ດ້ານຄວາມຮູ້:

1. ມີຄວາມຮູ້ທາງດ້ານເນື້ອໃນ, ທິດສະດີ, ຫຼັກການ, ວິທີການທາງຈິດຕະວິທະຍາເຊັ່ນ: ການບໍາບັດ - ຟື້ນຟູຈິດໃຈ, ການແນະແນວ, ໃຫ້ຄໍາປຶກສາ...
2. ມີຄວາມຮູ້ໃນການຈັດການຄວາມແຕກຕ່າງລະຫວ່າງບຸກຄົນໃນສັງຄົມ. ທາງດ້ານຈິດຕະວິທະຍາການສຶກສາ
3. ມີຄວາມຮູ້ທາງດ້ານການຄົ້ນຄວ້າວິທະຍາສາດ ແລະ ເຕັກໂນໂລຊີຂໍ້ມູນຂ່າວສານ.
4. ມີຄວາມຮູ້ດ້ານວິທະຍາສາດພື້ນຖານ, ການຮຽນຮູ້ຕະຫຼອດຊີວິດ ແລະ ການບໍລິການວິຊາການໃຫ້ແກ່ສັງຄົມ.

ດ້ານທັກສະ:

1. ສາມາດອະທິບາຍເນື້ອໃນ, ທິດສະດີ, ວິທີການທາງຈິດຕະວິທະຍາ ເຊັ່ນ: ການບໍາບັດ - ຟື້ນຟູຈິດໃຈ, ການແນະແນວ, ໃຫ້ຄໍາປຶກສາ...
2. ສາມາດວິເຄາະຄວາມແຕກຕ່າງລະຫວ່າງບຸກຄົນໃນສັງຄົມ.
3. ສາມາດເຮັດການຄົ້ນຄວ້າວິທະຍາສາດ.
4. ສາມາດບໍລິຫານວິຊາການ, ວາງແຜນ ແລະ ແນະນໍາໃຫ້ແກ່ສະຖາບັນການສຶກສາ ລວມທັງຂະແໜງການອື່ນໆທີ່ກ່ຽວຂ້ອງ.

ດ້ານການນໍາໃຊ້:

1. ນໍາເອົາຄວາມຮູ້ດ້ານເນື້ອໃນ, ທິດສະດີ, ວິທີການທາງດ້ານຈິດຕະວິທະຍາ, ການແນະແນວ ແລະ ໃຫ້ຄໍາປຶກສາເຂົ້າໃນການດໍາລົງຊີວິດປະຈໍາວັນ.
2. ສາມາດດໍາເນີນການຈັດໂຄງການແນະແນວ ແລະ ໃຫ້ຄໍາປຶກສາເພື່ອບໍລິການສັງຄົມ, ສະຖາບັນການສຶກສາ ລວມທັງຂະແໜງການ ອື່ນໆທີ່ກ່ຽວຂ້ອງ.
3. ສາມາດເຮັດການຄົ້ນຄວ້າວິທະຍາສາດ ແລະ ບໍລິການວິຊາການໃຫ້ແກ່ສັງຄົມ, ໃຫ້ແກ່ສະຖາບັນການສຶກສາ ລວມທັງຂະແໜງການອື່ນໆທີ່ກ່ຽວຂ້ອງ.

ດ້ານທັກສະທາງສັງຄົມ:

1.  ສາມາດພົວພັນ-ສື່ສານ, ແລກປ່ຽນຂໍ້ມູນຂ່າວສານ, ຮຽນຮູ້ວັດທະນະທໍາພາຍໃນ ແລະ ຕ່າງປະເທດ.
2.  ສາມາດສະແດງຄວາມຄິດເຫັນດ້ານວິຊາການ, ແນະແນວ, ໃຫ້ຄໍາປຶກສາ, ເຜີຍແຜ່ຄວາມຮູ້ໃຫ້ກັບເພື່ອນຮ່ວມງານ ແລະ ຜູ້ອື່ນໆ ໃນສັງຄົມ.
3. ສາມາດປັບຕົວເຂົ້າກັບສະພາບແວດລ້ອມ ແລະ ໃຊ້ຊີວິດຮ່ວມກັບຄົນອື່ນໃນສັງຄົມຢ່າງມີຄວາມສຸກ.