ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງພະນັກງານ ແລະ ນັກສຶກສາ ມະຫາວິທະຍາໄລແຫ່ງຊາດ ເພື່ອຊາບວ່າ: ກອງເລຂາອາຊຽນ ກໍາລັງເປີດຮັບສະໝັກນັກສຶກສາລາວ ທີ່ກໍາລັງສຶກສາລະດັບປະລິນຍາຕີ ຢູ່ນອກປະເທດ ໂດຍກໍາລັງສຶກສາຢູ່ທີ່ມະຫາວິທະຍາໄລທີ່ເປັນສະມາຊິກໃນເຄືອຂ່າຍມະຫາວິທະຍາໄລອາຊຽນ (ASEAN University Network: AUN) ຫຼື ນັກສຶກສາຕ່າງປະເທດ ທີ່ມາຈາກປະເທດສະມາຊິກອາຊຽນ ທີ່ກຳລັງສຶກສາລະດັບປະລິນຍາຕີ ຢູ່ ມະຫາວິທະຍາໄລແຫ່ງຊາດ, ເພື່ອສະໝັກເອົາທຶນການສຶກສາ ພາຍໃຕ້ໂຄງການ ASEAN-Maybank Scholarship 2024, ຊຶ່ງຜູ້ໃຫ້ທຶນຈະຮັບຜິດຊອບ ຄ່າຮຽນ, ຄ່າທີ່ພັກ, ເບ້ຍລ້ຽງ, ອຸປະກອນການຮຽນ, ຄອມພິວເຕີແລັບທ໋ອບ, ປະກັນສຸຂະພາບ, ຄ່າວີຊ່າ, ຄ່າເດີນທາງ ແລະ ຄ່າປີ້ຍົນໄປ-ກັບລະຫວ່າງປະເທດ.
ເງື່ອນໄຂຜູ້ສະໝັກ:
- ຕ້ອງເປັນນັກສຶກສາທີ່ກໍາລັງສຶກສາຢູ່ ຊັ້ນປີທີ 1.
- ມີຜົນການຮຽນດີ ເກຼດສະເລ່ຍ 3.00 ຂຶ້ນໄປ
- ມີຄວາມຫ້າວຫັນຕໍ່ການຮ່ຳຮຽນ ແລະ ມີຄວາມກະຕືລືລົ້ນໃນການເຂົ້າຮ່ວມກິດຈະກໍານອກຫຼັກສູດ.
- ສາຂາວິຊາທີ່ນັກສຶກສາກໍາລັງສຶກສາຢູ່ ຕ້ອງສອດຄ່ອງກັບສາຂາທີ່ໄດ້ກໍານົດໄວ້ໃນການໃຫ້ທຶນຂອງໂຄງການນີ້.
ວິທິການສະໝັກ:
- ເຂົ້າເບິ່ງລາຍລະອຽດຕ່າງໆ ແລະ ວິທີການສະໝັກໃນລິ້ງ: https://www.maybankfoundation.com/index.php/what-we-do/our-pillars/education/item/asean-maybank-scholaship-programme
- ກໍານົດປິດຮັບສະໝັກວັນທີ 15 ມີນາ 2024.