| ຄຳຂວັນຄະນະ"ຜູ້ນຳດ້ານການອອກແບບ"
|
ຄະນະບໍດີ | ທ່ານ ສິນທະວອນ ດາລາວົງ |
ພາລະບົດບາດຂອງ | ຄະນະສະຖາປັດຕະຍະກຳສາດ (ຂຽນຫຍໍ້ວ່າ “ຄສປ”) ມີສຳນັກງານຄະນະບໍດີຕັ້ງຢູ່ວິທະຍາເຂດດົງໂດກ ນະຄອນຫຼວງວຽງຈັນ ເປັນຄະນະວິຊາໜຶ່ງທີ່ສັງກັດໃນໂຄງປະກອບການຈັດຕັ້ງຂອງມະຫາວິທະຍາໄລແຫ່ງຊາດ, ມີພາລະບົດບາດໃນການຈັດຕັ້ງການຮຽນ-ການສອນ, ການວາງແຜນ ແລະ ການສ້າງນັກວິຊາການ, ນັກຄົ້ນຄວ້າວິທະຍາສາດທາງດ້ານສະຖາປັດຕະຍະກຳສາດ, ວິທະຍາການອາຄານ, ການວາງແຜນສະພາບແວດລ້ອມ-ຜັງເມືອງ , ອອກແບບຕົກແຕ່ງ ແລະ ຜະລິດຕະພັນ, ການອະນຸລັກ ແລະ ສົ່ງເສີມສິລະປະວັດທະນະທຳອັນດີງາມຂອງຊາດກໍຄືຂອງປະຊາຊົນບັນດາເຜົ່າ ແລະ ໃຫ້ການບໍລິການດ້ານວິຊາການແກ່ສັງຄົມ ໂດຍພາຍໃຕ້ການຊີ້ນຳຂອງອະທິການບໍດີ ມະຫາວິທະຍາໄລແຫ່ງຊາດ. |
ພະແນກ | 1. ພະແນກຈັດຕັ້ງ-ສັງລວມ 2. ພະແນກການເງິນ ແລະ ຊັບສິນ 3. ພະແນກວິຊາການ 4. ພະແນກຄົ້ນຄວ້າວິທະຍາສາດ ແລະ ການບໍລິການວິຊາການ 5. ພະແນກການສຶກສາ ຫຼັງປະລິນຍາຕີ 6. ພະແນກຄຸ້ມຄອງນັກສຶກສາ 7. ສູນການສຶກສາຮຽນຮູ້ ແລະ ຫ້ອງສະໝຸດ |
ພາກວິຊາ | 1. ພາກວິຊາສະຖາປັດຕະຍະກຳສາດ 2. ພາກວິຊາສະພາບແວດລ້ອມ-ຜັງເມືອງ 3. ພາກວິຊາວິທະຍາການອາຄານ 4. ພາກວິຊາອອກແບບຜະລິດຕະພັນ-ຕົກແຕ່ງ |
| ຫຼັກສູດການຮຽນ-ການສອນ | |
1.ຫຼັກສູດປະລິນຍາຕີ ສາຂາວິຊາການວາງແຜນອອກແບບສະພາບແວດລ້ອມຜັງເມືອງ | - ຜົນການຮຽນຮູ້
- ມີຄວາມຮັກຊາດ ແລະ ຮີດຄອງປະເພນີວັດທະນະທຳຂອງຊາດ, ເຄົາລົບລະບຽບກົດຫມາຍຂອງລັດທັດສະນະມະຫາຊົນທີ່ຖືກຕ້ອງໃນການເຮັດວຽກກັບອົງການຈັດຕັ້ງຂອງລັດ ແລະ ປະຊາຊົນ ໃນທ້ອງຖິ່ນ.
