ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາ ພາຍໃນມະຫາວິທະຍາໄລແຫ່ງຊາດ ເພື່ອສະໝັກເຂົ້າຮ່ວມງານປະກວດຮູບພາບ ‘2024 Youth Eyes on the Silk Roads Photo Contest’ ຈັດໂດຍ ອົງການອຸຍແນສໂກ (UNESCO). ຜູ້ທີ່ມີຄວາມສົນໃຈ ສາມາດເຂົ້າເບິ່ງຂໍ້ມູນເພີ່ມເຕີມໄດ້ທີ່: https://en.unesco.org/silkroad/content/deadline-extended-join-2024-youth-eyes-silk-roads-photo-contest ; ກໍານົດປິດຮັບສະໝັກ ວັນທີ 5 ສິງຫາ 2024.

ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ: ສູນເຄືອຂ່າຍຂໍ້ມູນຂ່າວສານແມ່ຍິງອາຊີ- ປາຊີຟິກ, ມະຫາວິທະຍາໄລສະຕຼີສຸກມຽງ (Asia Pacific Women’s Information Network Center: APWINC of Sookmyung Women’s University) ສ. ເກົາຫຼີ ຮ່ວມກັບ ມະຫາວິທະຍາໄລແຫ່ງຊາດ ຈະຈັດຝຶກອົບຮົມ ພາຍໃຕ້ໂຄງການ “2024 Sookmyung UNESCO UNITWIN Digital and Leadership Training” ໃຫ້ແກ່ນັກສຶກສາຍິງ ມຊ ພາຍໃຕ້ຫົວຂໍ້ຫຼັກ: “Women’s Empowerment through ICT Skills and Leadership Education” ຊຶ່ງຈະຈັດການຝຶກອົບຮົມອອກເປັນ 2 ຫົວຂໍ້ຍ່ອຍຄື: ຫົວຂໍ້ Digital ແລະ ຫົວຂໍ້ Leadership, ໂດຍຈະຖືກຈັດຂຶ້ນໃນລະຫວ່າງວັນທີ 12 - 16 ສິງຫາ 2024 ທີ່ ວິທະຍາເຂດດົງໂດກ, ມະຫາວິທະຍາໄລແຫ່ງຊາດ (ຈະແຈ້ງສະຖານທີ່ທີ່ແນ່ນອນຕາມພາຍຫຼັງ). ຈຸດປະສົງຂອງການຝຶກອົບຮົມໃນຄັ້ງນີ້ແມ່ນເພື່ອເປີດໂອກາດໃຫ້ນັກສຶກສາຍິງ ມຊ ມີຄວາມຮູ້-ຄວາມເຂົ້າໃຈ ດ້ານໄອທີ/ດິຈິຕ້ອນ ແລະ ດ້ານຄວາມເປັນຜູ້ນຳ ຫຼາຍຍິ່ງຂຶ້ນ.

ເງື່ອນໄຂຜູ້ສະໝັກ:

• ຕ້ອງເປັນນັກສຶກສາເພດຍິງ ມຊ, ສັນຊາດລາວ ທຸກຊັ້ນປີຮຽນ.
• ນັກສຶກສາຕ້ອງມີຄວາມສາມາດສື່ສານພາສາອັງກິດໄດ້ໃນລະດັບກາງຂຶ້ນໄປ.
• ຕ້ອງເປັນນັກສຶກສາທີ່ຍັງບໍ່ເຄີຍເຂົ້າຮ່ວມການຝຶກອົບຮົມພາຍໃຕ້ໂຄງການ “UNESCO-UNITWIN Digital and Leadership Training” ທີ່ ມຊ ຈັດມາກ່ອນ, ແຕ່ສໍາລັບຜູ້ທີ່ເຄີຍເຂົ້າຮ່ວມຝຶກອົບຮົມພາຍໃຕ້ໂຄງການ “UNESCO-UNITWIN Digital Entrepreneurship Training“ ແມ່ນສາມາດສະໝັກເຂົ້າຮ່ວມໄດ້.
• ຕ້ອງສາມາດເຂົ້າຮ່ວມການຝຶກອົບຮົມໃນໄລຍະເວລາທີ່ກຳນົດໄວ້ໄດ້ຢ່າງເຄັ່ງຄັດ.
• ສາມາດເຮັດວຽກເປັນກຸ່ມ ແລະ ສາມາດນໍາສະເໜີບົດໄດ້.
• ຕ້ອງມີຄອມພິວເຕີໂນ໊ດບຸກນໍາໃຊ່ສ່ວນຕົວ.

