ໃນຕອນເຊົ້າ ວັນທີ 27 ກັນຍາ 2024, ມະຫາວິທະຍາໄລແຫ່ງຊາດ (ມຊ) ໄດ້ລົງນາມບົດບັນທຶກຄວາມເຂົ້າໃຈໃນການຮ່ວມມືທາງດ້ານວິຊາການ ຮ່ວມກັບ ວິທະຍາໄລການສຶກສາກ່ອນໄວຮຽນຄຸນມິງ ສປ ຈີນໂດຍການລົງນາມຝ່າຍ ມຊ ໂດຍທ່ານ ທອງສຸກ ແກ້ວມະນີ ຮອງອະທິການບໍດີ ແລະ ຝ່າຍ ວິທະຍາໄລການສຶກສາກ່ອນໄວຮຽນຄຸນມິງ ໂດຍທ່ານ ຊົງ ໄທ່ເຊີງ (Song Haisheng) ຮອງຜູ້ອຳນວຍການວິທະຍາໄລ ການສຶກສາກ່ອນໄວຮຽນຄຸນມິງ ມີບັນທ່ານຫົວໜ້າ-ຮອງຫົວໜ້າ ຫ້ອງການ, ຄະນະບໍດີ, ພະນັກງານ, ຄູ-ອຈານ ຈາກທັງສອງຝ່າຍເຂົ້າຮ່ວມເປັນສັກຂີພິຍານ.
ໃນການລົງນາມການຮ່ວມມືທັງສອງຝ່າຍເປັນການສົ່ງເສີມການຮ່ວມມືແລກປ່ຽນທາງດ້ານວິຊາການ ແລະວັດທະນະທຳຂອງສອງຝ່າຍ ລວມເຖິງການຄົ້ນຄ້ວາວິທະຍາສາດ ແລະການຮຽນ-ການສອນ ພ້ອມນັ້ນ ຍັງຈະໄດ້ມີການຈັດກອງປະຊຸມສົນທະນາແລກປ່ຽນອີກດ້ວຍ.
ວິທະຍາໄລການສຶກສາກ່ອນໄວຮຽນຄຸນມິງ ສປ ຈີນ ເປັນໂຮງຮຽນທີ່ຂັດການຮຽນ-ການສອນ ແລະເຝິກອົບຮົມດ້ານວິຊາການຄູ ໃນຂັ້ນການສຶກສາກ່ອນໄວຮຽນອັນດັບຕົ້ນໆຂອງ ສປ ຈີນ ໂດຍມີພື້ນທີ່ອາຄານຮຽນກວ້າງຂວາງ ແລະເປັນວິທະຍາເຂດສີຂຽວພ້ອມທັງມີສິ່ງອຳນວຍຄວາມສະດວກຫຼາຍຢ່າງເຊັ່ນ: ອາຄານຮຽນ, ຫ້ອງສະໝຸດ, ຫ້ອງບັນຍາຍວິຊາການ, ຫໍພັກນັກສຶກສາ ແລະອື່ນໆ ເຊິ່ງຕັ້ງຢູ່ແຂວງ ຍູນນານ ເມືອງຄຸນມິງ ສປ ຈີນ.