ດ້ານຄວາມຮູ້:

• ຂຽນເອກະສານ, ຈົດໝາຍທາງການ ແລະສ່ວນຕົວເປັນພາສາເຢຍລະມັນໄດ້;
• ສ້າງປະໂຫຍກ ແລະນຳໃຊ້ພາສາເຢຍລະມັນໄດ້ດີ;
• ຈຳແນກວັດທະນະທຳ, ອະລິຍະທຳ ແລະຮີດຄອງປະເພນີລາວ-ເຢຍລະມັນ;
• ພັດທະນາ 4 ທັກສະພາສາເຢຍລະມັນໃນລະດັບ A2-B2 ເຊິ່ງເປັນພື້ນຖານໃຫ້ແກ່ການຄົ້ນຄວ້າ ແລະ ສຶກສາຕໍ່ໃນຂັ້ນຕໍ່ໄປໄດ້.

ດ້ານທັກສະ: 

• ໝູນໃຊ້ພາສາເຢຍລະມັນໃຫ້ແທດເໝາະກັບເຫດການ, ສະຖານະການຢ່າງຄ່ອງແຄ່ວ ແລະຖືກຕ້ອງໃນການສື່ສານກັບຄົນເຢຍລະມັນ ຫຼື ຊົນຊາດອື່ນທີ່ໃຊ້ພາສາເຢຍລະມັນ;
• ຈຳແນກ ລັກສະນະຂອງພາສາ, ວັດທະນະທຳ, ວັນນະຄະດີ, ອະລິຍະທຳ ຕາມແນວຄວາມຄິດທີ່ມີເຫດ ແລະຜົນທີ່ປະຕິບັດໄດ້;
• ໝູນໃຊ້ ສື່ ແລະແຫຼ່ງຂໍ້ມູນຕ່າງໆທີ່ເປັນພາສາເຢຍລະມັນເພື່ອພັດທະນາຕົນເອງໃນການປະກອບອາຊີບ ແລະສຶກສາຕໍ່.

ດ້ານການນຳໃຊ້:  

• ໝູນໃຊ້ພາສາເຢຍລະມັນເຂົ້າໃນການປະກອບອາຊີບເຊັ່ນ ເປັນນັກວິຊາການ, ນັກພາສາສາດ, ນັກວິໄຈ, ຜູ້ນຳທ່ຽວ, ນັກແປ;
• ພົວພັນກັບຄົນຕ່າງປະເທດທີ່ໃຊ້ພາສາເຢຍລະມັນໄດ້ໃນລະດັບດີ;
• ໝູນໃຊ້ແຫຼ່ງຂໍ້ມູນຕ່າງໆ ທີ່ເປັນພາສາເຢຍລະມັນເພື່ອພັດທະນາຕົນເອງໃນການປະກອບອາຊີບ ແລະສຶກສາຕໍ່.

ດ້ານທັກສະທາງສັງຄົມ: 

• ປະຕິບັດວຽກງານໃນສັງຄົມ ເປັນໝູ່ຄະນະ, ຢ່າງຕັ້ງໜ້າ, ມີຈັນຍາບັນ, ມີຄວາມຮັບຜິດຊອບ, ຮັກ ແລະເຜີຍແຜ່ຮີດຄອງປະເພນີໄດ້ເປັນຢ່າງດີ;
• ປັບຕົວໃຫ້ແທດເໝາະເຂົ້າກັບສັງຄົມ ແລະວັດທະນະທຳເຢຍລະມັນໃນແຕ່ລະດ້ານເຊັ່ນ: ການເປັນຢູ່, ວັດທະນະທໍາການຮຽນ, ເວລາ, ການເຮັດວຽກ, ການນັດໝາຍ ແລະຕິດຕໍ່ພົວພັນ ແລະອື່ນໆໄດ້;
• ໜູນໃຊ້ 3 ລັກສະນະ ແລະ 5 ຫຼັກມູນຂອງທາງກະຊວງສຶກສາ ແລະກີລາວາງອອກ ໃນການເຮັດວຽກເປັນໝູ່ຄະນະໄດ້ດີ.