- ມີຄວາມຮູ້ກ່ຽວກັບປັດຊະຍາ, ແນວຄວາມຄິດ, ທິດສະດີໃນການອອກແບບ ແລະ ວາງແຜນເພື່ອ ປະຍຸກໃຊ້ເຂົ້າໃນການແກ້ໄຂບັນຫາໃນການອອກແບບວາງແຜນຊຸມຊົນທັງຊົນນະບົດແລະຕົວເມືອງຕົວຈິງ
- ມີຄວາມຮູ້ທາງດ້ານກົດຫມາຍ ແລະ ການປົກຄອງ, ມີຄວາມເຂົ້າໃຈຕໍ່ແນວທາງນະໂຍບາຍຂອງພັກ-ລັດ ທີ່ກ່ຽວຂ້ອງກັບຂະແຫນງການສິ່ງແວດລ້ອມ-ຜັງເມືອງ ເພື່ືອຜັນຂະຫຍາຍໃນການອອກແບບ ວາງແຜນ.
- ມີຄວາມຮູ້ທາງດ້ານປະຫວັດສາດ-ວັດທະນະທຳຂອງລາວ, ຂອງພາກພື້ນ ແລະ ສາກົນ.ມີຄວາມຮູ້ທາງດ້ານປັດໄຈມະນຸດ ແລະ ສັງຄົມທີ່ພົວພັນກັບວຽກງານການວາງແຜນ ແລະ ອອກແບບ.
- ມີຄວາມຮູ້ທາງດ້ານຫລັກເສດຖະສາດ ແລະ ເສດຖະກິດທີ່ພົວພັນກັບວຽກງານການວາງແຜນ ແລະ ອອກແບບ.ມີຄວາມຮູ້ທາງດ້ານເຕັກໂນໂລຊີທີ່ເຫມາະສົມ, ມີຄວາມຮູ້ກ່ຽວກັບຊັບພະຍາກອນທຳມະຊາດ ແລະ ສິ່ງແວດລ້ອມ ເພື່ອພັດທະນາຕົວເມືອງແລະຊົນນະບົດທີ່ມີຄວາມຍືນຍົງ.
- ມີຄວາມສາມາດໃນການອອກແບບວາງແຜນ ດ້ວຍຫົວຄິດປະດິດສ້າງ, ສາມາດນຳໃຊ້ເຕັກນິກແລະເທັກໂນໂລຊີ ໃນການອອກແບບວາງແຜນ ເຂົ້າໃຈ ການວິເຄາະແລະກຳນົດບັນຫາ, ຊອກຫາທາງເລືອກໃນການແກ້ໄຂບັນຫາ, ການຕີລາຄາ ທາງເລືອກດັ່ງກ່າວ ເພື່ອກ້າວໄປເຖິງຜົນການອອກແບບວາງແຜນ. ທີ່ສ້າງສັນສະພາບແວດລ້ອມສິ່ງປຸກສ້າງ ກໍ່ຄື ສະຖາປັດ ຕະຍະກຳ ແລະ ຜັງເມືອງ ເພື່ອໃຫ້ສອດຄ່ອງກັບຄວາມຮຽກຮ້ອງຕ້ອງການຂອງປະຊາຊົນ ແລະ ພາກສ່ວນກ່ຽວຂ້ອງຕ່າງໆໃນສັງຄົມ.
- ມີຄວາມສາມາດໃນການນຳສະເຫນີຄວາມຄິດຂອງຕົນດ້ວຍຄຳເວົ້າ, ການຂຽນ, ການແຕ້ມດ້ວຍມື, ດ້ວຍຄອມພິວເຕີ 2D ແລະ 3D, GIS, ຫຸ່ນຈຳລອງ ແລະ ການປະສົມປະສານສື່ຕ່າງໆເຫລົ່ານີ້ ຢ່າງມີ ປະສິດທິພາບ.
