ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ຊາບວ່າ: ກະຊວງຄວາມສະເໝີພາບຍິງຊາຍ ແລະ ຄອບຄົວ ແຫ່ງ ສ.ເກົາຫຼີ (The Ministry of Gender Equality and Family: MOGEF) ຮ່ວມກັບ ສະພາຊາວໜຸ່ມແຫ່ງຊາດ ສ.ເກົາຫຼີ (National Council of Youth Organization, Korea: NCYOK), ສະມາຄົມຈິດຕະວິທະຍາສຶກສາແຫ່ງ ສ.ເກົາຫຼີ (Korean Educational Psychology Association: KEPA) ແລະ ກອງເລຂາເຄືອຂ່າຍມະຫາວິທະຍາໄລອາຊຽນ (ASEAN University Network: AUN) ກໍາລັງຈະຈັດກອງປະຊຸມ “The 2023 Global Youth Summit” ໃນລະຫວ່າງວັນທີ 19 – 26 ກໍລະກົດ 2023 ທີ່ ສ. ເກົາຫຼີ, ພາຍໃຕ້ຫົວຂໍ້: “Harmony of Global Youths Towards a Sustainable Future” ໂດຍປະກອບມີຫົວຂໍ້ຍ່ອຍດັ່ງນີ້:

1.      ດ້ານສາທາລະນະສຸກ: Guarantee of the Sustainable Right to Health: Public Health Issues during the With-COVID-19 Era

2.      ດ້ານເຕັກໂນໂລຊີດິຈິຕ້ອນ ແລະ ສຶກສາສາດ: Educational Disparity in the Digital Society Transition and its Solution: Guarantee of the Right to Learning Based on Equity

3.      ດ້ານສັງຄົມ: Youth Participation for the Sustainable Development Goals

4.      ດ້ານວັດທະນະທໍາ: The Role of Youth in Respecting and Spreading Cultural Diversity and Value

5.      ດ້ານວິທະຍາສາດສັງຄົມ: Practice for Daily Life and the Use of Green Energy for Overcoming the Climate Crisis

ເງື່ອນໄຂຜູ້ສະໝັກ: 

1.      ຕ້ອງເປັນນັກສຶກສາ ມຊ ຊັ້ນປີທີ 2 – 4 ແລະ ມີຜົນການຮຽນຢູ່ໃນລະດັບດີ ເກຼດສະເລ່ຍບໍ່ຫຼຸດ 3.50; 

2.      ສາມາດເວົ້າ ແລະ ຂຽນພາສາອັງກິດໄດ້ໃນລະດັບດີຫຼາຍ;

3.      ຕ້ອງມີໜັງສືເດີນທາງ (Passport) ທີ່ບໍ່ທັນໝົດອາຍຸ;

4.      ມີຄວາມຮູ້ພື້ນຖານກ່ຽວກັບການຮ່ວມມືລະຫວ່າງລາວ-ເກົາຫຼີ, ອາຊຽນ-ເກົາຫຼີ;

5.      ມີຄວາມຫ້າວຫັນເຂົ້າຮ່ວມໃນແຕ່ລະກິດຈະກໍາຂອງໂຄງການ, ມີຄວາມສາມາດໃນການນໍາສະເໜີບົດເປັນພາສາອັງກິດ ແລະ ເຮັດວຽກເປັນກຸ່ມໄດ້; 

6.      ມີສຸຂະພາບແຂງແຮງດີ.

