Details

04 December 2019

Hits: 1739

ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ ມະຫາວິທະຍາໄລເຕັກໂນໂລຊີຣາຊະມຸງຄຸນຣັດຕະນະໂກສິນ (Rajamangala University of Technology Rattanakosin: RMUTR) ກໍາລັງຈະຈັດງານຕັ້ງຄ້າຍຊາວໜຸ່ມອາຊຽນ ASEAN Youth Camp 2020 ໃນລະຫວ່າງວັນທີ 11 - 19 ມັງກອນ 2020 ທີ່ ປະເທດໄທ. ຈຸດປະສົງຂອງງານແມ່ນເພື່ອແລກປ່ຽນທາງດ້ານວັດທະນະທໍາ-ສັງຄົມອາຊຽນ ແລະ ເພື່ອພັດທະນາທັກສະໃນການສື່ສານຂອງນັກສຶກສາ. 

v  ເງື່ອນໄຂຜູ້ສະໝັກ:

1. ຕ້ອງເປັນນັກສຶກສາປີ 2 ຂຶ້ນໄປ ແລະ ມີຜົນການຮຽນດີ ລະດັບເກຼດສະເລ່ຍ 3.00 ຂຶ້ນໄປ.
2. ຕ້ອງມີໜັງສືເດີນທາງ (Passport) ທີ່ບໍ່ທັນໝົດອາຍຸ.
3. ສາມາດເວົ້າ ແລະ ຂຽນພາສາອັງກິດໄດ້ໃນລະດັບດີ.
4. ມີພອນສະຫວັນດ້ານສິລະປະ-ວັດທະນະທໍາ ແລະ ກິລາ.
5. ນັກສຶກສາຕ້ອງສາມາດຮັບຜິດຊອບຄ່າເດີນທາງໄປ-ກັບ ແລະ ຄ່າປະກັນໄພການເດີນທາງດ້ວຍຕົນເອງ.

ນັກສຶກສາຜູ້ທີ່ມີຄວາມສົນໃຈສະໝັກ ແມ່ນໃຫ້ລົງທະບຽນ ແລະ ປະກອບແບບຟອມເຂົ້າສໍາພາດຄັດເລືອກໄດ້ດັ່ງລຸ່ມນີ້:

1. ລົງທະບຽນເຂົ້າສຳພາດໄດ້ທີ່: https://forms.gle/pSQVrmUDhKSwv4nD9
2. ດາວໂຫຼດແບບຟອມເຂົ້າສຳພາດ: https://drive.google.com/file/d/171089sU42ynt2-rWBkL8mJTT-PJQIY3_/view?usp=sharing
3. ປະກອບ ແລະ ສົ່ງແບບຟອມເຂົ້າສໍາພາດເຖິງ: This email address is being protected from spambots. You need JavaScript enabled to view it., ພາຍໃນວັນທີ 8 ທັນວາ 2019

ການສໍາພາດຄັດເລືອກຈະຈັດຂຶ້ນໃນ ເວລາ 14: 00 ໂມງ, ວັນຈັນ ທີ 9 ທັນວາ 2019 ທີ່ ຫ້ອງປະຊຸມຊັ້ນ 3, ສໍານັກງານອະທິການບໍດີ, ມຊ.

ຜູ້ທີ່ຜ່ານການສໍາພາດຄັດເລືອກ ທາງມະຫາວິທະຍາໄລແຫ່ງຊາດຈະສົ່ງລາຍຊື່ ໄປໃຫ້ທາງມະຫາວິທະຍາໄລເຕັກໂນໂລຊີຣາຊະມຸງຄຸນຣັດຕະນະໂກສິນ ເປັນຜູ້ຄັດເລືອກໃນຮອບຕໍ່ໄປ.

ໃນການໄປເຂົ້າຮ່ວມງານດັ່ງກ່າວນີ້, ສຳລັບຄ່າກິນຢູ່ພັກເຊົາ ແລະ ຄ່າເຂົ້າຮ່ວມກິດຈະກຳຕ່າງໆ ແມ່ນຝ່າຍເຈົ້າພາບຈະເປັນຜູ້ຮັບຜິດຊອບ.