ວິທິການສະໝັກ:

• ເຂົ້າໄປລົງທະບຽນໃນລິ້ງ: https://forms.gle/HzY95F5dgTntiMy48 ພາຍໃນວັນທີ 24 ກໍລະກົດ 2024.
• ເຂົ້າກຸ່ມວັອດແອັບເພື່ອຕິດຕາມຄວາມຄືບໜ້າກ່ຽວກັບງານ ຕາມລິ້ງ: https://chat.whatsapp.com/HNGG5J6PQMuHs2dydLkx6k
• ສະໝັກກ່ອນ ມີສິດກ່ອນ ເນື່ອງຈາກຮັບຈໍານວນຜູ້ເຂົ້າຮ່ວມຝຶກອົບຮົມໃນຈໍານວນຈໍາກັດ (ຫົວຂໍ້ Digital 30 ຄົນ ແລະ ຫົວຂໍ້ Leadership 30 ຄົນ) ແລະ 1 ຄົນ ສາມາດເລືອກເຂົ້າຮ່ວມຝຶກອົບຮົມໄດ້ 1 ຫົວຂໍ້.

ໝາຍເຫດ: 

• ການຝຶກອົບຮົມດັ່ງກ່າວແມ່ນນໍາໃຊ້ພາສາອັງກິດເປັນຫຼັກ ແລະ ຈະມີຊ່ຽວຊານ ພ້ອມນັກສຶກສາອາສາສະໝັກຈາກ ມະຫາວິທະຍາໄລສະຕຼີສຸກມຽງ, ສ. ເກົາຫຼີ ມາບັນຍາຍ ແລະ ຈັດກິດຈະກໍາຮ່ວມກັນ.
• ນັກສຶກສາຈະໄດ້ນໍາໃຊ້ອິນເຕີເນັດສ່ວນຕົວໃນເວລາຝຶກອົບຮົມໃນບາງຄັ້ງຄາວ.
• ນັກສຶກສາຈະຖືກຍົກເວັ້ນຄ່າລົງທະບຽນ, ຄ່າປຶ້ມແບບຮຽນ ແລະ ຄ່າອາຫານທ່ຽງ-ອາຫານວ່າງໃນໄລຍະທີ່ເຂົ້າຮ່ວມຝຶກອົບຮົມ.
• ມະຫາວິທະຍາໄລສະຕຼີສຸກມຽງ ແລະ ມະຫາວິທະຍາໄລແຫ່ງຊາດ ຈະມອບຂອງຂວັນ (Gift Set) ແລະ ໃບຢັ້ງຢືນສຳເລັດການເຂົ້າຮ່ວມຝຶກອົບຮົມໃຫ້ນັກສຶກສາທຸກຄົນທີ່ສຳເລັດການເຂົ້າຮ່ວມຝຶກອົບຮົມ.
• ໃນໄລຍະຂອງການຝຶກອົບຮົມ ຈະມີການແຂ່ງຂັນການນໍາສະເໜີບົດ ເປັນທີມ ພາຍໃຕ້ຫົວຂໍ້ຂອງງານ, ນັກສຶກສາ ສາມາດຈັດກຸ່ມກັນເອງໄດ້ ຫຼື ໃຫ້ຄະນະຮັບຜິດຊອບຈັດຝຶກອົບຮົມຊ່ວຍຈັດໃຫ້ກໍໄດ້ (ກຸ່ມລະ 3 ຄົນ).
• 1 ທີມທີ່ຊະນະເລີດຈາກຫົວຂໍ້ Digital ແລະ 1 ທີມທີ່ຊະນະເລີດຈາກຫົວຂໍ້ Leadership ຈະໄດ້ຮັບທຶນການສຶກສາໄປຝຶກອົບຮົມ ທີ່ ມະຫາວິທະຍາໄລສະຕຼີສຸກມຽງ, ສ.ເກົາຫຼີ ໄລຍະ 1 ອາທິດ ໃນເດືອນ ພະຈິກ 2024.
• ບຸກຄົນທີ່ມີສ່ວນຮ່ວມດີເລີດໃນການເຂົ້າຮ່ວມຝຶກອົບຮົມດັ່ງກ່າວ ຈາກຫົວຂໍ້ Digital ຈໍານວນ 1 ຄົນ ແລະ ຈາກຫົວຂໍ້ Leadership ຈໍານວນ 1 ຄົນ ກໍຈະໄດ້ຮັບການຄັດເລືອກໃຫ້ໄດ້ຮັບທຶນການສຶກສາໄປຝຶກອົບຮົມ ທີ່ ມະຫາວິທະຍາໄລສະຕຼີສຸກມຽງ, ສ.ເກົາຫຼີ ໄລຍະ 1 ອາທິດ ໃນເດືອນ ພະຈິກ 2024 (ຊຶ່ງເປັນການຄັດເລືອກໂດຍ ທີມງານ ມະຫາວິທະຍາໄລສະຕຼີສຸກມຽງ, ສ. ເກົາຫຼີ).