ຂັ້ນຕອນການສະໝັກ:

1. ລົງທະບຽນ: https://forms.gle/93oehG1Z1z2rq9cf8   
2. ດາວໂຫຼດແບບຟອມສະໝັກ: Application Form 
3. ສົ່ງແບບຟອມສະໝັກເຂົ້າຫາອິເມວ This email address is being protected from spambots. You need JavaScript enabled to view it. ບໍ່ໃຫ້ກາຍເວລາ 16:00 ໂມງ ຂອງວັນທີ 30 ເມສາ 2023;   
4.  ນັກສຶກສາທີ່ປະກອບແບບຟອມສະໝັກຄົບຖ້ວນ ແລະ ທັນເວລາ ຈະໄດ້ຮັບອິເມວຕອບກັບກ່ອນວັນທີ 1 ພຶດສະພາ 2023 ກ່ຽວກັບການນັດໝາຍໃຫ້ເຂົ້າຮ່ວມການສອບເສັງຄັດເລືອກ (ສອບເສັງວັດລະດັບພາສາອັງກິດ); ສໍາລັບນັກສຶກສາທີ່ປະກອບແບບຟອມສະໝັກບໍ່ຄົບຖ້ວນ ແລະ ບໍ່ທັນຕາມເວລາທີ່ກໍານົດ ແມ່ນຈະບໍ່ໄດ້ເຂົ້າຮ່ວມການສອບເສັງຄັດເລືອກ.

5.  ນັກສຶກສາທີ່ແບບຟອມສະໝັກ ແລະ ສອບເສັງວັດລະດັບພາສາອັງກິດ ຜ່ານເກນການຄັດເລືອກ ແມ່ນຈະຖືກແຈ້ງໃຫ້ເຂົ້າຮ່ວມການສໍາພາດຄັດເລືອກໃນຂັ້ນຕໍ່ໄປຕາມລໍາດັບ.

6. ສໍາລັບຜູ້ທີ່ຜ່ານການສໍາພາດຄັດເລືອກຈາກມະຫາວິທະຍາໄລແຫ່ງຊາດ, ທາງມະຫາວິທະຍາໄລແຫ່ງຊາດ ຈະນໍາສົ່ງລາຍຊື່ ແລະ ເອກະສານສະໝັກທີ່ກ່ຽວຂ້ອງໄປໃຫ້ ກອງເລຂາເຄືອຂ່າຍມະຫາວິທະຍາໄລອາຊຽນ ພິຈາລະນາ ແລະ ດໍາເນີນການຄັດເລືອກໃນຂັ້ນຕໍ່ໄປ.

ໝາຍເຫດ: ນັກສຶກສາທີ່ຜ່ານການຄັດເລືອກ ຈະໄດ້ຮັບທຶນເປັນ ຄ່າປີ້ຍົນໄປ-ກັບ, ຄ່າກິນຢູ່-ພັກເຊົາໃນໄລຍະເຂົ້າຮ່ວມກອງປະຊຸມ ແລະ ຄ່າປະກັນໄພ.

ຂໍ້ມູນເພີ່ມເຕີມ: ຜູ້ປະສານງານ: ປອ. ສຸບິນ ສີສະຫວັດ, ຮອງຫົວໜ້າ ພະແນກແລກປ່ຽນກິດຈະກໍາຕ່າງປະເທດ, ຫ້ອງການພົວພັນຕ່າງປະເທດ ມຊ, ເບີໂທ: 020 5571 3535, ອິເມວ: This email address is being protected from spambots. You need JavaScript enabled to view it.

ອະທິການບໍດີ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາພາຍໃນມະຫາວິທະຍາໄລແຫ່ງຊາດ ຊາບວ່າ: ມະຫາວິທະຍາໄລເຕັກໂນໂລຊີນານຢາງ (Nanyang Technological University: NTU) ປະເທດສິງກະໂປ ກໍາລັງຈະຈັດໂຄງການແລກປ່ຽນການສຶກສາ TF LEaRN @NTU Summer Scholarship Programme ໃນລະຫວ່າງວັນທີ 28 ມິຖຸນາ - 29 ກໍລະກົດ 2023 ຊຶ່ງຈະຈັດຢູ່ 2 ປະເທດຄື: ວັນທີ 28 ມິຖຸນາ - 18 ກໍລະກົດ 2023 ແມ່ນຈະຈັດຢູ່ທີ່ ປະເທດສິງກະໂປ ແລະ ວັນທີ 19 – 29 ກໍລະກົດ 2023 ແມ່ນຈະຈັດຢູ່ທີ່ ປະເທດໄທ, ໂດຍຢູ່ພາຍໃຕ້ການສະໜອງທຶນການສຶກສາຂອງ ມູນິທິເທມະເສກ (Temasek Foundation); ຊຶ່ງຈຸດປະສົງຫຼັກຂອງໂຄງການດັ່ງກ່າວ ແມ່ນເພື່ອໃຫ້ນັກສຶກສາມີໂອກາດໄດ້ສຶກສາຮຽນຮູ້ ສະເພາະດ້ານວິຊາການ ກ່ຽວກັບ: (1) Role and Impact of Asia in the World (Singapore’s Perspective) and Intercultural Competence ແລະ (2) Professional Development and Occupational Success in the 21st Century. 