- ມີຄວາມສາມາດໃນການວິເຄາະ ເຊິ່ງປະກອບດ້ວຍ: ການວິເຄາະທາງສະຖິຕິ ເປັນຕົ້ນແມ່ນສະຖິຕິ ພັນລະນາ ແລະ ສະຖິຕິອ້າງອິງ 2 ຕົວປ່ຽນ, ແລະ ການວິເຄາະທາງດ້ານພື້ນທີ່ດ້ວຍເຕັກນິກພື້ນຖານ ຈົນເຖິງລະບົບ
- ມີຄວາມສາມາດໃນການຮຽນຮູ້ດ້ວຍຕົນເອງ ເພື່ອເສີມຂະຫຍາຍຄວາມຮູ້ໃຫມ່ຢ່າງຕໍ່ເນື່ອງ (Continuing learning), ແລະ ມີຄວາມສາມາດໃນການຂຽນທາງດ້ານວິຊາການ.
- ອາຊີບທີ່ສາມາດປະກອບໄດ້ພາຍຫຼັງສຳເລັດການສຶກສາ
ບັນດິດທີ່ຮຽນຈົບຫຼັກສູດນີ້ແລ້ວ ສາມາດປະກອບອາຊີບດັ່ງນີ້: - ສະຖາປະນິກອອກແບບສະຖາປັດຕະຍະກຳອາຄານຕ່າງໆ
- ສະຖາປະນິກຜັງເມືອງ ອອກແບບພື້ນທີ່ສາທາລະນະ,ພູມິທັດເມືອງແລະເມືອງ
- ສາມາດປະກອບອາຊີບທັງພາກລັດແລະເອກະຊົນໄດ້
|
2.ຫຼັກສູດປະລິນຍາຕີ ສາຂາວິຊາວິທະຍາການອາຄານ | 1.ຜົນການຮຽນຮູ້ ພາຍຫຼັງສຳເລັດການສຶກສາໃນຫຼັກສູດສາຂາວິຊານີ້ແລ້ວນັກສຶກສາຈະມີ: - ດ້ານຄວາມຮູ້:ສາມາດຮັບໃຊ້ໄດ້ໃນຫຼາຍດ້ານເປັນຕົ້ນແມ່ນວຽກງານທາງດ້ານເຕັກນິກການກໍ່ສ້າງ, ການວາງແຜນຄຸ້ມຄອງການກໍ່ສ້າງ, ສຶກສາຄວາມເປັນໄປໄດ້ຂອງໂຄງການ, ເຂົ້າໃຈດ້ານສິ່ງແວດລ້ອມ ແລະ ເສດຖະກິດສັງຄົມ.
- ດ້ານທັກສະ:ການເຮັດວຽກງານທີ່ດີ, ມີທັກສະໃນການນຳພາວຽກງານກໍ່ສ້າງ, ມີໄຫວພິກໃນການບໍລິຫານວຽກງານ.
- ດ້ານການນຳໃຊ້:ນຳໃຊ້ຄວາມຮູ້ທີ່ຮຽນມາເຂົ້າໃນວຽກງານຕົວຈິງຂອງວຽກງານທີ່ຕົນເອງຮັບຜິດຊອບ.
- ·ດ້ານທັກສະນະທາງສັງຄົມ:ສາມາດຮັບໃຊ້ເຂົ້າໃນການພັດທະນາປະເທດຊາດ, ສ້າງໂຄງລ່າງພື້ນຖານໃຫ້ເຂັ້ມແຂງ ແລະ ຮັບໃຊ້ສັງຄົມໃຫ້ຈະເລີນຮູ່ງເຮືອງ.