ຜູ້ປະສານງານພາຍໃນ: ນ.ວຽງສະຫວັນ ວົງກະເສີມ, ວິຊາການ ຫ້ອງການພົວພັນຕ່າງປະເທດ ມຊ, ເບີໂທຕິດຕໍ່: 020 54483131, ອິເມວ: This email address is being protected from spambots. You need JavaScript enabled to view it.

ອະທິການບໍດີ ມະຫາວິທະຍາ​ໄລ​ແຫ່ງ​ຊາດ ຂໍ​ແຈ້ງມາຍັງ ນັກສຶກສາພາຍໃນມະຫາວິທະຍາໄລໃນ ສປປ ລາວ ເພື່ອສະໝັກເຂົ້າຮ່ວມການແຂ່ງຂັນນໍາສະເໜີແຜນພັດທະນາແບບຍືນຍົງສໍາລັບຊາວໜຸ່ມນັກສຶກສາອາຊຽນ-ຈີນ-ອິນເດຍ, ເຊິ່ງ ມະຫາວິທະຍາ​ໄລ​ແຫ່ງ​ຊາດ ຈັດຮ່ວມກັບ ອົງກອນເຄືອຂ່າຍຊາວໜຸ່ມໂອເອັດສ໌ຈີ (OSG Youth Alliance), ປະເທດສິງກະໂປ. ການແຂ່ງຂັນຮອບສຸດທ້າຍ ຈະຈັດຂຶ້ນທີ່ ມະຫາວິທະຍາ​ໄລ​ແຫ່ງ​ຊາດ ໃນເດືອນ ສິງຫາ 2024 ໂດຍຈະຄັດເລືອກເອົາ 15 ຄົນ ເພື່ອເປັນຕົວແທນນັກສຶກສາລາວໄປເຂົ້າຮ່ວມ ການແຂ່ງຂັນລະດັບອາຊຽນ (ASEAN-China-India – Youth Leadership Summit 2024: ACIYLS) ທີ່ ປະເທດສິງກະໂປ ໃນລະຫວ່າງວັນທີ 29 ກັນຍາ - 4 ຕຸລາ 2024, ໂດຍທີ່ ອົງກອນເຄືອຂ່າຍຊາວໜຸ່ມໂອເອັດສ໌ຈີ ຈະເປັນຝ່າຍຮັບຜິດຊອບຄ່າໃຊ້ຈ່າຍໃນການເດີນທາງໄປ-ກັບ, ຄ່າກິນຢູ່-ພັກເຊົາ ສໍາລັບນັກສຶກສາລາວທີ່ເຂົ້າຮ່ວມທັງໝົດ.