ເງື່ອນໄຂຜູ້ສະໝັກ:

1.      ຕ້ອງເປັນນັກສຶກສາ ມຊ ຊັ້ນປີທີ 2 ຂຶ້ນໄປ ແລະ ມີຜົນການຮຽນຢູ່ໃນລະດັບດີ ເກຼດສະເລ່ຍບໍ່ຕ່ຳກວ່າ 3.00; 

2.      ສາມາດເວົ້າ ແລະ ຂຽນພາສາອັງກິດໄດ້ໃນລະດັບດີຫຼາຍ;

3.      ຕ້ອງມີໜັງສືເດີນທາງ (Passport) ທີ່ບໍ່ທັນໝົດອາຍຸ,

4.      ມີຄວາມຫ້າວຫັນຕໍ່ການມີສ່ວນຮ່ວມໃນແຕ່ລະກິດຈະກໍາຂອງໂຄງການ, ມີຄວາມສາມາດໃນການນໍາສະເໜີບົດ ແລະ ເຮັດວຽກເປັນກຸ່ມໄດ້;

5.      ມີພອນສະຫວັນດ້ານສິລະປະ-ວັດທະນະທໍາ; ແລະ 

6.      ມີສຸຂະພາບແຂງແຮງດີ.

ຂັ້ນຕອນການສະໝັກ:

1. ລົງທະບຽນເຂົ້າສໍາພາດ: https://forms.gle/qr7HwxJpc8q83UEbA   
2. ດາວໂຫຼດແບບຟອມເຂົ້າສຳພາດ: Application Form   
3. ສົ່ງແບບຟອມເຂົ້າສໍາພາດເຖິງ: This email address is being protected from spambots. You need JavaScript enabled to view it., ບໍ່ໃຫ້ກາຍວັນທີ 25 ເມສາ 2023.
4. ເຂົ້າສໍາພາດ ວັນພຸດ ທີ 26 ເມສາ 2023 ເວລາ 14: 00 ໂມງ ທີ່ ຫ້ອງປະຊຸມຊັ້ນ 3 ສໍານັກງານອະທິການບໍດີ, ມຊ.
5. ຜູ້ທີ່ຜ່ານການສໍາພາດຄັດເລືອກ ທາງມະຫາວິທະຍາໄລແຫ່ງຊາດຈະສົ່ງລາຍຊື່ ແລະ ເອກະສານສະໝັກທີ່ກ່ຽວຂ້ອງໄປໃຫ້ທາງມະຫາວິທະຍາໄລເຕັກໂນໂລຊີນານຢາງ ເປັນຝ່າຍພິຈາລະນາໃນຂັ້ນຕໍ່ໄປ.

ໝາຍເຫດ: ນັກສຶກສາທີ່ຜ່ານການຄັດເລືອກຈະໄດ້ຮັບທຶນການສຶກສາເປັນຈໍານວນ 5,300 ໂດລາສິງກະໂປ ຊຶ່ງໃນນັ້ນ, 3,800 ໂດລາສິງກະໂປ ແມ່ນກວມເອົາ ຄ່າຮຽນ ແລະ ອຸປະກອນການຮຽນ, ຄ່າເຂົ້າຮ່ວມທັດສະນະສຶກສາ ແລະ ຄ່າທີ່ພັກ; ແລະ 1,500 ໂດລາສິງກະໂປ ແມ່ນກວມເອົາ ຄ່າອາຫານໃນໄລຍະເຂົ້າຮ່ວມໂຄງການ ແລະ ຄ່າປີ້ຍົນ ເດີນທາງໄປ ສິງກະໂປ - ໄທ - ລາວ.

