• ດ້ານຄວາມຮູ້: ອະທິບາຍທິດສະດີ, ຫຼັກການ ແລະ ວິທີການສອນປະຫວັດສາດ; ສັງລວມທິດສະດີ, ຫຼັກການໃນການປະຕິບັດຕົວຈິງກ່ຽວກັບປະຫວັດສາດ ແລະ ເຫດການສຳຄັນຕ່າງໆໃນລາວ ແລະ ສາກົນ.
• ດ້ານທັກສະ: ດຳເນີນການຄົ້ນຄວ້າວິທະຍາສາດ, ເຕັັກໂນໂລຊີຂໍ້ມູນຂ່າວສານ ແລະ ການຮຽນຮູ້ຕະຫຼອດຊີວິດ; ສະແດງຄວາມຄິດເຫັນຢ່າງມີວິຈາລະນະຍານ ແລະ ແກ້ໄຂບັນຫາໃນວຽກງານຕົວຈິງ.

• ດ້ານການນຳໄປໃຊ້: ນຳໃຊ້ທິດສະດີ, ຫຼັກການ ແລະ ວິທີການສິດສອນປະຫວັດສາດເຂົ້າໃນການຮຽນ-ການສອນດຳເນີນການປະເມີນ, ເຜີຍແຜ່ຫຼັກການ ແລະ ທິດສະດີໃນການຈັດການຮຽນ-ການສອນໂດຍນຳໃຊ້ເຕັກໂນໂລຊີຂໍ້ມູນຂ່າວສານເຂົ້າໃນການຮຽນ-ການສອນປະຫວັດສາດ ແລະ ວຽກງານອື່ນໆທີ່ກ່ຽວຂ້ອງ. ຜະລິດສື່ການຮຽນ-ການສອນ ພ້ອມທັງພັດທະນາໃຫ້ແທດເໝາະກັບສະພາບເສດຖະກິດສັງຄົມຕົວຈິງໃນແຕ່ລະໄລຍະ. 

• ດ້ານທັກສະທາງສັງຄົມ: ປະຕິບັດໜ້າທີ່ຢ່າງມີຄວາມຮັບຜິດຊອບສູງ, ມີຈັນຍາບັນ, ຈັນຍາທໍາ, ມີມະນຸດສໍາພັນດີ, ມີນໍ້າໃຈຮັກຊາດ, ຮັກບ້ານເກີດເມືອງນອນ-ຮີດຄອງປະເພນີອັນດີງາມ. ເຮັດວຽກເປັນໝູ່ຄະນະ ພ້ອມທັງໃຫ້ບໍລິການວິຊາການດ້ານປະຫວັດສາດແກ່ສັງຄົມ.

ອາຊີບທີ່ສາມາດປະກອບໄດ້ພາຍຫຼັງສໍາເລັດການສຶກສາ

ນັກສຶກສາທີ່ຮຽນຈົບຫຼັກສູດປະລິນຍາຕີສາຂາ ຄູປະຫວັດສາດ ສາມາດປະກອບອາຊີບໄດ້ດັ່ງນີ້: ອາຊີບດ້ານວິຊາການ ແລະ ການຄົ້ນຄວ້າວິທະຍາສາດເຊັ່ນ: ຄູສອນ, ນັກວິຊາການດ້ານປະຫວັດສາດ, ນັກພັດທະນາການສຶກສາ, ນັກຄົ້ນຄວ້າວິທະຍາສາດ,

ອາຊີບໃນອົງກອນພາກລັດເຊັ່ນ: ຄູສອນໃນໂຮງຮຽນຕ່າງໆ, ກະຊວງສຶກສາ ແລະ ກີລາ, ກະຊວງຖະແຫຼງຂ່າວ ແລະ ວັດທະນະທໍາ ແລະ ຂະແໜງການອື່ນໆທີ່ກ່ຽວຂ້ອງ. ອາຊີບໃນຂະແໜງການເອກະສົນເຊັ່ນ: ຄູສອນໂຮງຮຽນເອກະຊົນ, ພະນັກງານວິຊາການ, ເປັນທີ່ປຶກສາໃຫ້ກັບອົງກອນທາງດ້ານການສຶກສາ, ເຮັດວຽກດ້ານການທ່ອງທ່ຽວທາງປະຫວັດສາດ, ເປັນນັກບັນຍາຍຢູ່ຫໍພິພິທະພັນ ແລະ ສະຖານທີ່ອື່ນໆ ທີ່ກ່ຽວຂ້ອງກັບປະຫວັດສາດ.

ປະກອບທຸລະກິດສ່ວນຕົວເຊັ່ນ: ຜູ້ປະກອບການທາງດ້ານການສຶກສາ (ໂຮງຮຽນ, ສູນພາສາ...), ຜູ້ນຳທ່ຽວ, ບັນນາທິການທາງປະຫວັດສາດ...