ຫຼັກສູດຕໍ່ເນື່ອງປະລິຍາຕີວິທະຍາສາດ ສາຂາວິທະຍາສາດຄອມພິວເຕີ ສ້າງຂຶ້ນບົນພື້ນຖານ 3 ລັກສະນະ 5 ຫຼັກມູນ, ຕາມນະໂຍບາຍຂອງກະຊວງສຶກສາທິການ ແລະ ກີລາ, ຕາມຄວາມຮຽກຮ້ອງຕ້ອງການຂອງສັງຄົມ ແລະ ຕະຫຼາດແຮງງານໃນປະຈຸບັນ ໂດຍແນໃສ່:

• ຜະລິດນັກວິທະຍາສາດຄອມພິວເຕີ, ເຮັດວຽກເປັນທີມງານ ແລະ ບໍລິຫານໂຄງການດ້ານການພັດທະນາລະບົບເຕັກໂນໂລຊີ.
• ສ້າງນັກຄົ້ນຄວ້າວິທະຍາສາດດ້ານວິທະຍາສາດຄອມພິວເຕີ ເພື່ອໃຫ້ສາມາດບຸກບືນ ແລະ ສະແຫວງຫາຄວາມຮູ້ໃໝ່ໆໃຫ້ທຽບເທົ່າພາກພື້ນ.
• ສ້າງນັກຄົ້ນຄວ້າວິທະຍາສາດດ້ານການວິເຄາະຂໍ້ມູນທີ່ມີຄຸນນະພາບເພື່ອແກ້ໄຂບັນຫາເສດຖະກິດ-ສັງຄົມ.
• ສ້າງບຸກຄະລາກອນໃຫ້ມີຄຸນນະທໍາ, ຈາລິຍະທໍາ ແລະ ຈັນຍາບັນໃນອາຊີບ, ມີຄວາມຮັບຜິດຊອບຕໍ່ສັງຄົມ, ມີຄວາມຜູກພັນກັບອົງກອນທີ່ຕົນເອງສັງກັດ ຫຼື ທ້ອງຖິ່ນທີ່ຕົນເອງອາໄສຢູ່.