ຂໍ້ມູນເພີ່ມເຕີມ: ຜູ້ປະສານງານ: ນ. ວຽງສະຫວັນ ວົງກະເສີມ, ຫ້ອງການພົວພັນຕ່າງປະເທດ, ມຊ, ໂທ: 021 770 720, 020 5448 3131

ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາ ພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ: ມະຫາວິທະຍາໄລສ້າງຄູຖຽນຈິນ ສປ.ຈີນ (Tianjin Normal University: TNU) ກໍາລັງຈະຈັດໂຄງການແລກປ່ຽນການສຶກສາໄລຍະສັ້ນ 2023 Chinese Cultural Camp at Tianjin Normal University — “Summer at TNU” ໃນລະຫວ່າງວັນທີ 1 – 14 ສິງຫາ 2023 ທີ່ ຖຽນຈິນ ແລະ ປັກກິ່ງ ສປ.ຈີນ, ຊຶ່ງຈຸດປະສົງຂອງໂຄງການແມ່ນ ເພື່ອໃຫ້ນັກສຶກສາໄດ້ມີໂອກາດເຂົ້າເຖິງພາສາ ແລະ ວັດທະນະທໍາຈີນຫຼາຍຂຶ້ນ ຜ່ານກິດຈະກໍາທີ່ມະຫາວິທະຍາໄລດັ່ງກ່າວຈັດ ແລະ ການທັດສະນະສຶກສາຕາມສະຖານທີ່ທາງປະຫວັດສາດຕ່າງໆ. ນັກສຶກສາຜູ້ທີ່ມີຄວາມສົນໃຈ ສາມາດສອບຖາມລາຍລະອຽດເພີ່ມເຕີມໄດ້ກັບ ນ. ວຽງສະຫວັນ ວົງກະເສີມ, ພະນັກງານວິຊາການ ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ, ເບີໂທ: 020 54483131 ຫຼື ອິເມວ: This email address is being protected from spambots. You need JavaScript enabled to view it. ແລະ ສາມາດດາວໂຫຼດແບບຟອມສະໝັກໄດ້ທີ່ https://gjjl.tjnu.edu.cn/info/1166/5739.htm , ຫຼັງຈາກປະກອບແບບຟອມສະໝັກແລ້ວແມ່ນໃຫ້ນໍາສົ່ງໄປຍັງ ຫ້ອງການພົວພັນຕ່າງປະເທດ (ຫ້ອງ 107), ສໍານັກງານອະທິການບໍດີ,  ມະຫາວິທະຍາໄລແຫ່ງຊາດ; ກໍານົດປິດຮັບສະໝັກ ວັນທີ 28 ເມສາ 2023.

ໝາຍເຫດ:    - ຄ່າລົງທະບຽນເຂົ້າຮ່ວມໂຄງການແມ່ນ 4,060 ຢວນ (ບໍ່ລວມຄ່າທໍານຽມການໂອນ) ຕໍ່ນັກສຶກສາ 1 ຄົນ, ຊຶ່ງຄ່າໃຊ້ຈ່າຍດັ່ງກ່າວແມ່ນຈະກວມເອົາ ຄ່າຮຽນ, ຄ່າທີ່ພັກ, ຄ່າປະກັນໄພ, ຄ່າເດີນທາງທັດສະນະສຶກສາ ແລະ ຄ່າເຂົ້້າຢ້ຽມຊົມສະຖານທີ່ຕ່າງໆ, ຄ່າຮັບ-ສົ່ງ ຈາກສະໜາມບິນຫາມະຫາວິທະຍາໄລ.