ເງື່ອນໄຂສະໝັກເຂົ້າຮ່ວມ:

• ເປັນນັກສຶກສາທີ່ມີຜົນການຮຽນດີ (ເກຼດສະເລ່ຍ 2,5 ຂື້ນໄປ).
• ມີຄວາມສາມາດດ້ານພາສາອັງກິດໃນລະດັບສູງ, ໂດຍສະເພາະທັກສະການເວົ້າ ແລະ ການຟັງ.
• ມີທັກສະທາງສັງຄົມໃນລະດັບສູງ ເຊັ່ນ: ການສື່ສານ, ການບໍລິຫານເວລາ, ການເຮັດວຽກເປັນທີມ, ແລະ ການແກ້ໄຂບັນຫາ.
• ຫ້າວຫັນປະກອບສ່ວນໃນກິດຈະກໍາຂອງກອງປະຊຸມ ແລະ ມີຄວາມສາມາດໃນການນໍາສະເໜີບົດ.
• ມີຄວາມຮູ້ຄວາມເຂົ້າໃຈ ກ່ຽວກັບ ເປົ້າໝາຍການພັດທະນາແບບຍືນຍົງ (SDGs), ໂດຍສະເພາະ ເປົ້າໝາຍທີ 11 ແລະ 7.
• ມີໜັງສືເດີນທາງ (ຍັງບໍ່ທັນໝົດອາຍຸພາຍໃນ 06 ເດືອນ ນັບຈາກວັນທີ 4 ຕຸລາ 2024).
• ມີສຸຂະພາບແຂງແຮງດີ ທາງດ້ານຮ່າງກາຍ ແລະ ຈິດໃຈ.

ຂັ້ນຕອນການສະໝັກເຂົ້າຮ່ວມ:

1. ນັກສຶກສາຈັບກຸ່ມ 3 - 5 ຄົນ ເພື່ອສະໝັກເປັນທີມ (ຮັບສະໝັກເປັນກຸ່ມເທົ່ານັ້ນ) ແລະ ສະມາຊິກທຸກຄົນພາຍໃນກຸ່ມ ຕ້ອງເປັນນັກສຶກສາສັງກັດມະຫາວິທະຍາໄລດຽວກັນ ແລະ ທຸກຄົນພາຍໃນກຸ່ມຕ້ອງລົງທະບຽນພາຍໃນວັນທີ 14 ກໍລະກົດ 2024.

• ນັກສຶກສາສາມາດລົງທະບຽນສະໝັກເຂົ້າຮ່ວມແຂ່ງຂັນໄດ້ທີ່: Register

2. ອົງກອນເຄືອຂ່າຍຊາວໜຸ່ມໂອເອັດສ໌ຈີ ຈະສົ່ງລິ້ງຜ່ານທາງອິເມວ ໃຫ້ລົງທະບຽນຮຽນອອນລາຍໃນວິຊາທີ່ກ່ຽວຂ້ອງກັບຫົວຂໍ້ຂອງງານ ຫຼື ນັກສຶກສາສາມາດລົງທະບຽນຮຽນອອນລາຍຕາມຂັ້ນຕອນໃນລິ້ງ: Steps to Log in Masterclass Platform.pdf  ແລະ ນັກສຶກສາຕ້ອງຜ່ານການປະເມີນ ຈຶ່ງມີສິດສະໝັກເຂົ້າຮ່ວມການແຂ່ງຂັນໄດ້.  
3. ຫຼັງຈາກທີ່ຜ່ານການປະເມີນ ນັກສຶກສາຈະຕ້ອງເລືອກຫົວຂໍ້ທີ່ກ່ຽວກັບ ການພັດທະນາແບບຍືນຍົງເປົ້າໝາຍທີ 11 ຫຼື 7, ສ້າງບົດນໍາສະເໜີ / ວິດີໂອ ກ່ຽວກັບ ບັນຫາທີ່ຍົກຂຶ້ນມາ ແລະ ຂຽນແຜນສະເໜີເພື່ອແກ້ໄຂບັນຫາດັ່ງກ່າວນັ້ນ.