ສອບຖາມຂໍ້ມູນເພີ່ມເຕີມ:

ອຈ. ວຽງສະຫວັນ ວົງກະເສີມ

ຫ້ອງການພົວພັນຕ່າງປະເທດ, ມຊ

ໂທ: 020 5448 3131

Details

29 October 2019

Hits: 1406

ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງພະນັກງານ-ອາຈານ ແລະ ນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ: ຫ້ອງການເລຂາ ຄະນະກຳມາທິການແຫ່ງຊາດ ເພື່ອອຸຍແນສໂກ ໄດ້ແຈ້ງການສະໝັກເຂົ້າຮ່ວມຊິງລາງວັນ ເຈົ້າຊາຍແຫ່ງສະຫະລັດອາຣັບເອມິເຣດ ທີ່ສະໜັບສະໜູນລາງວັນ UNESCO-Hamdan Bin Rashid Al-Maktoum Prize for Outstanding Practice and Performance in Enhancing the effectiveness of teachers ເພື່ຶອເສີມສ້າງຄວາມອາດສາມາດດ້ານຄຸນະພາບຂອງການຮຽນ-ການສອນ ເພື່ອບັນລຸເປົ້າໝາຍການສຶກສາເພື່ອທຸກຄົນ.

ຜູ້ທີ່ມີຄວາມສົນໃຈສະໝັກ ສາມາດເຂົ້າເບິ່ງລາຍລະອຽດເພີ່ມເຕີມ ແລະ ດາວໂຫຼດແບບຟອມສະໝັກໄດ້ທີ່: https://en.unesco.org/teachers/Hamdan-prize. ປະກອບ ແລະ ນຳສົ່ງເອກະສານສະໝັກໃຫ້ຫ້ອງການເລຂາ ຄະນະກຳມາທິການແຫ່ງຊາດລາວ ເພື່ອອຸຍແນສໂກ ກະຊວງສຶກສາທິການ ແລະ ກິລາ ດ້ວຍຕົນເອງ ຫຼື ຜ່ານທາງອິເມວ: This email address is being protected from spambots. You need JavaScript enabled to view it. / This email address is being protected from spambots. You need JavaScript enabled to view it. ກ່ອນວັນທີ 31 ຕຸລາ 2019.

Details

04 October 2019

Hits: 2294

ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງພະນັກງານ-ຄູອາຈານພາຍໃນມະຫາວິທະຍາໄລແຫ່ງຊາດ ເພື່ອສະໝັກເອົາທຶນການສຶກສາຂອງລັດຖະບານການາດາ Programme canadien de bourses de la Francophonie 2020 (PCBF), ໃນປີ 2020, ທຶນດັ່ງກ່າວແມ່ນທຶນໄລຍະສັ້ນ, ສູງສຸດແມ່ນ 1 ປີ ແລະ ຕໍ່າສຸດແມ່ນ 6 ເດືອນ, ລາຍລະອຽດມີດັ່ງລຸ່ມນີ້:

1. ທຶນການສຶກສາຫຼັງປະລິນຍາຕີ ໄລຍະການສຶກສາ ສູງສຸດ 1 ປີ Diplôme d’Etudes Supérieures Spécialisées (DESS) Programme de formation de 2ème cycle d’une durée maximale d’un (1) an.
2. ທຶນຂຽນບົດຄົ້ນຄວ້າຫຼັງປະລິນຍາເອກ ໄລຍະຄົ້ນຄວ້າ 10 ເດືອນ (Programme de stage de recherche post doctoral d’une durée de dix(10) mois).
3. ທຶນຄົ້ນຄວ້າທົ່ວໄປ ໄລຍະເວລາ 6-10 ເດືອນ (Programme de stage de recherche sur mesure d’une durée de six(6) à dix(10) mois).