-       ສໍາລັບຄ່າປີ້ຍົນໄປ-ກັບ ແລະ ຄ່າອາຫານ ແມ່ນນັກສຶກສາຈະຕ້ອງກຸ້ມຕົນເອງ.

-       ນັກສຶກສາທີ່ສະໝັກແມ່ນຈະຕ້ອງໄດ້ຮັບການເຫັນດີຈາກຜູ້ປົກຄອງຂອງຕົນ.

-       ພາສາທີ່ນໍາໃຊ້ໃນໄລຍະການເຂົ້າຮ່ວມໂຄງການແມ່ນ ພາສາຈີນ ແລະ ພາສາອັງກິດ.

ຫ້ອງການພົວພັນຕ່າງປະເທດ ມະຫາວິທະຍາໄລແຫ່ງຊາດ ຂໍແຈ້ງມາຍັງນັກສຶກສາ ພາຍໃນມະຫາວິທະຍາໄລແຫ່ງຊາດ ເພື່ອຊາບວ່າ: ສະຖາບັນສຶກສາທິການແຫ່ງຊາດ ຂອງປະເທດສິງກະໂປ (National Institute of Education: NIE) ກໍາລັງຈະຈັດໂຄງການແລກປ່ຽນການສຶກສາ Semester@NIE ໄລຍະ 1 ພາກຮຽນ ປະຈໍາສົກສຶກສາ 2023/2024 ທີ່ ມະຫາວິທະຍາໄລເຕັກໂນໂລຊີນັນຢາງ (Nanyang Technological University: NTU), ປະເທດສິງກະໂປ, ພາຍໃຕ້ທຶນການສຶກສາ NIE-Singapore ASEAN Scholarship, ຊຶ່ງຈຸດປະສົງຂອງໂຄງການແມ່ນ ເພື່ອໃຫ້ນັກສຶກສາໄດ້ມີໂອກາດຮຽນຮູ້ວິທີການສອນ, ຝຶກຝົນ ແລະ ພັດທະນາທັກສະໃນການເປັນຄູສອນ ໃນສາຂາທີ່ກ່ຽວຂ້ອງກັບ ພາສາ ແລະ ວັດທະນະທໍາອັງກິດ, ເຄມີສາດ, ຟີຊິກສາດ, ຊີວະສາດ, ພູມີສາດ, ຄະນິດສາດ, ປະຫວັດສາດ, ສິລະປະ, ການດົນຕີ, ວິທະຍາສາດການກິລາ, ສຶກສາສາດ, ແລະ ສາຂາອື່ນໆ. ນັກສຶກສາຜູ້ທີ່ມີຄວາມສົນໃຈ ສາມາດເຂົ້າເບິ່ງລາຍລະອຽດການສະໝັກໄດ້ທີ່: https://www.nie.edu.sg/students/student-services-centre/undergraduate-scholarships ກໍານົດປິດຮັບສະໝັກ ວັນທີ 21 ເມສາ 2023.

ໝາຍເຫດ: ນັກສຶກສາ ມຊ ທີ່ກໍາລັງສຶກສາຢູ່ຊັ້ນປີທີ 2 ແລະ 3 ຈຶ່ງສາມາດສະໝັກໄດ້; ຜູ້ທີ່ຖືກຄັດເລືອກໃຫ້ໄດ້ຮັບທຶນການສຶກສາ ຈະຖືກຍົກເວັ້ນຄ່າຮຽນ ແລະ ຈະໄດ້ຮັບເບ້ຍລ້ຽງຈຳນວນໜຶ່ງ ເພື່ອໃຊ້ເປັນຄ່າກິນຢູ່-ພັກເຊົາໃນໄລຍະການສຶກສາທີ່ປະເທດສິງກະໂປ, ແຕ່ນັກສຶກສາຈະຕ້ອງຮັບຜິດຊອບຄ່າເດີນທາງໄປ-ກັບດ້ວຍຕົນເອງ.