• ເປົ້າໝາຍ 11 - ສ້າງຕົວເມືອງ ແລະ ທີ່ພັກອາໄສໃຫ້ທົ່ວເຖິງ, ປອດໄພ ແລະ ໝັ້ນຄົງທົນທານ ແລະ ການຈັດສັນຊັບພະຍາກອນນໍ້າ
• ເປົ້າໝາຍ 7 - ການນໍາໃຊ້ພະລັງງານ ຢ່າງມີປະສິດທິພາບ, ຍືນຍົງ, ຖືກວິທີ ແລະ ຖືກຕ້ອງ

4. ຖ້າບົດນໍາສະເໜີ / ວິດີໂອຜ່ານການຄັດເລືອກແມ່ນຈະໄດ້ເຂົ້າຮອບການແຂ່ງຂັນຮອບສຸດທ້າຍ.

ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ຊາບວ່າ: ມະຫາວິທະຍາໄລຟໍເຣນ (University of Florence), ປະເທດອິຕາລີ, ກໍາລັງເປີດຮັບນັກສຶກສາເຂົ້າຮ່ວມໂຄງການແລກປ່ຽນການສຶກສາ ໄລຍະ 1 ພາກຮຽນ (ເລີ່ມເດືອນ ກັນຍາ - ທັນວາ 2024) ປະຈໍາສົກສຶກສາ 2024 – 2025 ພາຍໃຕ້ໂຄງການ International Credit Mobility - Erasmus+ Programme. ສາຂາວິຊາທີ່ເປີດໃຫ້ນັກສຶກສາແລກປ່ຽນເຂົ້າຮຽນປະກອບມີ: ເອີຣົບສຶກສາ, ເສດຖະສາດ, ພົວພັນຕ່າງປະເທດ, ກົດໝາຍ, ປະຫວັດສາດ, ການເມືອງ, ແລະ ສັງຄົມສາດ. ຜູ້ທີ່ຜ່ານການຄັດເລືອກເຂົ້າຮ່ວມໂຄງການແລກປ່ຽນດັ່ງກ່າວນີ້ຈະໄດ້ຮັບທຶນການສຶກສາເປັນຄ່າເດີນທາງໄປ-ກັບ, ເງິນເບ້ຍລ້ຽງ, ຄ່າປະກັນໄພ, ວີຊາ, ແລະ ເຂົ້າຮຽນກຽມພາສາອີຕາລີທາງອອນລາຍ. ນັກສຶກສາຜູ້ທີ່ມີຄວາມສົນໃຈສະໝັກ ແມ່ນໃຫ້ລົງທະບຽນ ແລະ ປະກອບແບບຟອມເຂົ້າສໍາພາດຄັດເລືອກ ແລະ ສົ່ງແບບຟອມເຂົ້າສໍາພາດຕາມທີ່ຢູ່ດັ່ງລຸ່ມນີ້:

ເງື່ອນໄຂຜູ້ສະໝັກ:

1. ຕ້ອງເປັນນັກສຶກສາ ມຊ ຊັ້ນປີທີ 2 ຫຼື 3 ທີ່ກໍາລັງສຶກສາຢູ່ ຄະນະເສດຖະສາດ ແລະ ບໍລິຫານທຸລະກິດ, ຄະນະວິທະຍາສາດສັງຄົມ ຫຼື ຄະນະນິຕິສາດ ແລະ ລັດຖະສາດ ແລະ ມີຜົນການຮຽນຢູ່ໃນລະດັບດີ ເກຼດສະເລ່ຍບໍ່ຕ່ຳກວ່າ 3.00;
2. ຕ້ອງມີໜັງສືເດີນທາງ (Passport) ທີ່ບໍ່ທັນໝົດອາຍຸພາຍໃນ 1 ປີ;
3. ສາມາດເວົ້າ ແລະ ຂຽນພາສາອັງກິດໄດ້ໃນລະດັບດີຫຼາຍ (ຖ້າມີໃບຢັ້ງຢືນລະດັບພາສາອັງກິດແມ່ນຈະເປັນການດີທີ່ສຸດ);
4. ມີສຸຂະພາບແຂງແຮງດີທາງດ້ານຮ່າງກາຍ ແລະ ຈິດໃຈ;
5. ສາມາດເດີນທາງ ແລະ ອາໄສຢູ່ຕ່າງປະເທດໄດ້ດ້ວຍຕົນເອງ; ແລະ
6. ສາມາດຮັບຜິດຊອບອອກຄ່າໃຊ້ຈ່າຍກວດສຸຂະພາບ ແລະ ດໍາເນີນເອກະສານສະໝັກວີຊາກ່ອນໄດ້.

