Call for Application: Student Mobility Program 2024/25 @ University of Florence, Italy, under the International Credit Mobility – Erasmus+ Programme (FEB – MAY 2025)

ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ຊາບວ່າ: ມະຫາວິທະຍາໄລຟໍເຣນ (University of Florence), ປະເທດອິຕາລີ, ກໍາລັງເປີດຮັບນັກສຶກສາເຂົ້າຮ່ວມໂຄງການແລກປ່ຽນການສຶກສາ ໄລຍະ 1 ພາກຮຽນ (ເລີ່ມເດືອນ ກຸມພາ - ພຶດສະພາ 2025) ປະຈໍາສົກສຶກສາ 2024 – 2025 ພາຍໃຕ້ໂຄງການ International Credit Mobility - Erasmus+ Programme. ສາຂາວິຊາທີ່ເປີດໃຫ້ນັກສຶກສາແລກປ່ຽນເຂົ້າຮຽນປະກອບມີ: ເອີຣົບສຶກສາ, ເສດຖະສາດ, ພົວພັນຕ່າງປະເທດ, ກົດໝາຍ, ປະຫວັດສາດ, ການເມືອງ, ແລະ ສັງຄົມສາດ. ຜູ້ທີ່ຜ່ານການຄັດເລືອກເຂົ້າຮ່ວມໂຄງການແລກປ່ຽນດັ່ງກ່າວນີ້ຈະໄດ້ຮັບທຶນການສຶກສາເປັນຄ່າເດີນທາງໄປ-ກັບ, ເງິນເບ້ຍລ້ຽງ, ຄ່າປະກັນໄພ, ວີຊາ, ແລະ ເຂົ້າຮຽນກຽມພາສາອີຕາລີທາງອອນລາຍ. ນັກສຶກສາຜູ້ທີ່ມີຄວາມສົນໃຈສະໝັກ ແມ່ນໃຫ້ລົງທະບຽນ ແລະ ປະກອບແບບຟອມເຂົ້າສໍາພາດຄັດເລືອກ ແລະ ສົ່ງແບບຟອມເຂົ້າສໍາພາດຕາມທີ່ຢູ່ດັ່ງລຸ່ມນີ້:

ເງື່ອນໄຂຜູ້ສະໝັກ:

1. ຕ້ອງເປັນນັກສຶກສາ ມຊ ຊັ້ນປີທີ 2 ຫຼື 3 ທີ່ກໍາລັງສຶກສາຢູ່ ຄະນະເສດຖະສາດ ແລະ ບໍລິຫານທຸລະກິດ, ຄະນະວິທະຍາສາດສັງຄົມ ຫຼື ຄະນະນິຕິສາດ ແລະ ລັດຖະສາດ ແລະ ມີຜົນການຮຽນຢູ່ໃນລະດັບດີ ເກຼດສະເລ່ຍບໍ່ຕ່ຳກວ່າ 3.00;
2. ຕ້ອງມີໜັງສືເດີນທາງ (Passport) ທີ່ບໍ່ທັນໝົດອາຍຸພາຍໃນ 1 ປີ;
3. ສາມາດເວົ້າ ແລະ ຂຽນພາສາອັງກິດໄດ້ໃນລະດັບດີຫຼາຍ (ຖ້າມີໃບຢັ້ງຢືນລະດັບພາສາອັງກິດແມ່ນຈະເປັນການດີທີ່ສຸດ);
4. ມີສຸຂະພາບແຂງແຮງດີທາງດ້ານຮ່າງກາຍ ແລະ ຈິດໃຈ;
5. ສາມາດເດີນທາງ ແລະ ອາໄສຢູ່ຕ່າງປະເທດໄດ້ດ້ວຍຕົນເອງ; ແລະ
6. ສາມາດຮັບຜິດຊອບອອກຄ່າໃຊ້ຈ່າຍກວດສຸຂະພາບ ແລະ ດໍາເນີນເອກະສານສະໝັກວີຊາກ່ອນໄດ້.

ຂັ້ນຕອນການສະໝັກ:

1. ລົງທະບຽນເຂົ້າສໍາພາດ: https://forms.gle/u4nkh7L9GXc6jFMJ8     
2. ດາວໂຫຼດແບບຟອມເຂົ້າສຳພາດ: Download Application Form here     
3. ຕື່ມຂໍ້ມູນໃສ່ແບບຟອມທີ່ດາວໂຫຼດແລ້ວສົ່ງເຖິງ: This email address is being protected from spambots. You need JavaScript enabled to view it. (ບໍ່ອະນຸຍາດໃຫ້ຕື່ມຟອມຜ່ານລິ້ງ Google Doc), ບໍ່ໃຫ້ກາຍວັນທີ 12 ສິງຫາ 2024 ເວລາ 06:00 ໂມງແລງ.

4. ນັກສຶກສາທີ່ປະກອບແບບຟອມສະໝັກຄົບຖ້ວນ ແມ່ນສາມາດເຂົ້າຮ່ວມການສອບເສັງຄັດເລືອກ (ສອບເສັງວັດລະດັບພາສາອັງກິດ) ທີ່ຈະຖືກຈັດຂຶ້ນໃນເວລາ 15: 00 ໂມງ, ວັນອັງຄານ ທີ 13 ສິງຫາ 2024 ທີ່ ຫ້ອງປະຊຸມ ຊັ້ນ 3 ຕຶກສໍານັກງານອະທິການບໍດີ, ມຊ.
5. ນັກສຶກສາທີ່ປະກອບແບບຟອມສະໝັກຄົບຖ້ວນ ແລະ ສອບເສັງວັດລະດັບພາສາອັງກິດ ຜ່ານເກນການຄັດເລືອກ ແມ່ນຈະຖືກແຈ້ງໃຫ້ເຂົ້າຮ່ວມການສໍາພາດຄັດເລືອກໃນຂັ້ນຕໍ່ໄປຕາມລໍາດັບ.
6. ສໍາລັບຜູ້ທີ່ຜ່ານການສໍາພາດຄັດເລືອກຈາກມະຫາວິທະຍາໄລແຫ່ງຊາດ, ທາງມະຫາວິທະຍາໄລແຫ່ງຊາດ ຈະນໍາສົ່ງລາຍຊື່ ແລະ ເອກະສານສະໝັກທີ່ກ່ຽວຂ້ອງໄປໃຫ້ ມະຫາວິທະຍາໄລມະຫາວິທະຍາໄລຟໍເຣນ ເພື່ອພິຈາລະນາ ແລະ ດໍາເນີນການຄັດເລືອກໃນຂັ້ນຕໍ່ໄປ.

ຂໍ້ມູນເພີ່ມເຕີມ: ຜູ້ປະສານງານ: ນ. ວຽງສະຫວັນ ວົງກະເສີມ, ຫ້ອງການພົວພັນຕ່າງປະເທດ, ມຊ,  E-mail: This email address is being protected from spambots. You need JavaScript enabled to view it.