ດ້ານຄວາມຮູ້:

ພາຍຫຼັງສຳເລັດຫຼັກສູດສາຂາວິຊານີ້ແລ້ວນັກສຶກສາຈະມີຄວາມຮູ້ໃນດ້ານ:

• ນໍາໃຊ້ ທິດສະດີ, ຫຼັກການທາງດ້ານການຄ້າ, ການປະກອບກິດຈະການ ເພື່ອໃຫ້ເຊື່ອມໂຍງກັບພາກພື້ນ ແລະ ສາກົນ.
• ຄົ້ນຄວ້າ ດ້ານວິຊາການ ແບບປະລິມານ ແລະ ຄຸນນະພາບ ໃນຫົວຂໍ້ການຄ້າ ໄດ້ຢ່າງຄ່ອງແຄ້ວ ແລະ ມີວິທະຍາສາດໃນລະດັບທີ່ແນ່ນອນ.
• ຜັນຂະຫຍາຍ ນະໂຍບາຍ, ກົດໝາຍ ແລະ ລະບຽບການຕ່າງໆ ທີ່ຕິດພັນກັບການຄ້າ ຢ່າງເປັນຮູບປະທໍາ

ດ້ານທັກສະ:

ພາຍຫຼັງສຳເລັດຫຼັກສູດສາຂາວິຊານີ້ແລ້ວນັກສຶກສາຈະມີທັກສະນະໃນດ້ານ:

• ວິເຄາະ ບັນຫາທາງດ້ານການຄ້າ ໂດຍມີຫຼັກການ ແລະ ເຮັດວຽກເປັນໝູ່ຄະນະຢ່າງມີປະສິດທິພາບ.
• ນຳ​ໃຊ້​ ເຕັກ​ໂນ​ໂລ​ຢີ​ຂໍ້ມູນຂ່າວ​ສານ​ ແລະ ພາສາຕ່າງປະເທດ ເຂົ້າໃນການສົ່ງເສີມການຄ້າ ແບບມືອາຊີບ
• ສ້າງ ນະວັດຕະກຳທາງດ້ານການຄ້າເພື່ອໃຫ້ສອດຄ່ອງກັບສະພາບແວດລ້ອມທີ່ມີການປ່ຽນແປງໃໝ່ ແບບມືອາຊີບ

ດ້ານການນຳໃຊ້:

ພາຍຫຼັງສຳເລັດຫຼັກສູດສາຂາວິຊານີ້ແລ້ວນັກສຶກສາຈະສາມາດ:

• ປະເມີນ ບັນຫາທາງ​ດ້ານ​​​​​​​​​​ການ​ຄ້າພາຍໃນ, ການຄ້າລະຫວ່າງປະເທດ ແລະ ການເຊື່ອມໂຍງກັບພາກພື້ນ ແລະ ສາກົນ
• ນຳ​ໃຊ້ ຄວາມຮູ້ ແລະ ທັກສະທາງດ້ານການຄ້າ ແລະ ການລົງທຶນ ເຂົ້າໃນການປະກອບກິດຈະການຢ່າງມີປະສິດທິພາບ

ອາຊີບທີ່ສາມາດປະກອບໄດ້ພາຍຫຼັງສຳເລັດການສຶກສາ

1. ສາມາດເຮັດວຽກຢູ່ກະຊວງອຸດສາຫະກຳ ແລະ ການຄ້າ ແລະ ຂະແໜງການຕ່າງໆທີ່ກ່ຽວຂ້ອງໄດ້
2. ສາມາດເຮັດວຽກກັບບໍລິສັດເອກະຊົນ ແລະ ອົງການສາກົນ ທີ່ຕິດພັນກັບການຄ້າໄດ້
3. ສາມາດເຮັດທຸລະກິດການຄ້າສ່ວນຕົວ, ບໍລິສັດນຳເຂົ້າ-ສົ່ງອອກ ແລະ ບໍລິສັດທີ່ປຶກສາທາງດ້ານການຄ້າໄດ້.
4. ສາມາດເປັນທີ່ປືກສາທາງດ້ານວິຊາການກ່ຽວກັບການຄ້າໄດ້ຢ່າງມືອາຊີບ ແລະ ສາມາດໄປຍົກລະດັບປະລິນຍາໂທ ພາຍໃນ ແລະ ຕ່າງປະເທດໄດ້.

• ຄວາມຮູ້ເປັນເລີດທາງດ້ານການຄ້າ ທັງພາຍໃນ ແລະ ຕ່າງປະເທດ ສາມາດເຮັດວຽກກັບພາກລັດ, ເອກະຊົນ, ອົງການຈັດຕັ້ງສາກົນ ແລະ ຂະແໜງການທີ່ກ່ຽວຂ້ອງໄດ້.
• ສາມາດນໍາໃຊ້ທິດສະດີ, ຫຼັກການທາງດ້ານການຄ້າ ເຂົ້າໃນການວິເຄາະນະໂຍບາຍການຄ້າ ແລະ ການເຊື່ອມໂຍງກັບພາກພື້ນ, ສາມາດເຮັດຄົ້ນຄວ້າ ບັນຫາທີ່ກ່ຽວຂ້ອງໄດ້ຢ່າງມີວິທະຍາສາດ ແລະ ສາມາດສືບຕໍ່ຮຽນຮູ້ໄດ້ຕະຫຼອດຊີວິດ.
• ຈັນຍາບັນໃນການປະກອບກິດຈະການທາງດ້ານການຄ້າ ທີ່ມີຄວາມຮັບຜິດຊອບຕໍ່ສັງຄົມສູງ ແລະ ສາມາດຮຽນຮຽນຮູ້ໄດ້ຕະຫຼອດຊີວິດ.