ເມນູຫຼັກ

ໃນວັນທີ 16 ພຶດສະພາ 2024, ຄະນະນັກສຶກສາຈາກ ມະຫາວິທະຍາໄລແຫ່ງຊາດສິງກະໂປ (National University of Singapore : NUS) ໄດ້ມາຈັດໂຄງການແລກປ່ຽນດ້ານແບບແຜນການພັດທະນາແບບຍືນຍົງ ແລະ ວັດທະນະທໍາລາວ-ສິງກະໂປ ຮ່ວມກັບ ຕາງໜ້ານັກສຶກສາຈາກມະຫາວິທະຍາໄລແຫ່ງຊາດ. ໂຄງການແລກປ່ຽນດັ່ງກ່າວເປັນໂຄງການທີ່ຢູ່ພາຍໃຕ້ແຜນງານ The Asian Exposure Programme ຂອງ National Youth Council of Singapore; ໂດຍໄດ້ຈັດຂຶ້ນທີ່ ຫ້ອງ MBA, ສະຖາບັນພັດທະນາຊັບພະຍາກອນມະນຸດລາວ-ຍີ່ປຸ່ນ, ມຊ. ຈຸດປະສົງຫຼັກຂອງງານແມ່ນເພື່ອເປີດໂອກາດໃຫ້ນັກສຶກສາລາວ ແລະ ສິງກະໂປ ໄດ້ແລກປ່ຽນດ້ານແບບແຜນການພັດທະນາແບບຍືນຍົງຜ່ານການສົນທະນາແລກປ່ຽນແນວຄວາມຄິດ, ການເຮັດວຽກເປັນກຸ່ມ ແລະ ການນໍາສະເໜີ ເຊັ່ນ: ການສ້າງແບບແຜນ, ວິທີການດໍາເນີນງານ ແລະ ແນວທາງການແກ້ໄຂບັນຫາ ທີ່ຕິດພັນກັບ 4 ຫົວຂໍ້ຄື: SDG 2a End Hunger: Enhancing Agriculture, SDG 11a Urbanization: Urbanization vs Farmland vs Heritage, SDG 11b Urbanization: Avoiding Pollution and Problems of Fast Urbanization ແລະ SDG 10a Reduce Discrimination: Empowering the Disabled and Underprivileged; ພ້ອມທັງປະກອບມີກິດຈະກໍາແລກປ່ຽນດ້ານວັດທະນະທໍາລະຫວ່າງສອງຊາດອີກດ້ວຍ.

ພາບບັນຍາກາດ