ດ້ານຄວາມຮູ້:

ຈຳແນກການນຳໃຊ້ຄຳສັບທາງດ້ານພາສາຈີນໃນວຽກງານຕົວຈິງໃຫ້ຖືກຕ້ອງ.

ສົມທຽບຄວາມແຕກຕ່າງທາງດ້ານວັດທະນະທຳລາວ-ຈີນ.

ດ້ານທັກສະ:

ໜູນໃຊ້ພາສາຈີນໃຫ້ແທດເໝາະກັບເຫດການ, ສະຖານະການຢ່າງຄ່ອງແຄ່ວ ແລະ ຖືກຕ້ອງໃນການສື່ສານກັບຄົນຈີນ ຫຼື ກັບຄົນຕ່າງປະເທດອື່ນໆທີ່ໃຊ້ພາສາຈີນ;

ຈຳແນກລັກສະນະຂອງພາສາ, ວັດທະນະທຳ, ວັນນະຄະດີ, ອະລິຍະທຳ ຕາມແນວຄວາມຄິດທີ່ມີເຫດ ແລະ ຜົນທີ່ປະຕິບັດໄດ້; 

ໝູນໃຊ້ ເຕັກໂນໂລຊີເຂົ້າໃນການພັດທະນາໃນການປະຕິບັດວຽກງານຢ່າງມີປະສິດຕິພາບ.

ດ້ານການນຳໃຊ້:

ນຳໃຊ້ 4ທັກສະພື້ນຖານການຮຽນ-ການສອນພາສາຈີນ (ການເວົ້າ, ການຂຽນ, ການອ່ານ ແລະ ການຟັງ) ເຂົ້າໃນຂົງເຂດວຽກງານຕົວຈິງໃນອົງກອນພັກ-ລັດ ແລະ ເອກະຊົນ.

ສື່່ສານກັບຜູ້ທີ່ໃຊ້ພາສາຈີນໄດ້ຕາມມາດຕະຖານລະດັບພາສາຈີນ HSK 4 ແລະ HSKK ລະດັບກາງຂຶ້ນໄປ.

ທັກສະທາງສັງຄົມ:

ພັດທະນາຄວາມຮູ້ທາງດ້ານ 4 ທັກສະເພື່ອຕອບສະໜອງໃຫ້ໜ້າທີ່ວຽກງານໃນຂະແໜງການວິຊາການສະເພາະເຊັ່ນ: ບໍລິຫານ, ເລຂານຸການ, ການບໍລິການ, ຄົ້ນຄວ້າວິໄຈຕ່າງໆ

ປະຕິບັດຕາມໜ້າທີ່ວຽກງານເປັນໝູ່ຄະນະຢ່າງມີຈັນຍາບັນ, ຈັນຍາທຳ, ຄວາມຮັບຜິດຊອບສູງ, ພ້ອມທັງຄຽງຄູ່ກັບການສົ່ງເສີມການຮັກສາຮີດຄອງປະເພນີອັນດີງາມຂອງຊາດ.

ຈຳແນກ ແລະສາມາດຮັບໃຊ້ສັງຄົມທີ່ມີຄວາມຕ້ອງການຕະຫຼາດແຮງງານດ້ານ

ພາສາຈີນໄດ້ຕາມຂະແໜງການທີ່ຕ້ອງການຕາມຄວາມເໝາະສົມ.