ໄລຍະຂອງການສະໝັກທຶນແມ່ນ ເລີ່ມຕັ້ງແຕ່ ວັນທີ 4 ຕຸລາ 2019 ເຖິງ ວັນທີ 15 ພະຈິກ 2019. ຜູ້ທີ່ມີຄວາມສົນໃຈສະໝັກ ສາມາດເຂົ້າເບິ່ງລາຍລະອຽດເພີ່ມເຕີມ ແລະ ດາວໂຫຼດແບບຟອມສະໝັກໄດ້ທີ່: This email address is being protected from spambots. You need JavaScript enabled to view it. ຫຼື ປະສານງານກັບຜູ້ຮັບຜິດຊອບທຶນການສຶກສາ ​PCBF 2020 ປະຈໍາ ສປປ ລາວ ໄດ້ໂດຍກົງ ຕາມທີ່ຢູ່ລຸ່ມນີ້:

ຜູ້ປະສານງານ:     ທ່ານ ນາງ ສຸວັນນະພາ ວົງໄຊ, ພາກວິຊາພາສາຝຣັ່ງ, ຄະນະອັກສອນສາດ, ມຊ

                   ໂທ: 020 55868528, ເບີວັອດແອັບ: 55427822, ອິເມວ: This email address is being protected from spambots. You need JavaScript enabled to view it.

ໝາຍເຫດ: - ຂະແໜງການທີ່ເປັນບູລິມະສິດ: ວິສະວະກໍາສາດ (Ingénierie), ການຝຶກອົບຮົມຄູພາສາຝຣັ່ງ (formation des formateurs de français), ກົດໝາຍສາກົນ (Droit international), ການຫຼຸດຜ່ອນຄວາມທຸກຍາກ (Réduction de la pauvreté).

-   ຜູ້ສະໝັກທຶນຕ້ອງມີຄວາມຮູ້ທາງດ້ານພາສາຝຣັ່ງໃນລະດັບດີ ໃນຂະແໜງການທີ່ຕົນເອງສະໝັກເອົາທຶນ.

-   ຜູ້ສະໝັກທຶນຕ້ອງປະກອບເອກະສານໃຫ້ຄົບຖ້ວນ ແລ້ວສົ່ງເອກະສານທາງອິເມວໃຫ້ PCBF 2020 ແລະສົ່ງສໍາເນົາເອກະສານສະໝັກທຶນໃຫ້ຄະນະຮັບຜິດຊອບ ທີ່ ພາກວິຊາພາສາຝຣັ່ງ ຄະນະອັກສອນສາດ ມຊ ກ່ອນວັນທີ 15 ພະຈິກ 2019.

-     ສໍາພາດຜູ້ສະໝັກທຶນໃນວັນທີ 20 ພະຈິກ 2019.

-     ສົ່ງຜົນການຄັດເລືອກໃຫ້ຄະນະຮັບຜິດຊອບທຶນທີ່ປະເທດການາດາ ກ່ອນວັນທີ 28 ພະຈິກ 2019.

-     ຜູ້ທີ່ສົນໃຈສະໝັກທຶນການສຶກສາດັ່ງກ່າວນີ້ສາມາດ:

• ເຂົ້າເບິ່ງວີດີໂອສາທິດຂັ້ນຕອນການສະໝັກທຶນທີ່: https://youtu.be/qKVw_CTYNH4 
• ອ່ານຄູ່ມືການສະໝັກທີ່: www.boursesfrancophonie.ca/fr/dossier-candidature 
• ອ່ານຂໍ້ມູນທຶນການສຶກສາສໍາລັບ ສປປ ລາວ ທີ່: www.boursesfrancophonie.ca/pays.php 

ນອກຈາກນີ້, ພະນັກງານທີ່ສັງກັດຢູ່ພາກລັດ, ເອກະຊົນ ຫຼື ຈາກພາກສ່ວນຕ່າງໆ ທີ່ມີຄວາມສົນໃຈ ແລະ ມີເງື່ອນໄຂຄົບຖ້ວນກໍ່ສາມາດສະໝັກເອົາທຶນການສຶກສາດັ່ງກ່າວນີ້ໄດ້.

