ດ້ານຄວາມຮູ້:

• ປະເມີນແນວຄວາມຄິດທິດສະດີ ແລະ ຫຼັກການເສດຖະສາດທີ່ຕິດພັນກັບຂົງເຂດວຽກງານການເງິນ, ງົບປະມານ ແລະ ນະໂຍບາຍເສດຖະກິດໄດ້ເໝາະສົມ.
• ພັນລະນາຜົນປະໂຫຍດຂອງການນຳໃຊ້ເຄື່ອງມືທາງເສດຖະສາດ ແລະ ຂໍ້ຈຳກັດຂອງເຄື່ອງໃນການຄຸ້ມຄອງວຽກງານການເງິນງົບປະມານ ແລະ ນະໂຍບາຍເສດຖະກິດ.

ດ້ານທັກສະ:

• ນຳໃຊ້ທັກສະການຮຽນຮູ້ຕະຫຼອດຊີວິດເຂົ້າໃນການພັດທະນາທາງດ້ານວິຊາການ ແລະ ການປະກອບວິຊາຊີບ.
• ໝູນໃຊ້ທັກສະຄວາມເປັນຜູ້ນຳ ແລະ ການເຮັດວຽກເປັນໝູ່ຄະນະເຂົ້າກັບການປະຕິບັດວຽກງານ, ການແກ້ໄຂບັນຫາຕົວຈິງຢ່າງມີປະສິດທິພາບ.    

ດ້ານການນຳໃຊ້:

• ນຳໃຊ້ແນວຄວາມຄິດ ແລະ ທິດສະດີດ້ານເສດຖະສາດເງິນຕາ ແລະ ການເງິນເຂົ້າໃນການວາງແຜນການຄຸ້ມຄອງວຽກງານການເງິນ ແລະ ງົບປະມານໃຫ້ສອດຄ່ອງກັບສະພາບຕົວຈິງ
• ວິເຄາະຜົນກະທົບຂອງການນຳໃຊ້ນະໂຍບາຍເສດຖະກິດພາກລັດຕໍ່ຕະຫຼາດເງິນ, ຕະຫຼາດທຶນ ຕະຫຼອດທັງລະບົບເສດຖະກິດໂດຍລວມຂອງປະເທດ ເພື່ອໃຫ້ສອດຄ່ອງກັບສະພາບການປ່ຽນແປງແວດລ້ອມສາກົນ.
• ດຳເນີນການຄົ້ນຄວ້າທີ່ພົວພັນກັບຂົງເຂດງົບປະມານ, ການເງິນ ແລະ ນະໂຍບາຍເສດຖະກິດໄດ້ຢ່າງຄ່ອງແຄ້ວ ແລະ ມີວິທະຍາສາດໃນລະດັບທີ່ແນ່ນອນ.

ດ້ານທັກສະທາງສັງຄົມ:

• ໃຫ້ຄຳປືກສາກ່ຽວກັບວຽກງານວິຊາການກ່ຽວຂ້ອງກັບການຄຸ້ມຄອງການເງິນ, ງົບປະມານ ແລະ ນະໂຍບາຍເສດຖະກິດ ຢ່າງມີຫຼັກການຈັນຍາບັນ ແລະ ມີຄວາມຮັບຜິດຊອບສູງຕໍ່ໜ້າທີ່ວຽກງານ ແລະ ສັງຄົມ
   ປະຕິບັດໜ້າທີ່ວຽກງານດ້ວຍມະນຸດສໍາພັນທີ່ດີ ແລະ ສອດຄ່ອງກັບລະບຽບກົດໝາຍ, ວັດທະ ນະທຳແລະ ຮິດຄອງປະເພນີອັນດີງາມຂອງຊາດ

ອາຊີບທີ່ສາມາດປະກອບໄດ້ພາຍຫຼັງສໍາເລັດການສຶກສາ

• ອາຊີບດ້ານວິຊາການ: ຄູອາຈານສອນຢູ່ໃນລະດັບມະຫາວິທະຍາໄລ ແລະ ວິທະຍາໄລ, ນັກຄົ້ນຄວ້າໃຫ້ກັບສະຖາບັນວິໄຈ ແລະ ນັກວິຊາການສະເພາະດ້ານ.
• ອາຊີບພະນັກງານລັດຖະກອນ: ລັດຖະກອນສຳຫລັບໜ່ວຍງານພາກລັດໃນລະດັບສູນກາງ ແລະ ໃນລະດັບທ້ອງຖິ່ນ ທີ່ປະກອບສ່ວນວຽກງານໃນຂົງເຂດເງິນຕາການເງິນ.
• ອາຊີບພະນັກງານອົງການຈັດຕັ້ງສາກົນ: ເປັນພະນັກງານບໍລິຫານຜູ່ປະສານງານດ້ານເງິນຕາການເງິນໃຫ້ກັບອົງການຈັດຕັ້ງສາກົນ.
• ອາຊີບໃນພາກເອກະຊົນ: ເປັນຜູ່ປະກອບການໃນຂົງເຂດທຸລະກິດການເງິນ ແລະ ສາມາດເປັນພະນັກງານບໍລິຫານການເງິນໃນພາກເອກະຊົນ ໂດຍສະເພາະການເງິນທຸລະກິດ. 

• ມີຄວາມຮູ້ທີ່ເປັນເລີດໃນການປະກອບອາຊີບກ່ຽວກັບການຄຸ້ມຄອງເສດຖະກິດ, ການເງິນງົບ ປະມານ, ຕະຫຼາດການເງິນ, ສະຖາບັນການເງິນ ແລະ ສາຂາວິຊາສະເພາະອື່ນທີ່ກ່ຽວຂ້ອງ ທາງພາກລັດ,ເອກະຊົນ ແລະ ອົງການຈັດຕັ້ງສາກົນ.
• ສາມາດນຳໃຊ້ຄວາມຮູ້ເຂົ້າໃນການຄຸ້ມຄອງຂອງຂະແໜງເສດຖະກິດ  ການເງິນງົບປະມານ, ຕະຫຼາດການເງິນ, ສະຖາບັນການເງິນ, ຄຸ້ມຄອງວຽກງານການເງິນໂຄງການ ແລະ ສາຂາວິຊາອື່ນໆທີ່ກ່ຽວຂ້ອງໃຫ້ມີປະສິດທິພາບ ເພື່ອໃຫ້ສອດຄ່ອງກັບທຸກລະບຽບການ ແລະ ນິຕິກຳຕ່າງໆໃນຂົງເຂດວຽກງານການເງິນ ພ້ອມທັງສືບຕໍ່ຮຽນຮູ້ຕະຫຼອດຊີວິດ.
• ມີຈັນຍາບັນ, ຈັນຍາທຳໃນວິຊາຊີບ ແລະ ມີຄວາມຮັບຜິດຊອບຕໍ່ສັງຄົມໃນການພັດທະນາເສດຖະກິດສັງຄົມທັງພາຍໃນ, ພາກພື້ນ ແລະ ສາກົນ.