ຂັ້ນຕອນການສະໝັກ:

1. ລົງທະບຽນເຂົ້າສໍາພາດ: Register Here   
2. ດາວໂຫຼດແບບຟອມເຂົ້າສຳພາດ: Download Application Form Here    
3. ຕື່ມຂໍ້ມູນໃສ່ແບບຟອມທີ່ດາວໂຫຼດແລ້ວສົ່ງເຖິງ: This email address is being protected from spambots. You need JavaScript enabled to view it. (ບໍ່ອະນຸຍາດໃຫ້ຕື່ມຟອມຜ່ານລິ້ງ Google Doc), ບໍ່ໃຫ້ກາຍວັນທີ 26 ພຶດສະພາ 2024 ເວລາ 11:59 ໂມງແລງ.

4. ນັກສຶກສາທີ່ປະກອບແບບຟອມສະໝັກຄົບຖ້ວນ ແມ່ນສາມາດເຂົ້າຮ່ວມການສອບເສັງຄັດເລືອກ (ສອບເສັງວັດລະດັບພາສາອັງກິດ) ທີ່ຈະຖືກຈັດຂຶ້ນໃນເວລາ 14: 00 ໂມງ, ວັນຈັນ ທີ 27 ພຶດສະພາ 2024 ທີ່ ຫ້ອງປະຊຸມ ຊັ້ນ 3 ຕຶກສໍານັກງານອະທິການບໍດີ, ມຊ.
5. ນັກສຶກສາທີ່ປະກອບແບບຟອມສະໝັກຄົບຖ້ວນ ແລະ ສອບເສັງວັດລະດັບພາສາອັງກິດ ຜ່ານເກນການຄັດເລືອກ ແມ່ນຈະຖືກແຈ້ງໃຫ້ເຂົ້າຮ່ວມການສໍາພາດຄັດເລືອກໃນຂັ້ນຕໍ່ໄປຕາມລໍາດັບ.
6. ສໍາລັບຜູ້ທີ່ຜ່ານການສໍາພາດຄັດເລືອກຈາກມະຫາວິທະຍາໄລແຫ່ງຊາດ, ທາງມະຫາວິທະຍາໄລແຫ່ງຊາດ ຈະນໍາສົ່ງລາຍຊື່ ແລະ ເອກະສານສະໝັກທີ່ກ່ຽວຂ້ອງໄປໃຫ້ ມະຫາວິທະຍາໄລມະຫາວິທະຍາໄລຟໍເຣນ ເພື່ອພິຈາລະນາ ແລະ ດໍາເນີນການຄັດເລືອກໃນຂັ້ນຕໍ່ໄປ.

ຂໍ້ມູນເພີ່ມເຕີມ: (1) ຜູ້ສະໝັກສາມາດສຶກສາຂໍ້ມູນກ່ຽວກັບມະຫາວິທະຍາໄລຟໍເຣນໄດ້ທີ່: https://www.unifi.it/changelang-eng.html ; (2) ຜູ້ປະສານງານ ຝ່າຍ ມຊ: ປອ. ສຸບິນ ສີສະຫວັດ, ຫ້ອງການພົວພັນຕ່າງປະເທດ, ມຊ,  E-mail: This email address is being protected from spambots. You need JavaScript enabled to view it.