Details

24 September 2019

Hits: 3506

ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ: ມະຫາວິທະຍາໄລອຸບສະລາ (Uppsala University) ກໍາລັງຈະຈັດໂຄງການແລກປ່ຽນນັກສຶກສາ ໄລຍະ 1 ພາກຮຽນ ໃນສົກຮຽນ 2019-2020 ພາຍໃຕ້ໂຄງການ Erasmus+ Programme ທີ່ ປະເທດສະວີເດັນ. ຜູ້ທີ່ຜ່ານການຄັດເລືອກແມ່ນຈະໄດ້ຮັບທຶນການສຶກສາເປັນຄ່າເດີນທາງໄປ-ກັບ, ເງິນເບ້ຍລ້ຽງ, ຄ່າປະກັນໄພ, ຄ່າວີຊ່າ ແລະ ຄ່າເຂົ້າຮ່ວມກິດຈະກຳຕ່າງໆ.

v  ເງື່ອນໄຂຜູ້ສະໝັກ

1. ຕ້ອງເປັນນັກສຶກສາ ມຊ ປີ 2 ຂຶ້ນໄປ ແລະ ມີຜົນການຮຽນດີ ເກຼດສະເລ່ຍ 3.00  ຂຶ້ນໄປ.
2. ຕ້ອງມີໜັງສືເດີນທາງ (Passport) ທີ່ບໍ່ທັນໝົດອາຍຸ.
3. ມີທັກສະໃນການນຳໃຊ້ພາສາອັງກິດໄດ້ເປັນຢ່າງດີ.
4. ມິສຸຂະພາບແຂງແຮງດີ.

ຜູ້ທີ່ມີຄວາມສົນໃຈສະໝັກໃຫ້ລົງທະບຽນ ແລະ ປະກອບແບບຟອມເຂົ້າສໍາພາດຄັດເລືອກດັ່ງລຸ່ມນີ້:

• ລົງທະບຽນເຂົ້າສຳພາດໄດ້ທີ່: https://forms.gle/RTHsu1VGMbnj6tbw5
• ດາວໂຫຼດແບບຟອມເຂົ້າສຳພາດໄດ້ທີ່: https://drive.google.com/file/d/1DzVwmC5bPEAObBKG8Qt93Eu02BRE-HKD/view?usp=sharing
• ປະກອບ ແລະ ສົ່ງແບບຟອມເຂົ້າສໍາພາດເຖິງ: This email address is being protected from spambots. You need JavaScript enabled to view it., ພາຍໃນວັນທີ 26 ກັນຍາ 2019.
• ການສໍາພາດຄັດເລືອກຈະໄດ້ຈັດຂຶ້ນໃນ ເວລາ 09: 00 ໂມງ, ວັນສຸກ ທີ 27 ກັນຍາ 2019 ທີ່ ຫ້ອງປະຊຸມ ຊັ້ນ 2, ຄະນະວິທະຍາສາດທຳມະຊາດ, ມຊ.
• ຜູ້ທີ່ຜ່ານການສໍາພາດຄັດເລືອກທາງມະຫາວິທະຍາໄລແຫ່ງຊາດຈະສົ່ງລາຍຊື່ ແລະ ເອກະສານສະໝັກທີ່ກ່ຽວຂ້ອງໄປໃຫ້ມະຫາວິທະຍາໄລອຸບສະລາ, ປະເທດສະວີເດັນ ເປັນຜູ້ຄັດເລືອກໃນຮອບຕໍ່ໄປ.
• ຜູ້ສະໝັກສາມາດສຶກສາຂໍ້ມູນກ່ຽວກັບມະຫາວິທະຍາໄລອຸບສະລາໄດ້ທີ່: www.uu.se/education