2.ອາຊີບທີ່ສາມາດປະກອບໄດ້ພາຍຫຼັງສຳເລັດການສຶກສາ ພາຍຫຼັງຮຽນຈົບແລ້ວ ສາມາດອອກຮັບໃຊ້ສັງຄົມໄດ້ຫຼາຍດ້ານ ເປັນຕົ້ນ ດ້ານວຽກງານເຕັກນິກການກໍ່ສ້າງອາຄານ, ການວາງແຜນຄຸ້ມຄອງ, ກວດສອບວັດສະດຸ ແລະ ຮູ້ນຳໃຊ້ເຕັກໂນໂລຊີເຂົ້າໃນການກໍ່ສ້າງອາຄານ ຕະຫຼອດທັງສາມາດສຶກສາຄວາມເປັນໄປໄດ້ຂອງໂຄງການ, ດ້ານຄວາມເຂົ້າໃຈສະພາບແວດລ້ອມ ແລະ ລະບົບເສດຖະກິດສັງຄົມ. |
3.ຫຼັກສູດປະລິນຍາຕີສາຂາອອກແບບຜະລິດຕະພັນ | 1.ຜົນການຮຽນຮູ້. ພາຍຫຼັັງສໍາເລັດການສຶກສາໃນຫຼັກສູດສາຂາວິຊາອອກແບບຜະລິດຕະພັນແລ້ວນັກສຶກສາຈະປະກອບມີ: - ດ້ານຄວາມຮູ້:ນັກສຶກສາທີ່ສໍາເລັດການສຶກສາໃນສາຂາວິຊາອອກແບບຜະລິດຕະພັນແມ່ນມີຄວາມສາມາດນໍາເອົາຫຼັກການ ແລະ ທິດສະດີ ໃນສາຂາວິຊາໄປໃຊ້ໃນພາກປະຕິບັດຕົວຈິງໄດ້;
- ດ້ານທັກສະ:ມີທັກສະທາງວິຊາການສະເພາະເຊິ່ງສະແດງອອກໃນການເຂົ້າໃຈວິຊາສະເພາະຢ່າງເປັນລະບົບ, ມີຄວາມຄິດສ້າງສັນໃນການຄົ້ນຄິດ, ວິໄຈ, ປະເມີນເພື່ອໄຈ້ແຍກແລະແກ້ໄຂບັນຫາດ້ວຍຕົວເອງ ແລະ ມີຄວາມສາມາດເຮັດວຽກການຄົ້ນຄວ້າວິທະຍາສາດໃນລະດັບຕົ້ນ;
- ດ້ານການນໍາໃຊ້:ນັກສຶກສາທີ່ສໍາເລັດການສຶກສາສາມາດນໍາເອົາຄວາມຮູ້ທາງດ້ານການພັດທະນາຜະລິດຕະພັນໄປຕໍ່ຍອດນໍາໃຊ້ໃນການສ້າງສັນຜະລິດຕະພັນລາວໃຫ້ສາມາດນໍາໃຊ້ໃນສັງຄົມໄດ້.
- ດ້ານທັກສະດ້ານສັງຄົມ:ນັກສຶກສາທີ່ຈົບຫຼັກສູດສາມາດເປັນນັກວິຊາການທີ່ສາມາດໃຫ້ຄໍາທີ່ປຶກສາ ໃນການນໍາໃຊ້ເຕັກໂນໂລຊີ, ການສະແດງຄວາມຄິດເຫັນດ້ານວິຊາການ, ໃຫ້ຄໍາປຶກສາດ້ານວິຊາການ ແລະ ຖ່າຍທອດຄວາມຮູ້ໃຫ້ກັບເພື່ອຮ່ວມງານ, ຊຸມຊົນ ແລະ ບຸກຄົນທົ່ວໄປໄດ້ຢ່າງມືອາຊີບ.
2.ອາຊີບທີ່ສາມາດປະກອບໄດ້ພາຍຫຼັງການສຶກສາ. ພາຍຫຼັງທີ່ສໍາເລັດການສຶກສາ ສາຂາອອກແບບຜະລິດຕະພັນສາມາດປະກອບອາຊີບໄດ້ຫຼາກຫຼາຍດັ່ງຕົວຢ່າງຕໍ່ໄປນີ້: - ອາຊີບດ້ານວິຊາການ ແລະ ການສຶກສາວິໄຈເຊັ່ນ: ຄູ-ອາຈານ, ນັກວິຊາການ, ນັກຄົ້ນຄວ້າວິໄຈ, ນັກພັດທະນາຜະລິດຕະພັນ ແລະ ອື່ນໆ.
