ພາລະບົດບາດ
ການຮ່ວມມືມີເປົ້າໝາຍເພື່ອ
- ສົ່ງເສີມການເຂົ້າເຖິງຂໍ້ມູນ ແລະ ຊັບພະຍາກອນຕ່າງໆ ເຊັ່ນ ປຶ້ມອ່ານ, ຂໍ້ມູນທາງອິນເຕີເນັດທີ່ເຊື່ອມຕໍ່ກັບຖານຂໍ້ມູນຫ້ອງສະໝຸດຂອງສະຖາບັນວັດທະນະທຳຝຣັ່ງ « Culturethèque » ແລະ « IFprofs » ;
- ພັດທະນາຄວາມສາມາດດ້ານພາສາຝຣັ່ງຂອງນັກສຶກສາ ແລະ ຄູອາຈານ ແລະ ການນຳໃຊ້ເຕັກໂນໂລຊີໃໝ່ໆເຂົ້າໃນວຽກງານວິຊາການ ແລະ ວິຊາຊີບ ໂດຍຜ່ານການຈັດຕັ້ງປະຕິບັດ ການຝຶກອົບຮົມທາງດ້ານວິຊາຄູ, ກິດຈະກຳພາສາຝຣັ່ງ, ກິດຈະກຳທາງຄອມພິວເຕີ, ການຝຶກໃຊ້ພາສາຝຣັ່ງໂດຍຜ່ານອິນເຕີເນັດ ;
- ເພີ່ມທະວີກິດຈະກຳສົ່ງເສີມວຽກງານຝຣັ່ງໂກໂຟນີ ໂດຍການປະກອບສ່ວນເຂົ້າໃນການຂຽນໂຄງການລະດັບສາກົນ ເພື່ອສ້າງກິດຈະກຳ ໃນງານສັບປະດາຝຣັ່ງໂກໂຟນີ ;
- ປະຕິບັດພາລະບົດບາດ ເປັນຜູ້ປະຕິບັດງານຂອງມະຫາວິທະຍາໄລແຫ່ງຊາດໃນການປະສານງານເພື່ອການສະໜັບສະໜູນ ແລະ ໃຫ້ມີການຮຽນ-ການສອນພາສາຝຣັ່ງໃນຫຼາຍສາຂາວິຊາ, ເພື່ອການປະສານງານຕອບສະໜອງໃຫ້ກັບໂຄງການພາສາຝຣັ່ງ ແລະ ເພື່ອດຳເນີນການສະໜັບສະໜູນການຝຶກອົບຮົມ, ການຈັດກິດຈະກຳ ແລະ ການປະກອບອາຊີບ.
- ສູນຝຣັ່ງໂກໂຟນຕັ້ງຢູ່ວິທະຍາເຂດດົງໂດກ ມະຫາວິທະຍາໄລແຫ່ງຊາດລາວ, ຈະເປັນໂຄງສ້າງຕົວແບບນຶ່ງສຳລັບນັກສຶກສາແລະອາຈານທີ່ໃຊ້ພາສາຝຣັ່ງຂອງມະຫາວິທະຍາໄລແຫ່ງຊາດລາວ. ຕໍ່ກັບທິດທາງດັ່ງກ່າວ, ສູນຝຣັ່ງໂກໂຟນຈະສະໜອງການຝຶກອົບຮົມທາງດ້ານວິຊາຄູ, ດ້ານພາສາສາດ ແລະດ້ານໄອທີ, ເຊິ່ງຈະຊ່ວຍປະກອບສ່ວນເຂົ້າໃນການພັດທະນາດ້ານການສຶກສາ ແລະເສດຖະກິດຂອງປະເທດຊາດ.
- ສູນຝຣັ່ງໂກໂຟນໄດ້ຈັດຕັ້ງປະຕິບັດບັນດາກິດຈະກຳດ້ານ ສັງຄົມ-ສຶກສາໃນຂອບຂອງວຽກງານຝຣັ່ງໂກໂຟນີ ເພື່ອເຊື່ອມໂຍງກັບບັນດາພາກສ່ວນທີ່ໃຊ້ພາສາຝຣັ່ງຂອງ ມະຫາວິທະຍາໄລແຫ່ງຊາດ.
ຄະນະຜູ້ອຳນວຍການສູນ
- ທ່ານ ນ. ປທ. ສຸວັນນະພາ ວົງໄຊ (ຜູ້ອຳນວຍການສູນ)
- ທ່ານ ນ. ປອ. ມາເລັກ ຊາກເລ (ຮອງຜູ້ອຳນວຍການສູນ)
ຂໍ້ມູນຕິດຕໍ່:
ວິທະຍາເຂດດົງໂດກ, ມະຫາວິທະຍາໄລແຫ່ງຊາດ, ຕຶກ L
ເຟສບຸກ: Polefrancophone