ໃນລະຫວ່າງວັນທີ 12 - 16 ສິງຫາ 2024, ສູນເຄືອຂ່າຍຂໍ້ມູນຂ່າວສານແມ່ຍິງອາຊີ- ປາຊີຟິກ, ມະຫາວິທະຍາໄລສະຕຼີສຸກມຽງ ສ. ເກົາຫຼີ ຮ່ວມກັບ ມະຫາວິທະຍາໄລແຫ່ງຊາດ ໄດ້ຈັດຝຶກອົບຮົມພາຍໃຕ້ໂຄງການ “2024 Sookmyung UNESCO UNITWIN Digital and Leadership Training” ໃຫ້ແກ່ນັກສຶກສາຍິງ ມຊ ພາຍໃຕ້ຫົວຂໍ້ຫຼັກ: “Women’s Empowerment through ICT Skills and Leadership Education” ຊຶ່ງໄດ້ຈັດການຝຶກອົບຮົມອອກເປັນ 2 ຫົວຂໍ້ຍ່ອຍຄື: ຫົວຂໍ້ Digital ແລະ ຫົວຂໍ້ Leadership, ໂດຍໄດ້ຈັດຂຶ້ນ ທີ່ ຫ້ອງອະເນກປະສົງ ສະຖາບັນພັດທະນາຊັບພະຍາກອນມະນຸດລາວ-ຍີ່ປຸ່ນ, ມະຫາວິທະຍາໄລແຫ່ງຊາດ. ຈຸດປະສົງຂອງການຝຶກອົບຮົມໃນຄັ້ງນີ້ແມ່ນເພື່ອເປີດໂອກາດໃຫ້ນັກສຶກສາຍິງ ມຊ ມີຄວາມຮູ້-ຄວາມເຂົ້າໃຈ ດ້ານໄອທີ/ດິຈິຕ້ອນ ແລະ ດ້ານຄວາມເປັນຜູ້ນຳ ຫຼາຍຍິ່ງຂຶ້ນ. ທັງນີ້, ຍັງໄດ້ມີການຄັດເລືອກເອົານັກສຶກສາທີ່ໄດ້ເຂົ້າຮ່ວມ ຈໍານວນ 8 ຄົນ, ໄປຝຶກອົບຮົມ ທີ່ ມະຫາວິທະຍາໄລສະຕີຊຸກມຽງ, ສ.ເກົາຫຼີ ໄລຍະ 1 ອາທິດ ໃນເດືອນ ພະຈິກ 2024 ອີກດ້ວຍ.
ພາບບັນຍາກາດ