- ອາຊີບໃນວົງການທຸລະກິດເຊັ່ນ: ອຸດສາຫະກໍາການສ້າງສັນຜະລິດຕະພັນ, ນັກອອກແບບຜະລິດຕະພັນ, ກ່ຽວກັບການໂຄສະນາ, ສື່ສິ່ງພິມ ແລະ ອື່ນໆ.
- ອາຊີບພະນັກງານລັດ ເຊັ່ນ: ໃນສະຖາບັນດ້ານການພັດທະນາຜະລິດຕະພັນ, ໜ່ວຍງານສົ່ງເສີມພັດທະນາຜະລິດຕະພັນລາວ ແລະ ອື່ນໆ.
- ອາຊີບອິດສະຫຼະ ເປັນຜູ້ປະກອບການດ້ານການສັນສ້າງຜະລິດຕະພັນ, ເປັນນັກອອກແບບຜະລິດຕະພັນ, ເປັນນັກອອກແບບສື່ໂຄສະນາກ່ຽວກັບຜະລິດຕະພັນ ແລະ ອື່ນໆ.
|
4.ຫຼັກສູດປະລິນຍາຕີ ສາຂາວິຊາສະຖາປັດຕະຍະກຳສາດ | 1.ຜົນການຮຽນຮູ້ ພາຍຫຼັງສຳເລັດການສຶກສາໃນຫຼັກສູດສາຂາວິຊານີ້ແລ້ວນັກສຶກສາຈະມີ: - ດ້ານຄວາມຮູ້:ສາມາດຮັບໃຊ້ໄດ້ໃນຫຼາຍໜ້າທີ່ໃນວຽກງານສະຖາປັດເປັນຕົ້ນແມ່ນ ວຽກງານການອອກແບບໂຄງການໃນແຕ່ລະປະເພດອາຄານ, ວຽກງານສຶກສາຄວາມເປັນໄປໄດ້ຂອງໂຄງການ, ວຽກງານສຶກສາສະພາບແວດລ້ອມອ້ອມຂ້າງຂອງໂຄງການ, ວຽກງານຕິດຕາມການກໍ່ສ້າງໂຄງການຕ່າງໆ.
- ດ້ານທັກສະ:ມີທັກສະໃນວຽກງານການສຶກສາອອກແບບແຕ່ລະປະເພດອາຄານ ແລະ ມີພິກໄຫວໃນການແກ້ໄຂບັນຫາສະເພາະໜ້າທີ່ເກີດຂື້ນໃນໂຄງການອອກແບບ.
- ດ້ານການນຳໃຊ້:ສາມາດນຳໃຊ້ຄວາມຮູ້ທີ່ຮຽນ ເຂົ້າໃນວຽກງານຂອງການສຶກສາອອກແບບໂຄງການຕົວຈີງຂະໜາດນ້ອຍເຖີງຂະນາດໃຫຍ່.
2.ອາຊີບທີ່ສາມາດປະກອບໄດ້ພາຍຫຼັງສໍາເລັດການສຶກສາ ສາມາດອອກຮັບໃຊ້ສັງຄົມໄດ້ໃນຫຼາຍອາຊີບ ເປັນຕົ້ນ ສາມາດເຂົ້າສັງກັດເປັນພະນັກງານລັດໃນຫ້ອງການ ແລະ ຂະ ແໜ່ງການທີ່ກ່ຽວຂ້ອງວຽກງານສະຖາປັດຕະຍະກໍາ ແລະ ວຽກງານຄຸ້ມຄອງອາຄານ, ສາມາດເປັນນັກອອກແບບໃນບັນ ດາບໍລິສັດອອກແບບຂອງເອງກະຊົນ ແລະ ສາມາດປະກອບກິດຈະການສ່ວນຕົວໄດ້ໃນວຽກງານທີ່ກ່ຽວຂ້ອງກັບການອອກແບບ. |
