ເກົາຫຼີ; ຊຶ່ງຈຸດປະສົງຫຼັກຂອງງານແມ່ນ ເນັ້ນໃສ່ການຮຽນພາສາ ແລະ ວັດທະນະທຳເກົາຫຼີ. ໄລຍະເວລາຂອງໂຄງການ ແບ່ງອອກເປັນ 2 ໄລຍະຄື: ໄລຍະ 2 ອາທິດ (Short-Term) ເລີ່ມແຕ່ວັນທີ 22 ມັງກອນ - 2 ກຸມພາ 2018 ແລະ ໄລຍະ 3 ອາທິດ (Long-Term) ເລີ່ມແຕ່ວັນທີ 22 ມັງກອນ - 9 ກຸມພາ 2018. ນັກສຶກສາຜູ້ທີ່ມີຄວາມສົນໃຈ ສາມາດສອບຖາມລາຍລະອຽດເພີ່ມເຕີມ ແລະ ວິທີການສະໝັກໄດ້ທີ່: This email address is being protected from spambots. You need JavaScript enabled to view it.

ໝາຍເຫດ: -   ໃນການເຂົ້າຮ່ວມໂຄງການແລກປ່ຽນການສຶກສາດັ່ງກ່າວນີ້ ນັກສຶກສາຈະຕ້ອງຈ່າຍຄ່າລົງທະບຽນ ຈຳນວນ 800 ໂດລາສະຫະລັດ (ໄລຍະ 2 ອາທິດ)/ 1,500ໂດລາສະຫະລັດ (ໄລຍະ 3 ອາທິດ) ຊຶ່ງຈະເປັນຄ່າໃຊ້ຈ່າຍສຳລັບ ຄ່າຮຽນ, ຄ່າທັດສະນະສຶກສາ, ຄ່າກິນຢູ່-ພັກເຊົາ; ສ່ວນຄ່າປີ້ຍົນ ແລະ ຄ່າປະກັນໄພສຸຂະພາບ ແມ່ນນັກສຶກສາຈະຕ້ອງເປັນຜູ້ຈັດການດ້ວຍຕົນເອງ.

-  ນັກສຶກສາຜູ້ທີ່ມີຄວາມສົນໃຈ ແມ່ນໃຫ້ມາສະເໜີຊື່ ທີ່ ຫ້ອງການພົວພັນຕ່າງປະເທດ ມຊ ຫ້ອງ 103 ກ່ອນວັນທີ 6ທັນວາ 2017.

Details

27 October 2017

Hits: 2458

ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງພະນັກງານ-ອາຈານ ແລະ ນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ ສະຫະພາບເອີຣົບ ປະຈຳ ສປປ ລາວ ຮ່ວມກັບ ກະຊວງສຶກສາທິການ ແລະ ກິລາ ກຳລັງຈະຈັດງານການສຶກສາຊັ້ນສູງ ເອີຣົບ - ລາວ ປະຈຳປີ 2017 (Lao PDR - European Higher Education Exhibition and Information Event) ຊຶ່ງຈະຈັດຂຶ້ນໃນລະຫວ່າງ ວັນທີ 31 ຕຸລາ - 1 ພະຈິກ 2017 ເວລາ 10:00 ໂມງ - 18:00 ໂມງ ທີ່ ໂຮງແຮມຄຣາວພາຊ່າ (Crowne Plaza Hotel), ນະຄອນຫຼວງວຽງຈັນ. ສະເພາະໃນວັນທີ 1 ພະຈິກ 2017 ເວລາ 13:30 ໂມງ – 18:00 ໂມງ ແມ່ນຈະມີກອງປະຊຸມ ໂດຍການເປັນປະທານຂອງ ທ່ານລັດຖະມົນຕີ ກະຊວງສຶກສາທິການ ແລະ ກິລາ ແລະ ທ່ານເອກອັກຄະລາຊະທູດ ສະຫະພາບເອີຣົບ ປະຈຳ ສປປ ລາວ. ຈຸດປະສົງຂອງງານ ແມ່ນເພື່ອເປີດໂອກາດໃຫ້ຜູ້ທີ່ເຂົ້າຮ່ວມຮັບຟັງ, ສອບຖາມ ແລະສຶກສາຂໍ້ມູນກ່ຽວກັບ ທຶນການສຶກສາ ຢູ່ທີ່ບັນດາປະເທດສະມາຊິກເອີຣົບ ໂດຍສະເພາະ ແມ່ນທຶນການສຶກສາ Erasmus Plus Scholarships ແລະ ທຶນການສຶກສາອື່ນໆ. ຜູ້ທີ່ມີຄວາມສົນໃຈເຂົ້າຮ່ວມງານ ແມ່ນສາມາດເຂົ້າຮ່ວມງານໄດ້ໂດຍບໍ່ເສຍຄ່າລົງທະບຽນໃດໆ.