• ດ້ານຄວາມຮູ້:
  • PLO1 ອະທິບາຍທິດສະດີ ແລະ ຫຼັກການທາງດ້ານວັດສະດຸສາດ ເພື່ອແກ້ໄຂບັນຫາທາງອຸດສາຫະກໍາທີ່ກ່ຽວຂ້ອງກັບວັດສະດຸປະເພດຕ່າງໆ ແລະ ການສ້າງນະວັດຕະກໍາ.
  • PLO2 ຈໍາແນກທິດສະດີ ແລະ ຫຼັກການຂອງຂະບວນການຜະລິດ, ການເລືອກເຟັ້ນ, ການບໍາລຸງຮັກສາວັດສະດຸປະເພດຕ່າງໆ.
• ດ້ານ​ທັກ​ສະ:
  • PLO3 ນໍາໃຊ້ເຕັກໂນໂລຊີທີ່ທັນສະໄໝ ແລະ ຂໍ້ມູນຂ່າວສານ ເຂົ້າໃນການແກ້ໄຂບັນຫາຕ່າງໆ ໃນອົງກອນທາງພາກລັດ, ເອກະຊົນ ແລະ ທຸລະກິດສ່ວນຕົວ.
  • PLO4 ສະແດງການມີຄວາມຄິດຄວາມເຫັນຢ່າງສ້າງສັນ, ການມີລະບຽບວິໃນ, ການປະເມີນໄຈ້ແຍກ ແລະ ການດໍາເນີນການຄົ້ນຄວ້າວິທະຍາສາດ.
• ດ້ານນຳ​ໃຊ້:
  • PLO5 ໃຊ້ທິດສະດີ ແລະ ຫຼັກການ ການທົດລອງຕົວຈິງ ເຂົ້າໃນການພັດທະນາຄຸນສົມບັດ ຂອງຜະລິດຕະພັນ ເພື່ອໃຫ້ແທດເໝາະກັບລັກສະນະຂອງວຽກ ແລະ ການໃຊ້ງານ.
  • PLO6 ໝູນໃຊ້ຄວາມຮູ້ທາງດ້ານວັດສະດຸສາດ ເພື່ອພັດທະນາຜະລິດຕະພັນອັນໃໝ່ຮັບໃຊ້ສັງຄົມ, ການຄັດແຍກ ແລະ ການນໍາໃຊ້ວັດສະດຸຄືນ.
  • PLO7 ສ້າງວັດສະດຸຕົ້ນແບບ, ວັດສະດຸໝູນວຽນ ເພື່ອເປັນທາງເລືອກໃຫ້ແກ່ອຸດສາຫະກໍາ ການຜະລິດໃນການເພີ່ມຜະລິດຕະພັນໃຫ້ຫຼາກຫຼາຍໃນສັງຄົມ.
• ດ້ານ​ຄວາມສາມາດ​ທາງ​ສັງ​ຄົມ :
  • PLO8 ປະຕິບັດໜ້າທີ່ໂດຍມີຄວາມຮັບຜິດຊອບສູງ, ມີຈັນຍາບັນ ແລະ ຈັນຍາທໍາທາງດ້ານວິຊາຊີບ, ມີພາວະຄວາມເປັນຜູ້ນໍາ, ມີຄວາມສາມາດຖ່າຍທອດຄວາມຮູ້ໃຫ້ແກ່ສັງຄົມ.
  • PLO9 ດໍາເນີນການ ຮຽນຮູ້ຕະຫຼອດຊີວິດ, ເຮັດວຽກເປັນໝູ່ຄະນະ, ຮັກສາຮີດຄອງປະເພນີ ແລະ ອານຸຮັກ ຊັບພະຍາກອນທໍາມະຊາດ.

ອາຊີບທີ່ສາມາດປະກອບໄດ້ ພາຍຫຼັງສໍາເລັດການສຶກສາ

• ບຸກຄະລະກອນທາງການສຶກສາໃນສະຖາບັນ ແລະ ມະຫາວິທະຍາໄລ.
• ນັກວິທະຍາສາດປະຈໍາສະຖາບັນ ແລະ ສູນ ຂອງກະຊວງວິທະຍາສາດ ແລະ ເຕັກໂນໂລຊີ
• ນັກວິໄຈປະຈໍາໜ່ວຍວິໄຈ ແລະ ພັດທະນາຂອງໜ່ວຍງານເອກະຊົນ ຫຼື ໂຮງງານອຸດສາຫະກໍາ.
• ພະນັກງານບໍລິສັດເອກະຊົນ.
• ຜູ້ປະກອບການທຸລະກິດສ່ວນຕົວ.